fbpx

Tag: 《火紅年代黑骨棠》

邱瑞新透露「秘密任務」 寫「勁到爆炸電影作品」

邱瑞新透露「秘密任務」 寫「勁到爆炸電影作品」

雖然爆啲唔爆啲,但邱瑞新真係有料爆。佢剛剛喺面書開Post披露「秘密任務」,原來因為要抽時間寫「勁到爆炸嘅電影作品」,所以要完結《火武耀揚》,而電影劇本亦「已經進行得八八九九」。消息一出,讀者即時追問係咪推出電影版《火武耀揚》Or《火紅年代黑骨棠》,仲推介話要搵曾志偉飾演臭口柱、張耀揚飾演黑骨棠、陳百祥做人西云云。點都好,真心支持瑞新,希望佢可以喺第二個媒體做出成績,加油呀。

Read more ›

有片:邱瑞新專訪 點解摺《耀武揚威》同《火紅年代黑骨棠》?

有片:邱瑞新專訪 點解摺《耀武揚威》同《火紅年代黑骨棠》?

熱烈推介「卡卡多工作室」,此面書專頁食住《火武耀揚》1000期個勢,剛同邱瑞新做咗個極詳細訪問,分享咗佢創作三本漫畫嘅心路歷程、如何以角色本身性格引導番自己創作故事、如何受日漫美漫風格影響,最重要係解答咗我一路都好想知嘅問題──《耀武揚威》同《火紅年代黑骨棠》因何摺書──想當年邱瑞新無厘頭摺書,我真係有啲嬲嬲哋兼失落。喺短片裡面,佢畀咗個答覆我,而呢個答覆都尚算令我滿意……原因係乜?自己睇喇。

Read more ›
非常突然!《火紅年代黑骨棠》完結So Sad!

非常突然!《火紅年代黑骨棠》完結So Sad!

事忙,上周四出版嘅《火紅年代黑骨棠》,我剛剛先有時間睇,習慣先睇「瑞新週記」先嘅,睇完,好無心機睇內文,因為瑞新掉低咗幾句說話:「緣份有聚有散!瑞新響度向大家正式宣佈:下期《火紅年代》係最終回!即係故事暫完停刊!緣來緣去,自有天意!希望下期《火紅年代》嘅圓滿結局篇,可以與你共同渡過,成為瑞新同你嘅珍貴回憶之一!多謝!」呢下真係非常突然,好好哋點解要停刊?

Read more ›
邱瑞新加價 《火武耀揚》+《火紅年代黑骨棠》賣$19

邱瑞新加價 《火武耀揚》+《火紅年代黑骨棠》賣$19

《火武耀揚》同《火紅年代黑骨棠》拖到依家先加價,算係咁咯,每本加到$19,同《鐵將縱橫》看齊。加價原因,「瑞新週記」咁話:「講真!對仍然熱情捧場又出錢購買嘅讀者而言,向你地爭取每期多兩蚊使費,對你有點不公,而我有點慚愧!但喺讀者人數不變,而銷路變嘅情況之下,瑞新無奈地無其他方法,我唯一可以做到嘅係更加俾心機,更加倍用心創作,回饋最好嘅港漫娛槳俾讀者朋友們。」其實計我話,兩蚊直頭加得少喇,估計真心讀者唔會為呢區區兩蚊而放棄捧場,努力加油喇瑞新。不過話時話,小弟有一個問題,點解第865期《火武耀揚》期名咁特別嘅?《雲中 霧中 霜雪中》下面,仲有小字寫住「青雲Sir被林國魂邗教魅力感染」,植錯字?唔覺意當期名一齊出咗?有無人答到我?

Read more ›
瑞新加油 《火紅年代黑骨棠》700期

瑞新加油 《火紅年代黑骨棠》700期

唔講唔覺,原來《火紅年代黑骨棠》已經出到700期,喺呢個紙媒步入夕陽嘅年代,一本公仔書可以連載到700期,總算係一個值得鼓舞嘅里程碑。有人話瑞新拖橋又犯駁,打來打去都係嗰幾兜友,又話乜又話物,呢啲嘢我係統統唔理嘅,你話我傻仔都好,我認我係盲撐港漫嗰批死忠,老實講只要睇得明,公仔唔畫得太過份,呢十七蚊我一定畀瑞新賺嘅。瑞新喺今期序言咁寫:「未知的前路是困難的,但路仍要繼續,心仍要熱血!尤其有你!親愛長情的讀者在遙遠的地方看顧我們,愛惜屬於我們香港人的港漫!」無錯,真係希望多啲人識得珍惜「屬於我們香港人的港漫」,瑞新,加油呀。

