《崑崙異說》開訂咯喎，訂咗未先？仲猶豫的話，家陣又多一個誘因課金了。作者之一嘅麥天傑開Post話，凡於6月30日前預購，不論特別版或首100名普通版，都會額外送多份神秘小禮物咁話喎，係咪爽皮先？

太受歡迎嘞，執筆嘅當下，50個《崑崙異說》限量特別版唔夠一個晏晝已經俾讀者訂購晒，手慢無，惟有撐普通版喇。不厭其煩講多次，《崑崙異說》由麥天傑、陸偉昌同鄺志傑合著，全書288頁，普通版$250，家陣正式開訂，大家請多多捧場。

好得很，《崑崙異說》終於鐵定6月開始預售，麥天傑、陸偉昌同鄺志傑合作，各自創作一個關於崑崙的妖異傳說。知你心急，我都等到頸長，家陣睇住宣傳彩圖止吓癮先，OK？

嚟緊夏天，我哋將會多一本港漫睇，作品名字叫《崑崙異說》，由麥天傑、陸偉昌同鄺志傑創作。暫時所知以實體精裝書形式見街，黑白為主，加少量彩頁。好事，希望本土創作嘅新港漫陸續有來，搞番旺個市。同埋，唔該，畀畀面，記得讚好面書專頁「崑崙異說」，以示支持。