fbpx

Tag: 《天妖玄奇》

梁偉家加入《天妖玄奇》 孖徐大寶做美術主筆

梁偉家加入《天妖玄奇》 孖徐大寶做美術主筆

剛喺茶餐廳坐咗兩粒鐘,啜住凍檸茶一口氣睇晒本周港漫,好爽皮。睇今期第30期《天妖玄奇》,姬發入魔問天死完又死,故事進度繼續緩慢,驚喜位卻在書末,不見了徐大寶卻換上梁偉家新專欄「家油站!」,原來佢已經孖住徐大寶一齊擔任「美術主筆」一職。家家咁寫:「……首先特別多謝黃生同家寶兄邀請我加入黃玉郎集團呢個大家庭,諗唔到又可以投入香港漫畫嘅懷抱……」我有追開家家面書的,不嬲都好鍾意佢滿滿港漫味嘅畫風,加油呀,有家家加盟,希望《天妖玄奇》可以越做越好喇喂。

Read more ›

《天妖玄奇》換徐大寶做美術主筆 加兩Part床戲得唔得?

《天妖玄奇》換徐大寶做美術主筆 加兩Part床戲得唔得?

其實早幾個禮拜都已經吹緊風了,今個禮拜終於塵埃落定。今期第23期《天妖玄奇》書末專欄,已經由「彬彬有禮」改為「妖‧徐便講」,「徐」者,徐大寶是也,即係話美術主筆一職,正式由徐大寶頂替鄺彬強。Fine,久違了的徐大寶揸旗,唔知會唔會加番兩三番Part床戲呢?計落,嗯……海奇同姬發呢Pair唔錯,玄舞同問天就擺明會發展成情侶,尤其剛剛出場嘅九尾孤仙,直頭係淫娃妖精潛力股,有得諗喎。

Read more ›
送完Postcard 黃玉郎《天妖玄奇》改送口罩

送完Postcard 黃玉郎《天妖玄奇》改送口罩

都係回饋吓讀者咁喇,黃玉郎《天妖玄奇》送完十張「天妖誌」Postcard後,喺下期第11同第12期會改送口罩。口罩有「神兵玄奇」同「玉郎與你」兩個系列,總共十款,隨書隨機奉送,鍾意儲精品嘅你與我與他,買書嗰陣咪攞漏口罩呀喂。

Read more ›
黃玉郎《天妖玄奇》搞抽獎遊戲 送「天妖誌」Postcard大卡

黃玉郎《天妖玄奇》搞抽獎遊戲 送「天妖誌」Postcard大卡

來到第三彈了,黃玉郎繼續送「天妖誌」未切割版本Postcard,今次主角係元始天妖十子之二嘅太白山君同千目妖佛。老例,抽獎方法依舊係讚好、答問題同開心Share,Total有8張,5月25日3:00pm截止。

Read more ›
黃玉郎《天妖玄奇》搞抽獎遊戲 送「天妖誌」Postcard大卡

黃玉郎《天妖玄奇》搞抽獎遊戲 送「天妖誌」Postcard大卡

為谷書,送禮是很合理的,黃玉郎話過《天妖玄奇》會一連十期隨書送多張「天妖誌」Postcard,唔知大家有無儲呢?我有,所以對佢送嘅呢張未切割版本Postcard大卡非常有興趣,Total有8大張,有埋親筆簽名是常識吧。點送法?老例玩抽獎遊戲喇,4月13日3:00pm前讚好面書「玉郎有請」同留言寫低最愛嘅《天子傳奇》或《神兵玄奇》角色,就可以參加抽獎,大家請踴躍參加。

Read more ›
網圖分享:亞傑多二創 大拳老都睇《天妖玄奇》

網圖分享:亞傑多二創 大拳老都睇《天妖玄奇》

亞傑多係一個非常盡責嘅港漫從業員,除咗期期都撚盡十二成功力幫和仔大人同邱福龍畫封面外,得閒仲會玩吓二創,幫其他港漫宣傳。就好似《天妖玄奇》創刊咁,佢將創刊號封面Key入《封神紀‧黑天龍》第10期封面,變成──大拳老都捧黃玉郎場呀喂。我笑點低,笑咗。

Read more ›

龍少就是強 《天妖玄奇》第二期封面釋出

龍少就是強 《天妖玄奇》第二期封面釋出

買封面都抵!龍少畫嘅封面真係無得輸的!黃玉郎剛喺面書釋出《天妖玄奇》第二期跨版封面,係咪好靚呢?第二期有另一主角姬發出場,黃玉郎話畫足38頁喎,希望大家多多捧場。

