fbpx

Tag: 《新著龍虎門》

《新著龍虎門》銀光版封面 王小龍揸電單車

《新著龍虎門》銀光版封面 王小龍揸電單車

成日都有人話公仔書出特別版旨在呃讀者錢,呢個論點我係200%唔同意的,自由市場,鍾意就買唔鍾意就唔買,無人出刀篤住你心口,你情我願無話呃唔呃的,之所以嚟緊周四《新著龍虎門》會推出多個銀光版,我係300%支持的,多個選擇唔係好事咩?鄺志德剛喺面書釋出銀光版封面打稿,構圖係王小龍揸電單車,確實係靚,黑白線條好有Feel,相信好多C-Hing又要買兩本書了。

Read more ›

「龍虎」當道惹來網民奇想 港漫畫家一人一本龍虎乜龍虎物

「龍虎」當道惹來網民奇想 港漫畫家一人一本龍虎乜龍虎物

話說家陣既有長壽《新著龍虎門》喇,又有新推出無耐嘅《龍虎5世3世仇》喇,嚟緊9月有本《龍虎門Z》,數落仲有本《復刻龍虎門》添呀,一時間港漫界好似乜都「龍虎」咁。有C-Hing留意到呢點,好搞笑話如果香港漫畫家一人編一本龍虎乜龍虎物的話,書名應該係咁喎:一,邱福龍編《龍虎超人》;二,許景琛編《龍虎快打》;三,徐大寶編《龍虎淫門》;四,肥良編《他媽的龍虎》;五,鄭健和編《龍虎西行》;六,曹志豪編《龍虎群俠傳》;七,邱瑞新編《龍虎蠱惑》;八,牛佬編《上海龍虎鬥》;九,謝志榮編《龍虎天師》;何志文編《龍虎無雙》,哈哈,C-Hing堅有想像力,呢鋪我真係笑咗,不過我覺得未盡齊全。馮志明呢?編《龍虎笑》?馬榮成呢?編《龍虎天下》?仲有劉雲傑,編《龍虎100%》?

Read more ›
網圖分享:右貓二創港漫角色

網圖分享:右貓二創港漫角色

是日推介面書專頁「雙花神棍右貓」,其二創嘅港漫角色唔使舊舊肌肉兼兇殺惡殺,柔弱賣萌畫風一樣吸睛。細心睇,和仔大人《西遊》角色殺心觀音同如來,靚仔到呢,而一眾《新著龍虎門》角色亦畫得很Cutie,當中我最鍾意西城仇,笑口噬噬咁非常和藹可親,石黑龍都畫得唔錯,個表情好鬼馬呀。

Read more ›
1053期《新著龍虎門》銀光版 王小虎揸電單車出場

1053期《新著龍虎門》銀光版 王小虎揸電單車出場

下期第1053期《新著龍虎門》,睇怕要買兩本了,因為除普通版外,仲有一個銀光特別版,將選取張萬有當年投稿嘅一幅「200分王小虎騎電單車殺出重圍圖」做封面。鄺志德剛剛喺面書登咗封面打稿,Wow,啲線條好密,王小虎又畫得幾英喎,頭髮填得好靚,仲有久違了的Nike眉,古早味出晒嚟,I like it。另,因書展同動漫節延期,鄺志德話原本準備好嘅精品唔知點處理好喎,幅王風雷畫板咁正,如果送畀我就好咯。

Read more ›
網圖分享:李健良畫狂王+王小龍+伯益

網圖分享:李健良畫狂王+王小龍+伯益

李健良人緣係好嘅,因為有《山海逆戰》邱福龍、《阿修羅》和仔大人同《新著龍虎門》鄺志德幫佢免費賣書展廣告。為此,良哥作畫一幅以表謝意,佢畫嘅狂王、王小龍同伯益,又係另一種味道。

Read more ›
鄺志德報料 動漫節出《新著王風雷》

鄺志德報料 動漫節出《新著王風雷》

真的很開心,港漫界好耐都未試過咁熱鬧喇,嚟緊又多一本公仔書睇喇。鄺志德分別喺今期第1051期《新著龍虎門》同面書賣廣告,話7月動漫節將會推出《新著王風雷》,屬外傳性質。都啱數嘅,龍虎群英中,除三皇外最受歡迎角色一定係頭髮永遠豎起嘅邪拳小魔王,今次仲要玩穿越橋添,王風雷揸住戰機返到日本慶長三年,聽落都幾有新鮮感,拭目以待。

Read more ›

第1049期《新著龍虎門》 雙版本加送王風雷海報

第1049期《新著龍虎門》 雙版本加送王風雷海報

鄺志德繼續谷書,嚟緊周四出版嘅第1049期《新著龍虎門》,除推出原色同黑金兩個版本外,仲加送多幅王風雷海報畀讀者,開心呀喂。

Read more ›
網圖分享:王小龍當男一

網圖分享:王小龍當男一

或者知道嚟緊《新著龍虎門》將會以王小龍做男一,所以面書朋友仔雷永順忍唔住畫番幅王小龍賀一賀佢。打狗捧、降龍十八掌、終極九陰歸元……我都等緊小龍哥做番場好戲呀,但最重要嘅係,千其唔係好似舊著咁整死佢。

