Post Tagged with: "《怪異集》"

《怪異集》故事〈恐怖整容〉變網劇
by / on 08/08/2018 at 5:32 pm

《怪異集》故事〈恐怖整容〉變網劇

喂,進度慢咗啲噃,離上一個網劇〈鬼鞋〉都成三個月時間,可唔可以快啲呀?等得好辛苦呀。今次網劇改編自《怪異集》另一故事〈恐怖整容〉,印象中有睇過漫畫,但已經唔記得內容講乜,依家有得睇番都幾開心。而呢條Trailer呢,最恐怖喺最尾一個Shot,女主角攞界刀割自己塊面,都有少少驚嚇感覺。不過呢,有錯別字呀,改「編」唔係改「篇」,恐「怖」唔係恐「佈」,要留意校對喇。

Read more ›

迷你短片〈鬼鞋〉 《怪異集》改編網劇有得睇
by / on 16/05/2018 at 4:30 pm

迷你短片〈鬼鞋〉 《怪異集》改編網劇有得睇

講咗N年嘅《怪異集》改編網劇,終於有一條超超超迷你短片〈鬼鞋〉推出,話超超超迷你,皆因只得2分55秒。成條片無乜對白,故事亦好簡單,有一兩個位都做到驚嚇效果,睇到我O一O嘴,倒抽一口涼氣。不過呢,畫面實在太黑,好難睇得清楚,連Cap圖都難,要改進。另,飾演買鞋嗰個女仔Denice Lio,我覺得好靚女吓。

Read more ›
《怪異集》網劇開拍新故事〈鬼徵婚〉 幾時有得睇?
by / on 05/03/2018 at 5:14 pm

《怪異集》網劇開拍新故事〈鬼徵婚〉 幾時有得睇?

好似都過咗半年咯,之前報導過嘅《怪異集》改編網劇繼開拍第一個故事〈恐怖整容〉後,一直都無嚟聲氣,以為無下文添。好彩,最新消息已經開拍緊第二個故事〈鬼徵婚〉,有我非常欣賞嘅演員張松枝做男一,其他演員有葉暐、毛敏樺等等,飾演被強姦虐殺再化成厲鬼報仇嘅女一唐紫睿,OK靚女吓,身材亦唔錯,值得留意。不過講乜都假,究竟幾時播先?我有少少等到頸長。

Read more ›
網劇版《怪異集》開拍 男女主角有辦睇
by / on 30/05/2017 at 9:00 pm

網劇版《怪異集》開拍 男女主角有辦睇

《怪異集》開拍網劇,第一集〈恐怖整容〉正拍攝得如火如荼,男女主角已經有樣睇,分別係飾演Dr.曾嘅周子龍、飾演Christy嘅Yan同飾演美宜嘅Kimi。係,全部都唔識嘅,但Who care?有關方面話招募返嚟嘅,Good吖,我就寧願睇新人演出嘞。睇花絮相,製作都幾認真,唔係玩玩吓之作,拭目以待。

Read more ›
《怪異集》改編網劇 招募〈恐怖整容〉男女主角
by / on 18/04/2017 at 9:00 am

《怪異集》改編網劇 招募〈恐怖整容〉男女主角

我係屋邨仔,屋企邊有自己房吖,仲記得細個阿媽唔畀睇公仔書,搞到要三更半夜全屋熄晒燈,先敢匿喺被竇睇《怪異集》,既緊張刺激又有少少淆底,呢種偷偷摸摸嘅快感,真係好回味。好消息,嚟到2017年,《怪異集》打算將超過500期原著改編成1000集網劇,由陳啟泰主持,而首集就係我到依家都仲記得嘅〈恐怖整容〉,有關方面依家公開招募男女主角,有興趣嘅可以傳條片影幾張相面試。有關方面話網劇會放上YouTube,仲會進軍中國同喺東南亞院線上映,博一博無壞,分分鐘係個成名機會,對不?

Read more ›
跟足日本漫畫雜誌 《熱血少年》投票換稿?
by / on 24/07/2013 at 5:41 pm

跟足日本漫畫雜誌 《熱血少年》投票換稿?

呢個世界真係乜都有,印象中真係破天荒第一次,居然有本書一創刊就話換稿,《熱血少年》上周六見街,家陣都未夠一個禮拜,就話想大執內容,牛佬搞邊科呀?睇得《爆漫》多?

Read more ›

星光大道在林祥焜眼中,只是一種對香港漫畫界的侮辱。
by / on 22/02/2013 at 9:00 am

林祥焜:港漫已在深切治療部等死!

訪問過很多香港漫畫家,以上官小強最溫文爾雅,以甘小文最啜核惹笑,以馮志明最熱血,以黃國興最和藹可親,以邱福龍最天才橫溢,但說到有一句說一句,句句都是心底話,卻以林祥焜最無保留。人在尖沙嘴九龍公園香港漫畫星光大道,就這樣的站著與他談天,一談就是兩個多小時,口沫橫飛話題數之不盡,我與他,竟有種相逢恨晚的感覺。

Read more ›