Post Tagged with: "《戇男筆記‧港漫200人》"

《戇男筆記‧港漫200人》玩味十足 封面「$200」價錢牌Fake晒
by / on 05/06/2018 at 9:32 pm

《戇男筆記‧港漫200人》玩味十足 封面「$200」價錢牌Fake晒

上個禮拜日去信和「至Goal Club」買《戇男筆記‧港漫200人》,發生咗一件低能事。話說同老闆新哥講拜拜後,我轉身企圖搣甩透明封袋上面嗰個「$200」價錢牌,卻搣唔甩,原來價錢牌係封面構圖一部份,咁樣被Fake,我自己都笑咗一笑。其實唔只咁,我覺得成本書設計都好Funny,封底嗰幾句乜乜物物「沒輯錄」同埋尾一句「本刊只收錄戇男2018全新作品《戇男筆記‧港漫200人》」,都玩味十足,睇到我唧一聲笑咗出嚟。揭書,睇內文,老實講唔算好好好好好精彩,但裡面介紹嘅人物好多都係我面書朋友仔,彼此素未謀面,平時只透過鍵盤交流互相畀吓Like,家陣有呢本書,我對佢哋有多啲了解,個感覺係幾過癮嘅。如無意外,呢八萬字,我係會睇晒嘅。

Read more ›

《戇男筆記‧港漫200人》大賣 戇男至Goal Club搞簽名會
by / on 01/06/2018 at 3:27 pm

《戇男筆記‧港漫200人》大賣 戇男至Goal Club搞簽名會

突發!鑑於《戇男筆記‧港漫200人》實在太過好賣,戇男決定今晚7:30pm到「至Goal Club」搞番個小型簽名會。想同偶像合影,想攞親筆簽名,想同其他港漫迷交流,唔該準時到達。留意番,「至Goal Club」依家有現貨賣,256頁,每本$200,有買趁手,我都未買,睇怕呢個禮拜六都要去信和走番轉。

Read more ›
《戇男筆記‧港漫200人》寒酸海報登場 請支持戇男
by / on 30/03/2018 at 3:00 pm

《戇男筆記‧港漫200人》寒酸海報登場 請支持戇男

《戇男筆記‧港漫200人》開訂,戇男除咗喺面書打鑼打鼓外,仲製咗張海報準備付印,打算貼喺各大中小漫畫店作「寒酸宣傳」喎,計我話一啲都唔寒酸,港漫迷就係Like呢種八九十年代港漫味吖嘛。另,除構圖過癮外,請大家細心留意海報之行文用字,戇男有以下非常啜核幾句:「魔鬼都在細節中,本書內容並不完美,不適合完美主義者」,哈哈,我真係笑咗出嚟。話時話,不如隨書附送埋海報喇,我諗讀者會好開心,好開心,好開心,因為重要,所以要講三次。

Read more ›
《戇男筆記‧港漫200人》聽日公佈訂購詳情
by / on 27/03/2018 at 4:34 pm

《戇男筆記‧港漫200人》聽日公佈訂購詳情

戇男喺面書留低就呢幾隻字:「28-3-2018正式公佈訂購!」言簡意賅。訂購乜?咪就係佢本大作《戇男筆記‧港漫200人》囉。咁係Fans嘅,大家記得聽日留意公佈詳情嘞。我呢,絕對唔擔心價錢,只擔心太過限量,訂唔到啫。

Read more ›