《新著中華英雄》創刊 配《天星孤星》歌詞回顧華英雄一生

隔咗咁多日先出呢個Post,應該唔怕俾人話劇透。撇除嗰個為人詬病唔知點解要二斬一封面,我覺得《新著中華英雄》創刊號係唔錯嘅,尤其鍾意袁家寶用頭幾頁粗略交代華英雄一生,配埋《天星孤星》歌詞,一路睇一路好似有聲飄出嚟咁,昔日美好回憶返晒來。總括嚟講,人物面相細緻、實境算做足、旁白對白恰到好處,劇情推進明快,第一期已經出赤劍,第一期已經斬殺萬老爺,整體感覺係睇得好爽皮嘅,其實老讀者如我咪就係需要呢啲嘢囉,平平實實已經足夠,情懷不會倒退吖嘛。真心Mode,希望呢本公仔書可以成功,企得穩陣腳。袁家寶,加油。

Read more ›