Read more ›
賀黃玉郎生日+《天妖玄奇》創刊 Fans送蛋糕好感動

賀黃玉郎生日+《天妖玄奇》創刊 Fans送蛋糕好感動

仲唔係愛?計我話絕對係大愛來的。話說《天妖玄奇》創刊,Kent Chu特登預備咗個蛋糕賀一賀佢,兼預早替黃玉郎慶祝生日。蛋糕唔係買現成貨架,係Kent Chu專登設計,構圖係黃玉郎策馬奔馳,上有「神兵蓋世,壽與天齊」八個大字,加埋個創刊號封面牌仔,成件事真係好令人感動。黃玉郎有Kent Chu呢個死忠Fans,應該好好好好好開心。

Read more ›
黃玉郎《天妖玄奇》創刊 講明《龍虎5世3世仇》第二季會續出

黃玉郎《天妖玄奇》創刊 講明《龍虎5世3世仇》第二季會續出

買咗《天妖玄奇》了,仲翻睇咗多一次添,都係睇慣睇熟嘅玉郎味喇,於我係十分OK嘅。而講到全書最大驚喜高潮位,並唔最後一頁問天被斬手一格,而係書末專欄「玉郎一周」提到:「『腰斬』?有些老友記以為《龍仇》被腰斬了……非也非也……《龍仇》暫停一吓,第二季預算三個月左右,以更型仔姿態同各位見面,到時候敬請支持!」即係《龍虎5世3世仇》第二季出書有望喇,Fine,三個月就三個月,等你呀。

Read more ›
黃玉郎《天妖玄奇》今日創刊 連續10期送Postcard

黃玉郎《天妖玄奇》今日創刊 連續10期送Postcard

黃玉郎《天妖玄奇》今日出版了,大家買咗未?記住,無論你買邊個版本都好,都會隨書附送「天妖誌」Postcard一張,如果唔見有,記得問書攤攞番。而Postcard總共係一套10款,背後有詳細人物介紹,連續隨十期書附送,而創刊號則送第一款「天龍世子」,望相都覺得好精美,值得收藏。

Read more ›
畀掌聲!陳笑洛替《天妖玄奇》書名題字!

畀掌聲!陳笑洛替《天妖玄奇》書名題字!

喺今期第42期《龍虎5世3世仇》書末,黃玉郎正式幫《天妖玄奇》推出跨頁廣告,除咗欣賞龍少精湛畫功外,大家都可以留意吓頁底「天妖玄奇」四個書名大字,係咪寫得好靚呢?呢四個大字出自字畫雙絕陳笑洛之手,蒼勁有力,絕對比一般排版用電腦字有Feel,唔該畀啲掌聲。

Read more ›

《天妖玄奇》普通/草圖之外 加推限量特別紀念版

《天妖玄奇》普通/草圖之外 加推限量特別紀念版

啱數嘅,黃玉郎講過話會推出多啲特別版整旺個市吖嘛,所以嚟緊3月25日創刊嘅《天妖玄奇》除一如以往嘅普通版同草圖版外,仲會加推一個「收藏家港漫專區」獨有嘅限量特別紀念版,開訂細節待定。問天加姬發始終有一定吸引力,加埋龍少畫封面更加難抗拒,有無C-Hing打算買晒三個版本?

Read more ›
邱福龍《天妖玄奇》三拉頁封面草圖釋出

邱福龍《天妖玄奇》三拉頁封面草圖釋出

堪稱摩打手!早兩日先提過邱福龍幫黃玉郎手畫《天妖玄奇》封面,而龍少好話咁快已經完成咗嘞。有相你睇,草圖版已經咁勁,完成著色肯定靚到飛天,好期待3月25日,可以將呢個三拉頁封面拎上手,慢慢聞。

Read more ›
邱福龍操刀 《天妖玄奇》初稿封面釋出

邱福龍操刀 《天妖玄奇》初稿封面釋出

都估到邱福龍會幫黃玉郎拖,果然見龍少喺面書Post《天妖玄奇》封面初稿,線條一貫地密,一貫大堆頭,暫時所知會喺拉三頁,非常期待。

Read more ›
黄玉郎有新作推出 《天妖玄奇》3月25日見街

黄玉郎有新作推出 《天妖玄奇》3月25日見街

其實之前《龍虎5世3世仇》賀年孖寶裝已經透露咗端倪,因為隨書奉送嘅利是封出現咗「天妖玄奇」四個字,初頭唔知乜頭乜路,依家明白晒了。黃玉郎有新作品推出喇,《天妖玄奇》將會喺3月25日見街,係一個關於武林盟主問天同真龍天子姬發嘅故事,喂?即係玩穿越橋?怕唔怕……唔怕,我對黃玉郎出品有信心;又食老本?會唔會……唔會,食老本唔係罪,只要本書好睇就得,係咪咁講先?

Read more ›