Post Tagged with: "《漫畫Buddy》"

鄧俊棠《天姬戰》彩色漫畫珍藏本$68
by / on 19/05/2020 at 8:30 pm

鄧俊棠《天姬戰》彩色漫畫珍藏本$68

鄧俊棠之前喺《漫畫Buddy》連載嘅《天姬戰》,將會獨立成全彩色漫畫珍藏本登場,全一冊170頁,售$68。另有包一書、一文件夾同兩個卡通鎖匙扣嘅套餐,套餐價$150。嚟緊6月出版,請多多支持本地創作,報告完畢。

Read more ›

完書再搞《Buddy原稿展》 聞靚畫時間到
by / on 09/03/2020 at 8:45 pm

完書再搞《Buddy原稿展》 聞靚畫時間到

《漫畫Buddy》完書都有一段日子,書就睇完,又有無興趣睇睇原畫?「海仔畫室」剛剛搞咗個超迷你《Buddy原稿展》,有時間的話不妨去掟個Round,睇吓〈海武〉、〈燃燒吧!鳳凰隊長〉、〈暴力神〉、〈倒立英雄〉、〈萬能鉸剪〉等等書中故事如何由無變有。聞完靚畫打番個靚卡再掟上網,都係對作者們嘅一個肯定與支持。

Read more ›
《漫畫Buddy》告別號 1月16日見街
by / on 14/01/2020 at 9:00 am

《漫畫Buddy》告別號 1月16日見街

《漫畫Buddy》Vol 6有正式出版日期嘞,鐵定1月16日見街。價錢方面,普通版$78;金城/阿恩親筆油畫板套裝版、陳志恆親筆彩圖/黑稿套裝版,各售$390;限量Buddy小畫板套裝版,售$220。買邊個版本都好,都會送袁家寶製作嘅海報一張。今期係告別號,出埋今期就無架嘞,希望大家多多支持。

Read more ›
《漫畫Buddy》Vol.6 1月見街
by / on 04/01/2020 at 9:00 am

《漫畫Buddy》Vol.6 1月見街

《漫畫Buddy》Vol.6鐵定1月見街,據面書專頁透露,會有鹿凡平〈超級無敵我摔你〉、阿恩同山羯聯合編繪〈燃燒吧!鳳凰隊長〉、金城〈項宇霸王達加度列傳〉、陳志恆同陳志祥聯合編繪〈逆天‧楚漢〉、鄧俊棠〈天姬戰〉等等故事。買開頭5期嘅,無理由唔買埋呢期;無買開嘅,可以向有關方面補購番前1至5期,之後連埋最新第6期一次過睇,應該幾過癮。支持本地創作實體書,由實際課金開始。

Read more ›
《海武》合訂本$30 12月見街
by / on 22/11/2019 at 9:15 pm

《海武》合訂本$30 12月見街

有詳細出版資料嘞,本身係綜合漫畫《漫畫Buddy》故事之一嘅《海武》,阿恩編繪,將獨立成書推出合訂本,一期完,58頁,中間有拉頁海報,每本$30。12月出版,講明係限量,即係唔知印幾多本,有心撐的話,請向相熟漫畫店查詢。

Read more ›
吳嘉恩《海武》合訂本 全一冊$30
by / on 12/11/2019 at 8:30 pm

吳嘉恩《海武》合訂本 全一冊$30

吳嘉恩《海武》原屬綜合漫畫《漫畫Buddy》其中一個故事,家陣獨立跳出來出合訂本,全一冊,售$30,有無興趣入手?有關方面講到明少量印冊,有興趣可向相熟漫畫店訂購。

Read more ›

《漫畫Buddy》第六期動漫節開訂 買油畫布連木框送海報
by / on 24/07/2019 at 9:00 am

《漫畫Buddy》第六期動漫節開訂 買油畫布連木框送海報

《漫畫Buddy》出到第六期會完,出版日期大約喺11月,動漫節2019開訂,每本$78,追開嘅,應份買埋佢,有頭有尾吖嘛,想一次過睇晒一至六期嘅,亦得,漫漫行攤位(C23~06)有售。同場加映,Buddy油畫布連木框,小30cm x 40cm售$390、大40cm x 50cm售$450,參與漫畫家有袁家寶、Fai Cheng、李偉健、志筆在始、志恒x志祥、阿恩、鹿凡平同鄧俊棠,睇啱邊幅可以慢慢揀。送禮物,係基本嘢來的,所以但凡購買《漫畫Buddy》第六期或任何一幅油畫布木框,即送袁家寶操刀嘅海報一張,望吓相唔該,好高質架。

