fbpx

Tag: 《春秋猛士》

《皇朝君臨》11月18日創刊 特別版送天劍雷刀

《皇朝君臨》11月18日創刊 特別版送天劍雷刀

完咗《春秋猛士》,玉皇朝最新作有《皇朝君臨》,睇宣傳海報,N咁多個天子共冶一爐,仲寫明「玉皇朝作品角色集結戰,傾力譜寫夢幻競演」,即係兜亂時空唔同朝代天子打鑊金啦,呢條橋都幾新鮮,我都好期待。壹壹壹捌,聽日正式創刊,咁遁例都要報吓價錢,普通版分A同B兩個封面,各售$19;特別版隨書附送天劍‧雷刀復辟紀念套裝,套裝又細分「皇朝本色」同「君臨絕色」兩個Version,限定500套,每套售$118。而啲刀刀劍劍呢,鄺志德已經喺面書登埋相,都OK靚仔吓,另加多幾幅角色造型照。睇完實物同稿件,唔知會唔會增加大家嘅購物慾?我就捧硬場架嘞,你呢?

Read more ›

《春秋猛士》創刊 畫功中上48頁好抵睇

《春秋猛士》創刊 畫功中上48頁好抵睇

呢排比較忙,剛剛先有時間坐定定欣賞黃玉郎最新作《春秋猛士》。先講封面,唔係話唔靚,不過書名連字款都一樣,差啲以為自己買錯死極唔斷氣嘅《春秋戰雄》,感覺唔多夠搶,唔多似創刊號。再講畫功,個人感覺算中上,起碼主角赤破、赤天、虎月兒同虎牙嘅面相好順眼,唔見有《新著龍虎門》嘅小甜甜眼,頭髮睇得出有心機填好多。再講故事,有頭有尾有中間,節奏明快,令讀者好快入到局,赤破無端端一身疤痕發晒光、燕桓侯夢見青龍猛士呢兩條伏線都OK吸引吓。要挑剔嘅地方都唔係無,成本書啲文字說明都好累贅吓,一味架床疊屋有咁長拖咁長,慌死大家太快睇完本書咁,第五頁文字說明仲誤植「燕桓侯」為「齊桓侯」添。總括嚟講,我會畀85+5分,加嗰5分,係因為全書48頁,實在抵睇,希望《春秋猛士》唔好虎頭蛇尾喇。

Read more ›
玉皇朝《春秋猛士》率先跑出 三月正式出版

玉皇朝《春秋猛士》率先跑出 三月正式出版

大抵已經試啱水溫,之前玉皇朝推出每本$10嘅《春秋猛士》、《靈‧狐‧劍》同《乾坤奇俠》,最後由《春秋猛士》率先跑出,喺今期第320期《春秋戰雄》同第823期《新著龍虎門》,《春秋猛士》正式出咗廣告,可以獨立成書,決定三月出版。至於係出普通$17單行本,定好似《皇者之路》咁推出類似$20潮華本,咁就暫時未有定案。Good吖,家陣報攤實在太少公仔書喇,有多一本新公仔書睇始終係好事,加上估計故事同即將完結嘅《春秋戰雄》有一定關係,話唔定係甚麼外傳前傳,有個底,相信讀者唔難受落。

Read more ›
玉皇朝出三新書 創號刊序章$10試水溫

玉皇朝出三新書 創號刊序章$10試水溫

玉皇朝上周五無端端一口氣推出三本新書《春秋猛士》、《靈‧狐‧劍》同《乾坤奇俠》,屬細書仔,不過足30頁,每本賣$10。三書封面標明「創刊號‧第一期序章」,何解有如此奇怪舉動?個人推測純為試水溫,邊本好賣就做大邊本真正出番大書賣番$17。純個人意見,三本新書都幾好睇,《春秋猛士》會唔會係《春秋戰雄》外傳?拭目以待;《乾坤奇俠》就人物設定好睇過內文,不過古仔係幾緊張嘅;《靈‧狐‧劍》則屬我的最愛,我鍾意徐大寶手畫,佢畫女確係有一手架。作為一個死忠港漫迷,但凡有港漫新創刊,我必買,最多唔好睇第二期即斬纜嘅啫,而老實講呢三本新書都唔錯,絕對係水準之作……But,唔知點解,有網民硬係鍾意唱衰,係咁挑剔,為此,網民高美士有感而發,留言曰:「丹一評論,大拿拿攞成三十蚊出嚟,老虎都扮下漫畫專家評下書抽下水先!當我睇完圖中呢三本書仔,我個結論係:『咁X高要求就咪X睇公仔書啦,走去睇大英百科全書啦!』評X完,係咁先!」Exactly說中我心底話,查實睇公仔書啫,使唔使咁雞蛋挑骨頭?

Read more ›