Tag: 《火武耀揚》

邱瑞新2023年有新作?

邱瑞新2023年有新作?

多一本漫畫睇始終係好事來的,所以如果邱瑞新真係復出港漫界,我係百分之二百舉腳贊成的。佢人在台灣,照計無乜可能重出薄裝港漫,但退而求其次出電子版都好吖,只要係重新繪畫嘅「新作」就OK的了。剛剛,佢喺面書出Post話「邱瑞新2023年暴力美學巔峯大作全力製作中」,並附上火武配圖一張,唔通出《火武耀揚2》?這是我主觀願望,希望成真喇。

Read more ›

邱瑞新報料! 賣定廣告寫鬼書?

邱瑞新報料! 賣定廣告寫鬼書?

《火武耀揚》就快大結局,邱瑞新繼續喺面書擠牙膏式露透新書資料。據佢講,新書場景設定喺「另一個平行時空」,一個名叫「夢都」嘅「烏托邦城市」,透過夢都嘅神鬼傳說來「刻畫人性,探討死亡,來回地獄,顛覆神山」。純種鬼書?望落唔多似,不過靠估,睇個勢似透過怪力亂神講恩怨情仇、人性險惡、賞善罰惡,苟如是,都好難歸類為某一傳統既定書種。Anyway,越神神秘秘我反而越有興趣,希望瑞新真係發掘到新題材以饗讀者,畀多啲驚喜。佢仲話:「下期,神秘驚喜書名正式公布,絕對震撼度爆L晒燈!」拭目以待。

Read more ›
《火武耀揚》仲有兩期完 送極惡戰紋賀富城回歸

《火武耀揚》仲有兩期完 送極惡戰紋賀富城回歸

冚家剷賣魚蛋、正邪同體、鍾意扭蛋買玩具……都估到會出番富城架喇,話晒係「華興」第一快刀手,《火武耀揚》仲有兩期就大結局,點會漏低富城唔畀佢出場吖,不過話時話,喺咁意係青山講兩句就疑似變番正常重出江湖,呢個位又確係交代得突兀啲。Anyway,邱瑞新喺面書話因為「熱烈慶賀富城回歸」,所以送番個「極惡戰紋」畀大家喎,都OK吖,我已經save as wallpaper,當留個紀念都好。

Read more ›
咁快手?邱瑞新已完成新書創刊號!

咁快手?邱瑞新已完成新書創刊號!

邱瑞新《火武耀揚》仲有三期完,劇情講到道理哥施回馬槍、火武紮坐館、巨咪同富城現身,下期預告封面仲疑似見到世鋒身影添,主要角色相繼回歸,希望大結局搞得好好睇睇喇。至於之後有無新作,瑞新繼續擠牙膏式講啲唔講啲,不過喺今期第1151期「瑞新週記」肯肯定話:「瑞新全新巨鑄創刊號已經完成!《火武耀揚》大結局之時,正是另一本創新作品的開始!馬拉松的起跑槍聲快將響起喇!」講到咁實就好嘞,創刊號已經畫好,不但唔會甩拖,睇個勢新作仲要無縫緊接完書後即刻出版咁款喎,究竟係乜類型漫畫呢?我萬二分期待。

Read more ›
《火武耀揚》大結局後 邱瑞新透露出新書

《火武耀揚》大結局後 邱瑞新透露出新書

不諱言,當上個月知悉《火武耀揚》喺1154期大結局,我Sad了好一陣子,事關又將會少一本公仔書睇了。好彩,邱瑞新剛剛喺面書如此透露:「……我想成為更好的漫畫家!要更好就要長進,坦誠面對自己,改善缺點,而且這一次更高難度是全公司仝人從新開始,徹頭徹尾大改革,甚至堅持要讀者翻開新作,完全不知道是《火武耀揚》原來班底的超級作品!」仲話:「……絕對可以帶領您們進入另一個煥然一新的漫畫世界」云云。咁講即係完咗《火武耀揚》之後有新書推出喇,啪啪啪啪啪,真心Mode興奮ing,我真係大拍手掌的。瑞新,努力,加油,支持你呀。

Read more ›

邱瑞新《火武耀揚》上期已經預告咗蝙蝠會死,睇完今期見到蝙蝠咁死法,我覺得有啲唔夠轟烈。為師爺陳捱刀,互劈,斷手,嚎叫,諗住點都會同石頭鍊多幾頁,至少都爆多幾滴血喇,點知轉個頭就成個人頭飛出窗俾火武一抱入懷,連如何斬甩人頭都無交代,如此這般咁就釘咗咯,大有落雨收柴之感。 唔知點解,好多港漫都係咁,隨住劇情發展,主角好多時都會俾二線角色搶風頭,例子有《鐵將縱橫》鐵路人、《西遊》白狼等等,而於我,蝙蝠亦屬此例,對比起所謂嘅尖東玩嘢王臭口柱唔知玩過乜大中小鑊嘢、成日將「江湖百年浩劫」掛喺口邊嘅道理哥永遠齋吹當秘笈懶係有智慧、成日話人「柒到上月球」其實自己最柒嘅虎兒、打極唔死話死又唔死仲要臨老入花叢溝海潮嘅黑骨棠、成日挑來挑起「挑那媽」一味得個打字嘅火武、出親場都懶有霸氣實情得個惡樣嘅雷公等人,我覺得呢個二線角色更立體,描寫得比較有血有肉,忠心有義氣性格鮮明,同翠如BB互溝又夠Funny。咁死法係有啲不捨,個人意見,不喜勿插。

