Tag: 《死角》

曹志豪《死角》簽書會送Poster

曹志豪《死角》簽書會送Poster

上個月,曹志豪事先張揚話「我會開一個好hea嘅小小傾偈簽書會,歡迎任何人嚟探我。」Now,有確實消息喇,只要出席呢個好Hea嘅簽名會,現場買或帶埋《死角》漫畫搵曹志豪簽書,即送Poster一張。報告完畢,大家識做喇。

Read more ›

曹志豪個展《生活x藝術》 《死角》原畫慢慢睇

曹志豪個展《生活x藝術》 《死角》原畫慢慢睇

有畫展睇!曹志豪首次開個展《生活x藝術》,展出多幅《死角》原畫,隔住個Mon聞畫都Feel到畫面幾有張力、線條有幾實淨。曹志豪今次自我定位為「跨媒體創作人」,初心係「喜愛的事物多元化,亦造就了風格多樣化的創作」,展期去到3月5日,暫時所見應該有Postcard賣,2月27日仲有簽書會,各大中小港漫Fans,記得捧場。

Read more ›
曹志豪《死角》有續集 插圖先睹為快

曹志豪《死角》有續集 插圖先睹為快

疫情唔知幾時完,全球經濟下滑,大眾都全線執笠,一樣無損曹志豪推出實體書決心。兩年前嘅圖文小說《死角》,會有下集出,依家曹志豪積極繪畫插畫籌備中,大家可以先睹為快。努力呀,支持你呀。

Read more ›
曹志豪《死角》拳擊畫作三揀一 送八達通連鎖匙扣

曹志豪《死角》拳擊畫作三揀一 送八達通連鎖匙扣

死火,遲咗報呢條News添,之前咪提過曹志豪參與咗「藝術文化與音樂巡禮在機場2018」嘅,喺無人駕駛月台屏門有幅《死角》大作,我親臨機場望過,真係好正。原來呢只打卡,仲有禮送添呀,有關方面搞咗個「拳拳到肉有獎遊戲」,曹志豪提供三幅畫作,從中揀一個你鍾意嘅拳擊動作,揀完要詳述原因,就有機會得到機場限量版迷你八達通連鎖匙扣一大個,名額20個。留意番,截止日期8月21日23:59pm,唔係鬥快先到先得,而係鬥邊個原因「最有創意」,即係到依家都仲有機會呀,大家踴躍參加咯喂。

Read more ›
曹志豪x柏原太賀《死角》分享會

曹志豪x柏原太賀《死角》分享會

如果你未買又心大心細想買曹志豪本圖文小說《死角》,咁大可以參加本周日舉辦嘅《死角》分享會,屆時曹志豪會同跨媒體創作人柏原太賀一齊出席。聽完佢哋點講,或者你會即刻課金都未定。利申,我覺得呢本小說係好正嘅,亦覺得角色發揮未去到最盡,所以有心的話,係絕對可以寫第二部嘅。

Read more ›
三聯書店x曹志豪《死角》 即場繪畫分享會

三聯書店x曹志豪《死角》 即場繪畫分享會

曹志豪本圖文小說《死角》,我有捧場,坐茶餐廳一個鐘頭零三個字一氣呵成睇晒,感覺著實唔錯,如果結局係李承東、姜秀賢同歐陽駿譜出三角戀,兄弟情加愛情加拳擊運動,我諗會更過癮,諗諗出續篇都仲得喎。哎,扯遠咗添,入番正題,曹志豪喺嚟緊周六搞即時繪畫會,地點係三聯書店,講到明歡迎任何人士進場參加。想搵佢簽番個大名,呢個係機會嘞。

Read more ›

曹志豪《死角》Tee $180 ToySoul有售

曹志豪《死角》Tee $180 ToySoul有售

今日ToySoul開幕,大家會唔會去呀?行開的話,不妨留意吓曹志豪新推出嘅兩件《死角》Tee喎,一黑一白,每件$180。要揀,我會揀白色嗰件,圖案Sharp醒啲,望落有氣勢啲;黑色嗰件唔係唔正,不過Mood咗啲囉。

Read more ›
曹志豪《死角》圖文小說 聖誕節見街

曹志豪《死角》圖文小說 聖誕節見街

包括我,好多港漫迷都一直念念不忘嘅曹志豪《死角》,終於聞到樓梯響嘞,今次唔係出漫畫,而係出圖文小說,屬正傳故事,聖誕節左右日子見街,三聯出版,價錢未知,但肯肯定全港書局有售。即係話,你可以當小說咁睇,而曹志豪畫咗四十幾幅圖穿插其中,所以又可以當畫集咁睇,真係正呀喂。

Read more ›
作畫賀曹星如勝仗 曹志豪重畫《死角》?

作畫賀曹星如勝仗 曹志豪重畫《死角》?

「神奇小子」曹星如點數贏日本拳手河野公平,為此曹志豪都作畫一張賀一賀,兼留言:「是你們令香港人認識職業拳擊運動,Wonder Kid和DEF Team。」Exactly,呢股打不死精神,絕對值得香港人驕傲。講到打不死精神,曹志豪都有,仲記唔記得幾年前佢有作品叫《死角》?佢喺面書登咗幅相,內裡有疑似《死角》原稿,仲隱隱約約透露話會重新繪畫,如果續畫《死角》就好咯。讀者Chan Kwok Yan好有見地話:「仍然期待,現在出版《死角》這類拳擊漫畫比六年前的時機更好,希望你好好把握!」中Point!希望曹志豪認真諗諗佢。

Read more ›