Post Tagged with: "《武道狂之詩》"

網圖分享:動畫版《武道狂之詩》人設
by / on 13/05/2020 at 9:15 pm

網圖分享:動畫版《武道狂之詩》人設

Felix Ip忽然想當年,釋出多年前無緣面世嘅動畫版《武道狂之詩》人設圖檔。大家依家見到嘅燕橫、荊裂、虎玲蘭,全出自角色設計師Patrick Awe之手,畫得比較漸近西方動漫風格,尤以虎玲蘭為甚,畫得好性感而不令人反感,I like it。

Read more ›

《九龍城寨》陳洛軍+《武道狂之詩》荊裂Lego化
by / on 09/03/2019 at 5:30 pm

《九龍城寨》陳洛軍+《武道狂之詩》荊裂Lego化

Wow,強!剛剛喺面書專頁睇到呢兩個港漫角色Lego,余兒《九龍城寨》陳洛軍同喬靖夫+葉偉青《武道狂之詩》荊裂是也,完成品都幾有角色神髓,我覺得幾正。創作者Dick仲話:「今日製作咗兩個港漫人物,為港漫從業員/小說家打打氣。」啱聽,大家都加油。

Read more ›
葉偉青開首個機械人畫展 買原稿返屋企
by / on 09/03/2017 at 9:02 pm

葉偉青開首個機械人畫展 買原稿返屋企

大家有無撐葉偉青漫畫版《武道狂之詩》?有無買佢有強烈個人風格嘅大作《Robox Sketchbook》?Like佢畫風的話,依家有機會畀大家見見偶像兼影相簽名嘞。喺嚟緊「Toys Collector Market玩具收藏+販售展」,葉偉青會舉行個人機械人畫展,一連兩日駐場同讀者交流創作心得。鍾意嘅,臨場仲可以買埋佢嘅原稿返屋企,收益扣除成本會作慈善用途。

Read more ›
離譜!《武道狂之詩》被抄圖!辣興葉偉青!
by / on 03/08/2016 at 10:30 pm

離譜!《武道狂之詩》被抄圖!辣興葉偉青!

拿,呢次無得有甚麼致敬、二次創作、模仿、惡搞做藉口喇,根本擺明就係偷圖盜圖!又難怪葉偉青咁嬲,事關《武道狂之詩》港、台小說、漫畫版嘅漫畫圖稿都俾上述自稱「史詩式武俠Web遊戲、豈能錯過的經典神作」挪用。如此偷圖,簡直完全視知識產權為無物,仲夠膽死話自己「五年研發、破憶巨作」添。此偷圖一出,當然惹嚟八方聲討──Felix Ip咁話:「請問誰授權你使用這些圖!這些圖全是來自《武道狂之詩》港台版小説和漫畫,請馬上除下!」、Alan Chio咁話:「破億……精蟲呀?圖都要偷,做咩創作?DNLM!」、Jessie Tse又咁話:「原圖抄襲!小偷行為,很無恥!」、Steven Yip一句到尾:「垃圾遊戲!」對於我呢亭期期真金白銀畀錢買港漫、絕唔睇網上盜版嘅人嚟講,好開心見到呢啲留言,證明香港始終都係個文明社會。

Read more ›
《武道狂之詩》卷15,隨書附送賀圖畫集
by / on 18/07/2016 at 10:30 pm

《武道狂之詩》卷15,隨書附送賀圖畫集

早前《武道狂之詩》五周年,各漫畫家同港漫人紛紛出圖賀一賀喬靖夫同Felix Ip,數量之多令人咋舌,一足證兩人江湖地位,二足證港漫界其實都好團結,大部份賀圖質素都屬頂班,記得我都有Save起嚟做過一陣子Wallpaper。既然咁開心咯喎,一於繼續開心喇,現凡買書展特別版《武道狂之詩》漫畫卷15,每本$60,即送五周年賀圖畫集,買一得二兼具收藏價值,夠開心嘞啩?

