fbpx

Tag: 《大神們的武林》

真民主票選甘小文作品 5月出《奔走行》7月出《柒頭者聯盟》

真民主票選甘小文作品 5月出《奔走行》7月出《柒頭者聯盟》

777,柒柒柒,選特首我哋就無票啫,但票選甘小文出版作品之先後次序呢,讀者就有Say嘞,「至Goal Club」公佈最想睇甘員外作品選舉結果──《奔走行》得31票,《柒頭者聯盟》得16票,《小流文》得4票,哈哈,雖然得人少少投票,但話晒都叫做真民主吖。為此,小文已經決定喺5月推出《奔走行》,之後7月書展檔期出《柒頭者聯盟》系列之《陳皮女俠》,而《小流文》呢,因為牽涉版權,所以就暫時無定案。不過我最想問嘅係,《大神們的武林》第三期幾時出?我等得好辛苦喎。

Read more ›

買《大神們的武林》第二期 送甘小文自畫像人物卡

買《大神們的武林》第二期 送甘小文自畫像人物卡

話說前日甘小文親臨信和「至Goal Club」同讀者會面,影相簽名無詐型,仲畫咗好多親筆畫送畀讀者添,最衰嗰日我要返工吖,未能抽空出席,攞唔到佢張自畫像人物卡,有啲唔抵!死啦,心心眼,得限量300張,唔知派晒未?點先可以擁有?當然係幫襯啦,幫襯「至Goal Club」買《大神們的武林》第二期,之後搵老闆打個印仔,憑印仔即送有甘小文親筆簽名嘅自畫像人物卡,我好想有呀,老闆,留番張畀我得唔得呀?

Read more ›
甘小文《大神們的武林》超筍 加$10送一幅親筆畫板

甘小文《大神們的武林》超筍 加$10送一幅親筆畫板

久違了的甘小文!令人多麼掛念的甘員外!終於有新書出喇,新作叫《大神們的武林》,以惡搞始祖嘅功力,新作好笑就一定架嘞,加陣要你笑住畀多$10。唔多,十蚊啫,打個電話畀「至GoalClub」訂書,新書到手後去舖頭釘個印仔,之後就可以超超超超超筍價十蚊訂購甘小文親筆畫板一大張,仲可以指定畫邊個漫畫角色添噃,如此好消息,係咪笑得落先?

Read more ›
甘小文《大神們的武林》1月26日見街

甘小文《大神們的武林》1月26日見街

甘小文新書《大神們的武林》有確實出版日期喇,鐵定1月26日見街,見到宣傳廣告咁寫:「男性睾丸酮大爆發,一個陰謀更生了一個狂魔,明張目膽肛門頂上大廝殺,科化神功爆破夕陽武林」,我已經笑咗一笑,到時新書在手肯定笑到Gap Gap聲,各小文迷萬勿錯過呀,呢$48無得慳,我話嘅。

Read more ›
繼續搞笑 甘小文1月將推出《大神們的武林》

繼續搞笑 甘小文1月將推出《大神們的武林》

好咯,終於有甘小文作品睇咯,書名叫《大神們的武林》,望封面,好似輕輕轉咗畫風,一男一女畫得好老正吓;但一睇內文原稿,噓,好彩!陣陣熟口熟面嘅「小文味」出番晒嚟;再望埋文字Description,甚麼「遍地屍骸,觸目驚心,曾經耀武楊威的武林人紛紛棄刀解甲,甘作宅男毒撚避禍」、「移山派遭滅門,七大門派去其—!方丈寺、牛鼻山、篷來教、貧尼派、窮家幫、點睛門急召武林大會,誓要絕地反撃,—場武林羣眾運動開打」、「禾斗門神秘少男少女現身,警告羣雄勿輕舉妄動,説明屠狗輩已練成強度超過石墨烯、鑽石、比鋼還強200倍的碳炔之身,及以物質化為能量的科化神功」等等,齋睇字都笑得出,真真萬二分期待。賣幾錢未知,周刊月刊精裝薄裝乜形式出版都未知,淨係知1月會推出,留意書報攤喇老友。

Read more ›