Read more ›
邱瑞新好狠  《火武耀揚》八大將一期死清光

邱瑞新好狠 《火武耀揚》八大將一期死清光

華興會暴力王無理由咁堅揪,排四八大將又無理由咁水皮架?所以見今期第833期《火武耀揚》書名叫〈八大將之死〉,我都只不過諗係「心死」、「生不如死」、「假死」、「詐死」之類……大家都知瑞新籠嘢喇,佢邊捨得整死重要角色呀?點知一睇,越揭落去就越心寒,嘩,乜真係咁狠心呀──智叔胸口爆開三呎長裂口、仁哥斷右手、禮哥被削半邊面、信仔左手脫離身體、義哥成條大髀甩咗、德哥爆肚咇腸、孝哥俾斬成肉醬,忠哥中過百刀等死,一期,只不過一期貨仔,八大將真係死清光。呢劑當真劇力萬鈞呀,好耐都未試過睇公仔書有咁震撼嘅感覺,我Total翻Loop咗三次,居然有少少唔捨得八大將釘蓋。不過睇完,我真係想問一問瑞新,計埋《火紅年代黑骨棠》嗰邊鱷鬼同小桃葬身火海,咁排四咪成個格屎炒起晒?

Read more ›

《火紅年代黑骨棠》 Beyond做封面

《火紅年代黑骨棠》 Beyond做封面

邱瑞新喺上個禮拜話會畫Beyond做封面,今個禮拜嘅第609期《火紅年代黑骨棠》果然兌現承諾,雖然明知係電腦加工,當中有幾多成份係「畫」,大家心中有數,不過呢個封面著實唔錯。

Read more ›
港漫情報:照賣$15,瑞新宣佈唔加價!

港漫情報:照賣$15,瑞新宣佈唔加價!

正當我同豬朋狗友打賭邊本公仔書會繼《古惑仔》之後加價之際,邱瑞新卻宣佈旗下兩本漫畫《火武耀揚》同《火紅年代黑骨棠》暫時維持售價不變,依舊每本$15,呢一著又當真估佢唔到喎。

Read more ›
《火紅年代黑骨棠》600期 睇賀畫

《火紅年代黑骨棠》600期 睇賀畫

十二年,原來不經不覺我都撐咗《火紅年代黑骨棠》十二年,嚟到今期600期,邱瑞新加厚紙數,刊登咗十一幅賀圖畀讀者欣賞,咁咪好囉,港漫人要團結,港漫是有前途架嘛。

Read more ›
瑞新誠邀讀者客串 同秋哥做對手戲

瑞新誠邀讀者客串 同秋哥做對手戲

牛佬本《江湖大家族》玩明星大頭照入畫,瑞新旗下兩本作品都玩呢招,仲預埋讀者份添,如果你都想自己嘜頭出現喺漫畫入面,咁唔好猶豫嘞,Send張相畀瑞新啦。

Read more ›
李志清筆下的黑骨棠

李志清筆下的黑骨棠

唔講唔覺,原來《火紅年代黑骨棠》已經出到594期,就快到600期嘞。送海報?搞抽獎?出特別版?新帝國無乜動靜,瑞新又好似唔打算大搞,反而李志清作畫一張率先賀同行,抵讚。

Read more ›

《火紅年代黑骨棠》送超巨海報

《火紅年代黑骨棠》送超巨海報

隨住秋哥釘蓋,《火紅年代黑骨棠》展開新一輯故事,講打靶仔帶少年火武見頹廢黑骨棠,沉睡巨人一見眼前少年,驚為天人,決定重新站起來,令老尖江湖再起風雲。

Read more ›
第518期《火紅年代黑骨棠》$15

瑞新的心底話

今期第518期《火紅年代黑骨棠》篇〈瑞新週記〉,真係好值得大家睇o下,自命站o係道德高地發聲o既偽衛道之士,久唔久就柴台話黑社會公仔書教壞細路,其實呢個論調真係好鬼低能同埋Out。

Read more ›
明反國教科,向瑞新致敬!

明反國教科,向瑞新致敬!

個人感覺,芸芸香港漫畫家,黃玉郎擺明係為錢看嘅商家佬,馬Sir早早上岸不問世事升呢做神人,牛佬係個連手機都無嘅奇人,福龍玩世不恭係個長不大的中佬,瑞新呢,係個最有血有肉最有性格嘅香港人。

Read more ›