Read more ›
網圖分享:靚到可以做《新著龍虎門》封面

網圖分享:靚到可以做《新著龍虎門》封面

高質,仲要多產,面書朋友仔Chang Chin Lim畫嘅龍虎三皇、火雲邪神同王風雷,真係靚到可以直接用嚟做《新著龍虎門》封面。因為愛,所以畫,我睇到,係佢對港漫嘅愛。而我,亦已經Save低咗呢幾幅靚圖,打算輪流作Wallpaper之用。

Read more ›
《新著龍虎門》死得人多 東方無敵/王風雷/金羅漢三死一

《新著龍虎門》死得人多 東方無敵/王風雷/金羅漢三死一

若問我鄺志德扯頭纜嘅《新著龍虎門》如何,我會答不俗,至少橋段有新鮮感,估佢唔到新故事係打全球性流行病毒。佢喺面書講明:「王風雷、金羅漢及東方無敵……靈感如泉湧,將劇情推到頂峰,預計三個衹能活兩個!」Wow,先死金詩詩,我心頭已經輕輕有一陣失落,再來仲要三死一?究竟死邊個?我估係東方無敵,因為王風雷係Big 4之一,無理由死,我亦唔想佢死;金羅漢剛剛升呢勁到可以拆火雲邪神祠堂,都無理由咁快死;剩番東方無敵,又殘又功力盡失又無人無物,整死佢應該有利白蓮教東方真龍發揮,整死佢合乎亦方便劇情推進。唔知各位師兄點睇?

Read more ›
Whisky TASTE x 《新著龍虎門》白蓮聖上威士忌

Whisky TASTE x 《新著龍虎門》白蓮聖上威士忌

酒,雖未至半滴不沾,但著實無酒癮,不過呢,呢支Whisky TASTE聯乘《新著龍虎門》推出嘅白蓮聖上威士忌Fattercairn 2006 Bourbon Barrel 52%,我卻很想很想擁有。係呀,純粹鍾意個酒標同包裝盒架咋,唔得咩?咁個東方無敵係畫得型吖嘛。

Read more ›

《新著龍虎門》第1047期封面釋出 鄺志德睇重王風雷

《新著龍虎門》第1047期封面釋出 鄺志德睇重王風雷

停咗一個禮拜無《新著龍虎門》睇,我心非常籮籮攣,所以呢排Mon到鄺志德面書實一實。剛剛,佢釋出第1047期《新著龍虎門》金版、銀版同草版封面打稿,畫得好靚呀喂,想買晒三個版本呀喂。另,佢又Post咗一幅王風雷圖,並留言曰:「好兄弟!久違了……在我手上,一定有你絕大發揮的空間!」睇個勢,成日話無機會出手嘅暗黑冰火螳螂,有機會升Grade了。

Read more ›
《新著龍虎門》新篇章〈無名罪〉 王小龍自毀滅亡咁大件事?

《新著龍虎門》新篇章〈無名罪〉 王小龍自毀滅亡咁大件事?

文化傳信繼續賣廣告,首先呢,係肯定咗書名叫番《新著龍虎門》,肯肯定多一次6月5日出版,分金、銀同草圖三個版本,三拉頁封面,全書44頁,各售$23。而1047期最新章篇呢,則叫〈無名罪〉,仲話「王小龍一念之差,禍及全世界,出路自得一條……自毀滅亡!」嘩,禍及世界咁大件事?仲要自毀滅亡添,唔係打算整死多一次王小龍嘛,驚驚!而製作班底呢,杜比做顧問、袁家寶加洪遠里做封面美術、編劇係李中興、創作監督係鍾英偉、美術主筆係龐重輝、鄺志德則身兼主編And監製二職。呢個陣容,大家點睇?

Read more ›
好笑到癲! 《疑似龍虎門第……期》睇住先!

好笑到癲! 《疑似龍虎門第……期》睇住先!

相信大家都好期待6月5日出版嘅《新著龍虎門》,好想知道石黑龍有無俾金羅漢舂爆腳板底罩門慘死。苦等不是味兒,不妨睇睇面書朋友仔Patrick Fung自創嘅《疑似龍虎門第……期》止住癮先,甚麼王小虎進入白光後二十年飛番出嚟踢中鷹、長毛唔係神武英明原來係光頭星、狂龍死於武漢肺炎、石黑龍變咗鐵令公被通緝…….真係笑到我Gap Gap聲,熱切期待有後續。

Read more ›
有啲亂!《龍虎門》Or《新著龍虎門》Or《XX龍虎門》?

有啲亂!《龍虎門》Or《新著龍虎門》Or《XX龍虎門》?

有啲疑惑,有無C-Hing可以指教吓?這邊廂鄺志德面書出圖話:「2020十陽聖火相傳,易筋無間延續」、「新著龍虎門1047期,君臨天下易筋經」;那邊廂文化傳信早前都有出圖話:「承蒙讀者老友記多年支持,龍虎門精神仍在延續,漫畫傳奇仍未完結」,卻並未出現「新著」二字。咁究竟嚟緊6月5日見街嘅,係回歸返以前簡簡單單叫《龍虎門》定繼續Keep住用《新著龍虎門》做書名?到時封面會唔會一併出現「新著第1047號」、「總2327期」、「XX創刊零號」等字眼?媽我好亂……

Read more ›