fbpx

Tag: 《春秋戰雄》

《春秋猛士》創刊 畫功中上48頁好抵睇

《春秋猛士》創刊 畫功中上48頁好抵睇

呢排比較忙,剛剛先有時間坐定定欣賞黃玉郎最新作《春秋猛士》。先講封面,唔係話唔靚,不過書名連字款都一樣,差啲以為自己買錯死極唔斷氣嘅《春秋戰雄》,感覺唔多夠搶,唔多似創刊號。再講畫功,個人感覺算中上,起碼主角赤破、赤天、虎月兒同虎牙嘅面相好順眼,唔見有《新著龍虎門》嘅小甜甜眼,頭髮睇得出有心機填好多。再講故事,有頭有尾有中間,節奏明快,令讀者好快入到局,赤破無端端一身疤痕發晒光、燕桓侯夢見青龍猛士呢兩條伏線都OK吸引吓。要挑剔嘅地方都唔係無,成本書啲文字說明都好累贅吓,一味架床疊屋有咁長拖咁長,慌死大家太快睇完本書咁,第五頁文字說明仲誤植「燕桓侯」為「齊桓侯」添。總括嚟講,我會畀85+5分,加嗰5分,係因為全書48頁,實在抵睇,希望《春秋猛士》唔好虎頭蛇尾喇。

Read more ›

玉皇朝《春秋猛士》率先跑出 三月正式出版

玉皇朝《春秋猛士》率先跑出 三月正式出版

大抵已經試啱水溫,之前玉皇朝推出每本$10嘅《春秋猛士》、《靈‧狐‧劍》同《乾坤奇俠》,最後由《春秋猛士》率先跑出,喺今期第320期《春秋戰雄》同第823期《新著龍虎門》,《春秋猛士》正式出咗廣告,可以獨立成書,決定三月出版。至於係出普通$17單行本,定好似《皇者之路》咁推出類似$20潮華本,咁就暫時未有定案。Good吖,家陣報攤實在太少公仔書喇,有多一本新公仔書睇始終係好事,加上估計故事同即將完結嘅《春秋戰雄》有一定關係,話唔定係甚麼外傳前傳,有個底,相信讀者唔難受落。

Read more ›
《春秋戰雄》3月底完結 《春秋猛士》接棒

《春秋戰雄》3月底完結 《春秋猛士》接棒

果然無估計錯誤,《春秋猛士》同《春秋戰雄》一脈相承,不過就唔係甚麼外傳前傳後傳,而係「春秋三部曲」之二。消息經鄺志德喺面書留言流出:「出版了六年的《春秋戰雄》到今年三月底便完結了,三佰多期也算是港漫極小數的長篇作品,乘此佳績再下一城,緊接而上是的是春秋三部曲之二《春秋猛士》,由黃玉郎和文敵再度聯手編劇,夏偉義主編,玉皇朝精英助理團製作,六十頁精裝本潮華版週刊推出。」奇怪此Post出咗無耐又唔見咗,唔通鄺志德驚覺自己唔小心爆湧,連忙刪Post補鑊?點都好,多一本公仔書,都係港漫迷之福,真心Mode希望《春秋猛士》出得成。

Read more ›
大手筆 玉皇朝送盈量級簽名板

大手筆 玉皇朝送盈量級簽名板

黃玉郎呢次都算大手筆,旗下《春秋戰雄》、《新著龍虎門》、同《神掌》同《東方真龍》加價至$17,為答謝繼續支持,前三本漫畫會連續四期送盈量級簽名板,今個禮拜出咗第一彈,三張簽名板都好正斗,背面仲印埋2016年月曆,值得收藏。而《東方真龍》呢,就係咁意送番張拉頁海報,王小虎出招游龍戲水,都畫得幾有氣勢吓,收貨!

Read more ›
玉皇朝旗下漫畫 下期加價至$17

玉皇朝旗下漫畫 下期加價至$17

好嘞,玉皇朝終於同全世界睇齊嘞,黃玉郎喺今期第796期《新著龍虎門》專欄「玉郎周記x玉郎Mail」公告天下,旗下《春秋戰雄》、《新著龍虎門》、《神掌》同《東方真龍》將於下期開始一律加價至$17。加兩蚊,改凍飲都唔止,我諗港漫迷唔會肉赤,咁阿黃生都好識做,話會送番幅盈量級簽名板畀讀者,物輕情意重嗰隻喇,至於點送法,詳情會喺下期公佈。對於呢個消息,樓下相熟報攤老闆娘舉腳贊成:「全部公仔書賣$17咪好囉,本本唔同價錢,記都記死我呀。」哈哈。

Read more ›
玉皇朝《神掌》 7月24日創刊

玉皇朝《神掌》 7月24日創刊

《春秋戰雄》,唉,又神又魔又妖又怪,睇到我根本分唔清邊個打邊個;《東方真龍》,唉唉唉畀足三個唉添,又強者又虛無又死而復生,唔知仲以為睇緊《龍珠》,依家剩係得番《新著龍虎門》尚叫做有啲睇頭。之所以我對7月24日創刊嘅《神掌》好有期望,為宣傳,玉皇朝特登喺《新著龍虎門》刊登幾頁《神掌》創刊號內文畀讀者睇辦,第一個感覺係──唔,OK!尚算對辦!畫功絕對見得人,黃玉郎仲話喺畫面構圖方面會落足十二成功力,有實牙實齒嘅招式對拆,唔會一味畫到成格又罡氣又光刀又氣勁就當出招咁話喎。真心Mode,非常拭目以待,唔好令我失望呀。

Read more ›

《春秋戰雄》第126期$15

《春秋戰雄》誤把「淝水」當「泓水」?

《春秋戰雄》第126期封面,神月索爆勝公子亦英爆,內文故事亦同書名〈天音冷戰 愛恨糾纏〉好夾,講神月受鳳后脅逼,

Read more ›