Read more ›
暑假必入!《火鳳燎原》And《武道狂之詩》簽名板!
by / on 13/07/2016 at 8:45 pm

暑假必入!《火鳳燎原》And《武道狂之詩》簽名板!

呢幾幅畫作啱唔啱睇呀?我就極之啱睇嘞,仲極之想據為己有添。唔覺廢話,想買 就唔該課金喇,詳細資料如下:一,《火鳳燎原》A2仿油畫海報共四款,分別為I 款趙雲樊夫人、J款高順張遼、K款關羽張飛同L款孫策太史慈,各$338;二,《火 鳳燎原》樊夫人簽名板,$68,一經訂購可出席陳某簽名會;三,《武道狂之詩》 虎青蘭簽名板,$68,同樣係一經訂購,即可出席喬靖夫、葉偉青簽名會。大鑊, 咁多畫要買,呢個暑期注定荷包大出血。

Read more ›

網圖分享:漫畫版《武道狂之詩》五周年 葉偉青收賀圖面書洗版
by / on 19/04/2016 at 9:00 am

網圖分享:漫畫版《武道狂之詩》五周年 葉偉青收賀圖面書洗版

過去呢幾日,我估葉偉青應該好唔得閒,因為佢面書俾人狂洗版,好多港漫人都贈圖賀佢本漫畫版《武道狂之詩》五週年,連忙到死嘅邱福龍都畀面撩兩筆,可想而知葉偉青幾好人緣,嗯……應該咁講,幾有江湖地位!亦反映到港漫界其實好團結,一呼,真係有百應!葉偉青應該覆帖都覆到手軟!以下二十幅賀圖,排名不分先後,大家慢慢欣賞喇──

Read more ›
收工去開益 葉偉青辦《武道狂之詩》簽名會
by / on 26/03/2015 at 9:30 am

收工去開益 葉偉青辦《武道狂之詩》簽名會

唉,真係唔知點講好,《武道狂之詩》不論小說版定漫畫版,都硬係好似不定期出版咁嘅,要知道不定期刊係連載故事死症,隔N輪先出一期半期,上一期內容都唔記得,叫死忠港漫迷如我又點追番落去呢?點都好,《武道狂之詩》第14期漫畫版剛剛出版,今日下晝六點,葉偉青會喺銅鑼灣開益書店開簽名會,各位收工記得落去捧場,順便交帶葉偉青一聲:「畫快手啲好喎,老友!」

Read more ›
網圖分享:《黃飛鴻之英雄有夢》漫畫版主角現身
by / on 04/11/2014 at 1:02 pm

網圖分享:《黃飛鴻之英雄有夢》漫畫版主角現身

大家有無睇《武道狂之詩》?原作者喬靖夫手字好正呀呵?漫畫版《武道狂之詩》主筆葉偉青手畫亦唔削啫,我就小說版同漫畫都買齊嘞,你呢?電影《黃飛鴻之英雄有夢》仲未正式上映,葉偉青嘅五大漫畫版主角造型照率先曝光,分別係彭于晏飾演嘅少年黃飛鴻、洪金寶飾演嘅雷公、Angelababy飾演嘅心蘭、張晉飾演嘅伍盛同井柏然飾演嘅赤火。我就覺得畫得好有霸氣嘞,尤其雷公一幅,一睇就知佢畫緊洪金寶,唔知大家又啱唔啱睇?

Read more ›
喬靖夫寫籃球小說 繼續熱血
by / on 01/12/2013 at 4:50 pm

喬靖夫寫籃球小說 繼續熱血

喬靖夫《武道狂之詩》好睇在乜呀?夠熱血囉,主角荊裂、燕橫、童靜同島津虎玲蘭,每場戰鬥皆拼盡最後一口氣,所以每每能夠以弱勝強。估唔到佢寫武俠小說掂,籃球小說一樣掂,一樣令人睇到血脈沸騰。

Read more ›