Tag: 《山海逆戰》

邱福龍《山海逆戰》343期最終回 加推終極結局尊貴黑稿版

邱福龍《山海逆戰》343期最終回 加推終極結局尊貴黑稿版

Make sure了,343期大結局,即係話睇埋呢兩個禮拜,就要同勾徹Say Goodbye嘞。《山海逆戰》最終回,邱福龍搞番個終極結局尊貴黑稿特別版唔過份,分A專金同B專銀兩款,各包250mm x 360mm特大號黑稿、雷射幻彩大畫板同大結局特別封面專刊各一,A同B各限量150套,各每套$300。好頭好尾,無得唔買喇。

Read more ›

邱福龍《山海逆戰》勾徹人型首辦開訂

邱福龍《山海逆戰》勾徹人型首辦開訂

邱福龍《山海逆戰》倒數中,結局當然要睇,如果買埋呢個勾徹人型首辦,為呢本優質港漫正式畫上句號,成件事就100%圓滿了。即日起「收藏家港漫專區」接受預訂,原色版$599,限量80盒嘅尊貴版$699,包人偶本體、兵器、水晶畫背板、勾徹原造型幻彩畫板同親筆簽名證書各一,畀多$100多咁多Item,感覺非常良好。要買,無得慳。

Read more ›
邱福龍親證 《山海逆戰》最後四期倒數

邱福龍親證 《山海逆戰》最後四期倒數

係有啲唔捨得嘅,但要完就要完,一本漫畫始終要有完嘅一日。邱福龍剛剛喺面書留言曰:「《山海逆戰》會四期內大結局!多謝大家呢幾年不離不棄支持!天下無不散之筵席!」Fine,倒數四期,一定支持埋佢。我估呀,早少少完《山海逆戰》,龍少先可以集中精神全力搞《虎甲人》創刊,趕喺7月28日動漫節推出囉。

Read more ›
撐邱福龍 買《大聖王封面大全集》

撐邱福龍 買《大聖王封面大全集》

《山海逆戰》就快完結,邱福龍公開講話有本關於甲蟲嘅新作緊隨其後,但可惜大陸水已斷,搞到佢開新書倍感壓力云云。港漫難撈,估唔到連Fans眾多嘅龍少都嗌晒救命,真係有得睇好睇多啲同——買多啲喇。If,撐龍少的話,一定要買5月12日岀版嘅《大聖王封面大全集》,分悟空版$380、齊天大聖版$380同限量100本嘅鬥戰勝佛版$480(包三揀一畫板一幅)。買邊個版本?仲使問,梗係最好買晒三個版本喇,「收藏家港漫專區」有售。龍少,加油呀。

Read more ›
邱福龍《山海逆戰》320+321期孖寶號 兩版本各限量88本

邱福龍《山海逆戰》320+321期孖寶號 兩版本各限量88本

又過農曆了,港漫孖寶版又出籠了。先來邱福龍《山海逆戰》,第320加321期孖寶版有兩個版本,兩個版都都包一書一年曆卡一複製原稿封面,各限量88本,各售$220。1月16日出版,買就梗,買齊兩個版本更佳,呢句我幫龍少講嘅,報告完畢。

Read more ›
邱福龍事先張揚 《山海逆戰》「不久」完結

邱福龍事先張揚 《山海逆戰》「不久」完結

翻查資料,原來邱福龍《山海逆戰》喺2016年12月創刊,不知不覺距今差唔多6年了,而呢6年快樂時光就快會成為過去,事關龍少剛剛喺面書事先張揚「不久後將會大結局」,至於呢個「不久」有幾不久,就暫未有詳細時間表,究竟我最Like嘅蘭蘭可唔可以同勾徹有情人終成眷屬呢?公主下場又如何呢?伯益又會唔會威番次呢?好緊張。一書完,一書起,龍少仲透露新作「九成會係時裝,也許會同昆蟲扯上關係」,拭目以待。

Read more ›

講明封面同內文不符 邱福龍劈死「嗬咪狂」

講明封面同內文不符 邱福龍劈死「嗬咪狂」

若有留意開邱福龍面書,都知龍少習慣早一個禮拜釋出下期《山海逆戰》封面畀大家先睹為快,今個禮拜都唔例外。例外嘅係佢講明嚟緊嘅孖寶版封面構圖,係同內文完全不符嘅,畫咗宸胤同勾徹手持剎那同永劫,合力拼死一隻病毒物體「嗬咪狂」,即係劈死Omicron囉。好呀,劈得好呀,同我劈多兩刀唔該,相信呢個係所有香港人嘅心願。呢期封面當真有珍藏價值,要儲。

Read more ›

留意番!本周仲有乜公仔書睇?