Read more ›
葉明發x《漫畫Buddy》推出月曆
by / on 27/12/2018 at 10:30 pm

葉明發x《漫畫Buddy》推出月曆

無錯係遲咗啲,但遲到好過無到,葉明發聯乘《漫畫Buddy》出2019座檯月曆,Size係14cm x 17cm,收錄10幅《漫畫Buddy》賀圖同兩幅全新作品,每個$78,限量100個,有買趁手。

Read more ›
網圖分享:葉明發為《漫畫Buddy》作者們畫賀圖(二)
by / on 18/12/2018 at 9:15 pm

網圖分享:葉明發為《漫畫Buddy》作者們畫賀圖(二)

呢排葉明發畫興大發,不停作畫,致《漫畫Buddy》第五期最後三位主筆嘅賀畫亦完成,絕不偏心,無一遺漏。唔只呀,佢仲登咗兩幅《西遊》賀圖、一幅華英雄、一幅人設,張張都係功力所在。畫多啲,畫多啲,我代廣大港漫迷講嘅。

Read more ›
網圖分享:葉明發為《漫畫Buddy》作者們畫賀圖
by / on 06/12/2018 at 9:30 am

網圖分享:葉明發為《漫畫Buddy》作者們畫賀圖

好熱鬧,氣氛著實唔錯,講緊係《漫畫Buddy》第五期,大抵葉明發都Feel到呢份熱血,所以賜賀圖。唔係一幅半幅喎,而係為作者們逐一畫賀圖,仲要幅幅都咁高質。無吹水,雖則唔係畫畀我,但我睇到有少少毛管戙,輕輕地,有啲感動。

Read more ›
買《漫畫Buddy》第五期送開心卡
by / on 21/11/2018 at 8:45 pm

買《漫畫Buddy》第五期送開心卡

贈品永遠唔嫌多,依家幫襯「123漫畫精品專門店」買《漫畫Buddy》第五期,送多張開心卡咁話。雖則卡仔一張唔值乜嘢錢,但物輕情義重,最緊要大家Happy喇。每本$78,多多捧場喇喂。

Read more ›

《漫畫Buddy》第五期 競投謝森龍異+陳志祥賀圖
by / on 16/11/2018 at 9:15 pm

《漫畫Buddy》第五期 競投謝森龍異+陳志祥賀圖

好得很,搞興個市先係路,熱熱鬧鬧先至好,《漫畫Buddy》第五期出版在即,撚吓花臣絕對合理。今次玩競投,底價$1000,包謝森龍異台灣原稿賀圖同硬皮封面《漫畫Buddy》第五期;同樣地,都係玩競投,底價都係$1000,包陳志祥雙賀圖同《漫畫Buddy》第五期。價高者得,11月22日截止,收到未?

Read more ›
《漫畫Buddy》第五期 追加硬皮封面珍藏版
by / on 07/11/2018 at 9:00 pm

《漫畫Buddy》第五期 追加硬皮封面珍藏版

留意番,《漫畫Buddy》第五期已經付印,好快就可以同大家見面,全書172頁彩色印製,每本$78。另,今期會追加多個硬皮封面珍藏版,包內文原稿、台灣漫畫節Buddy主筆同嘉賓原畫賀圖、主筆彩稿親筆畫板,價錢未定,但講到明超限量。

Read more ›
畀啲意見吖唔該! 《漫畫Buddy》第五期想睇乜?
by / on 07/06/2018 at 9:45 pm

畀啲意見吖唔該! 《漫畫Buddy》第五期想睇乜?

大家有無撐《漫畫Buddy》?到依家已經出版咗四期,嚟緊第五期有乜新搞作、方向如何、增刪邊Part內容、邀請乜嘢客席主筆供稿、想睇乜人物訪問等等等等,家陣你全部有Say,事關相關面書專頁公開詢問大家意見,大家可以暢所欲言。港漫不死,請支持本地創作,講明先,無禮物架,唔係有獎遊戲,請大家踴躍發言。

Read more ›
《漫畫Buddy》第四期釋出封面 小甜健畫埋一份
by / on 26/01/2018 at 8:30 pm

《漫畫Buddy》第四期釋出封面 小甜健畫埋一份

之前介紹過嘅《漫畫Buddy》第四期釋出封面,仲有幾個故事簡介,包括陳志恆同陳志祥合著《逆天‧楚漢》、阿恩《海武》、海仔老師《倒立英雄》、鄧俊棠《天姬戰》同埋李偉健《小太監大戰鐵布衫》。李偉健即係小甜健,亦即係《愛回家》嗰個Terry呀,今次佢都畫埋一份,仲有埋佢嘅專訪添。全書168彩色印刷,每本$98,2月初見街,支持本地創作,要課金捧場呀。

Read more ›