Read more ›

邱瑞新透露「秘密任務」 寫「勁到爆炸電影作品」

邱瑞新透露「秘密任務」 寫「勁到爆炸電影作品」

雖然爆啲唔爆啲,但邱瑞新真係有料爆。佢剛剛喺面書開Post披露「秘密任務」,原來因為要抽時間寫「勁到爆炸嘅電影作品」,所以要完結《火武耀揚》,而電影劇本亦「已經進行得八八九九」。消息一出,讀者即時追問係咪推出電影版《火武耀揚》Or《火紅年代黑骨棠》,仲推介話要搵曾志偉飾演臭口柱、張耀揚飾演黑骨棠、陳百祥做人西云云。點都好,真心支持瑞新,希望佢可以喺第二個媒體做出成績,加油呀。

Read more ›
唔係20回 邱瑞新《火武耀揚》最後15回收工

唔係20回 邱瑞新《火武耀揚》最後15回收工

好了,清晰了,邱瑞新面書開Post講清楚了,《火武耀揚》只得最終15回,而唔係上個禮拜講嘅20回,壓軸出場嘅係久違了的貓山王。即係話,唔係五個月,而係四個月唔夠,我又會少一本公仔書睇了。

Read more ›
邱瑞新堅摺書 《火武耀揚》1154期大結局

邱瑞新堅摺書 《火武耀揚》1154期大結局

好嘞,終於白紙黑字寫清楚嘞,呢鋪睇個勢真係無得返轉頭嘞。邱瑞新喺今期第1140期《火武耀揚》封面留低咗幾隻字:「最終章20回限定大結局」,兼喺書內「瑞新週記」寫:「瑞新衷心感激大家22年來鼎力支持!《火武耀揚》決定在1154期大結局」,唉,將會少一本公仔書睇,我有啲Sad。不過話時話,又話20回限定,照計應該喺1160期完,點解會係1154期呢?呢個位諗唔明。

Read more ›
邱瑞新透露 《火武耀揚》20期內大結局

邱瑞新透露 《火武耀揚》20期內大結局

未致晴天霹靂,但真心A Little bit唔開心的,邱瑞新係今期第1139期《火武耀揚》透露:「二十回後……大結局!」此話一出,有讀者即刻上面書「火武耀揚」了解,得到回覆係「20期內」。嗚,20期,即係大約五個月後,到時又會少一本公仔書睇了。話時話,唔通邱瑞新打算移民所以摺書?

Read more ›
因為《火武耀揚》升書 瑞新送鐵紅仔Wallpaper

因為《火武耀揚》升書 瑞新送鐵紅仔Wallpaper

瑞新話《火武耀揚》有鐵紅仔出場,所以即刻升書,咁真係恭喜晒嘞。因為升書囉,所以要賀一賀囉,所以就失驚無神送呢張免費Wallpaper畀大家下載囉,成件事就係咁嘞。

Read more ›

邱瑞新《火武耀揚》小Bug 雷公面相走樣跌Watt

邱瑞新《火武耀揚》小Bug 雷公面相走樣跌Watt

嗱,瑞新唔好嬲嬲豬呀,有批評先有進步,今期第1121期《火武耀揚》有少少頂唔順呀喂。第14頁,智慧手下戰二虎,明明二虎染藍色頭髮,但阿手下居然話:「扑死你條金毛西。」是藍非金,植錯字定分錯色?And,之後有旁白云「一輪亂刀,對方竟淡淡然──睇定嚟食!」喂?畫面所見,明明阿手下揸嘅係鐵棍或水喉通物體,又何來快刀呢?呢啲小小小Bug,希望以後可免則免喇。另外,今期智慧、獒犬有幾格面相都幾……走樣吓,要不三尖八角,要不圓過圓規,要不歪口歪面,尤其雷公嗰格大頭……實在都幾驚嚇吓,封面阿愛嗰兩執頭髮起晒角又唔知想點咁……總之就要多多改善吓喇。撐你呀,瑞新,加油。

Read more ›
《火武耀揚》姜濤無份客串 串錯英文「Lady frist」

《火武耀揚》姜濤無份客串 串錯英文「Lady frist」

今期第1117期《火武耀揚》以姜濤大頭做封面,咁究竟佢係書中邊個角色原型呢?原來甚麼都不是,姜濤並無做到「古惑仔」,佢只不過係用嚟交代文虎嘅一個小秘密──堂堂長樂社坐館都係姜粉。老實講對劇情推進無乜重大幫助,純粹搞吓笑咁喇。另,有一點要提點吓瑞新,今期串錯好多英文字呀,「Lady frist」應該係「Lady first」、「Lady and Gentalman」應該係「Ladies and Gentlemen」,雖然係手民之誤,但都好應該認真做好校對先印出街。

Read more ›
姜濤終於做「古惑仔」 下期《火武耀揚》封面掛帥

姜濤終於做「古惑仔」 下期《火武耀揚》封面掛帥

斷估都應該係第一次嘞啩,有謂姜濤不紅,天理不容,所以應份紅到登上……江湖漫畫封面喇。今期第1116期《火武耀揚》嘅「勁爆下期預告」登咗下期封面,驚覺大頭姜濤掛帥。之前我已經講過,姜濤總有一日會成為「古惑仔」,家陣俾我估中晒喇,不過話時話,想問問瑞新,姜濤係書中邊個角色原型呢?十兒?定係下期有新角色登場?

Read more ›
邱瑞新《火武耀揚》孖寶裝送海報 火武+道理哥登場

邱瑞新《火武耀揚》孖寶裝送海報 火武+道理哥登場

我是非常鍾意過年的,因為公仔書可以打孖睇,爽到痹呀。邱瑞新《火武耀揚》1112及1113期新春合併號送海報,Size係21吋x15吋,構圖係型仔火武同睿智道理哥,鍾意儲海報嘅Fans唔好錯過。

Read more ›