本周仲有乜公仔書睇呢?Art Comics話《一代宗師》同《新著中華英雄》如常出埋呢個禮拜之後會暫停,暫定去到4月6日先復刊;Bookone嘅《妖怪道》就如常3月10日出版,並無透露停刊事宜。Dark Comics嘅《山海逆戰》就話「出埋下週276期後!相信山海會改為雙週孖寶版出」。Anyway,健康最緊要,大家畀心機抗疫喇。

Read more ›
邱福龍《山海逆戰》賀歲孖寶版$50 送補原貼紙+利是封

邱福龍《山海逆戰》賀歲孖寶版$50 送補原貼紙+利是封

邱福龍係抵讚嘅,抵我咁捧佢場,出錯咯,咪送番啲嘢甜吓真金白銀買書嘅讀者囉,之前有一格想交代勾徹臂骨盡碎但畫錯咗,佢決定送番張貼紙仔聊表心意喎。1月26日推出嘅《山海逆戰》賀歲孖寶版無加價,Total兩期內容售$50,無話屈多你十蚊八蚊,咁特別版當然有喇,不過就要喺「收藏家港漫專區」購買,又送補原貼紙又送雷射環保利是封又送福龍週記Postcard又盛,好難唔撐。

Read more ›
邱福龍《山海逆戰》彩色珍藏本第3期 12月8日見街

邱福龍《山海逆戰》彩色珍藏本第3期 12月8日見街

家居淺窄,儲單行本不了,儲珍藏本方為正路。提一提大家,邱福龍《山海逆戰》彩色珍藏本第3期鐵定12月8日見街,內容輯錄第21至30期內文,普通燙銀版$128,限量鐳射硬皮特別版$168,隨書附送炎帝人形公仔名片,又係時候畀錢龍哥使嘞。

Read more ›
邱福龍《山海逆戰》五週年 勾徹搪膠公仔11月29日有辦睇

邱福龍《山海逆戰》五週年 勾徹搪膠公仔11月29日有辦睇

五年,唔覺唔覺原來《山海逆戰》推出咗五年,而講咗唔知幾耐嘅勾徹搪膠人型公仔,亦成為五周年重點推介Product。邱福龍聯乘M3 Studio出品,唔知到時賣幾多錢呢?實物會喺11月29號喺「收藏家港漫專區」展覽。另,或者因為搪膠公仔本身Based on早期出場造型計,兼係Q版,當對比番呢幾期暴戾咗嘅勾徹,我即時有種怪怪感覺,唔知大家有無咁嘅感覺?

Read more ›

邱福龍《山海逆戰》五週年紀念號 首推雷射閃彩畫板

邱福龍《山海逆戰》五週年紀念號 首推雷射閃彩畫板

拖橋?我真係唔覺喎,真心覺得邱福龍撚盡十二成功力,呢幾期《山海逆戰》高潮迭起喎,嚴笑天死得咁樣衰,我都不知睇得幾暢快。時間過得飛快,11月5日出版嘅第258期係《山海逆戰》五週年紀念號,推出特別版好合情合理,全三款,各包聲稱全港首創嘅雷射閃彩畫板同專刊各一,各限量100套,各售$180。最好梗係三款買齊喇,我代龍哥多謝你。

Read more ›
讀者不忿姜崢死要脅Cut《山海逆戰》 邱福龍開Post回應

讀者不忿姜崢死要脅Cut《山海逆戰》 邱福龍開Post回應

原來唔只我唔捨得,看來《山海逆戰》姜崢之死真係惹來好大回響。話說邱福龍喺面書開Post,話就長短手之死收到讀者傳真,內容話佢:「十分變態⋯⋯害死咁多好人,係咪為咗谷書而專登死人?」難得龍少無動氣,仲保證姜崢之死絕對有後著,兼好禮貌咁話:「希望呢位讀者唔好口中咁講cut我書。」就此事,可以睇到三點。一,《山海逆戰》係好睇嘅,唔好睇的話就死邊個邊個都無人理喇,證明此書喺廣大港漫迷心目中始終有好高地位,亦證明姜崢呢個角色週塑造得好成功,牽動到讀者情緒;二,讀者Including me係睇得好投入嘅,因為投入所以肉緊,因為肉緊所以先唔捨得姜崢死;三,龍少一啲都唔變態,有嘅係氣量,EQ亦高,不但無嬲嬲豬仲親自開Post回應,此舉值得畀Like嘅。But,不喜勿插,我想講嘅係,呢種作者同讀者嘅真摯互動無疑係好,但亦希望唔好動不動就以「Cut書」要脅,無謂影響龍少創作空間吖嘛,畀啲耐性,慢慢睇有何後著喇。

Read more ›
《山海逆戰》死重要角色 邱福龍賜死長短手姜崢

《山海逆戰》死重要角色 邱福龍賜死長短手姜崢

雖然早一個禮拜,邱福龍已經喺面書賣定廣告話要賜死姜崢,理應有晒心理準備,但睇完今期第248期《山海逆戰》,於我還是非常震撼同捨不得。我係好鍾意呢個角色嘅,長短手造型好破格,向于若蘭示愛講明自己叫過雞嗰幕好Funny,對烈山仁又有情有義,對刁蠻公主又敢愛敢恨,死喺宸胤一招外掛式「三極破星」之下,等於一人獨戰宸胤、夷鼓、于清、于若蘭、伯益、洛王、后瑩、貪龍同自己,都算死得轟轟烈烈了。尤其鍾意死前回憶嗰幾格,非常貫徹姜崢人物性格,臨死都掛住同后瑩做愛做嘅事。半邊身炸開,連視肉都幫唔到手,睇個勢係無任何翻生之餘地的了,拜拜了,長短手……

Read more ›
甘小文《山海4仔》快抽 少昊送阿儀畀阿叔

甘小文《山海4仔》快抽 少昊送阿儀畀阿叔

一地花生,究竟ATV係捧佢定玩佢?網民係真心Mode讚佢勇氣可嘉定笑佢九唔搭八?我都唔識講咯。甘小文抽水很快手,喺第245期《山海逆戰》「山海4仔」派咗阿儀出場,講假少昊當阿儀係禮物送畀阿叔,阿叔即刻心心眼加噴鼻血,咁即係……

Read more ›