Post Tagged with: "《大災難師》"

一鋒x香港消防處 招募消防隊目海報
by / on 23/09/2019 at 11:33 pm

一鋒x香港消防處 招募消防隊目海報

心底裡其實幾鍾意一鋒,可惜吖,出完《大災難師》後佢唔再出實體港漫,改畫條漫《逆戰英雄》,甚無癮也。最新消息係,佢呢期幫香港消防處製作咗一幅宣傳海報,招募消防隊目,老實唔算甚麼驚世駭俗之作,但成勁表達到Message,質素唔錯。真心,希望佢可以考慮出番實體書,好讓報紙檔多番一本半本港漫,實大功德也。

Read more ›

第十期《大災難師》出特別版 送豬仔師父限300套
by / on 08/10/2018 at 9:19 pm

第十期《大災難師》出特別版 送豬仔師父限300套

時間過得特別快,又係時間講拜拜,《大災難師》話咁快去到第十期完結。而作為創業第一炮,一鋒梗要搞番啲花臣好好紀念,就脆脆推出番個特別版咁喇。《大災難師》第十期特別版同普通版唔同封面,隨書附送豬仔師父一個,售$45,限300套。指定書屋有售,大家多多捧場。

Read more ›
一鋒《大災難師》 登陸「漫画人」apps
by / on 27/09/2018 at 11:00 am

一鋒《大災難師》 登陸「漫画人」apps

一鋒《大災難師》登陸apps「漫画人」,暫時連載到第二期。我有買開實體書,期期買足,家陣睇完apps有感。先讚,一,連專欄都有埋,好足本;二,顏色比實體書印出嚟更Sharp,畫面好靚。讚完要彈,一,我係老派人,對於碌手機睇漫畫始終唔慣,實體書有得儲有嘢揸手,感覺實在啲;二,本書本身好多字,依家用條漫方式睇更加辛苦,又要放大又要縮小,會窒住晒打亂晒睇書節奏。不過點都好,我係支持《大災難師》嘅,多個途徑畀其他人認識呢本港漫,係好事嚟嘅。

Read more ›
一鋒《大災難師》動漫節創刊 有特別版+Tee+災難魔方
by / on 23/07/2018 at 10:15 pm

一鋒《大災難師》動漫節創刊 有特別版+Tee+災難魔方

不下一次講過好期待一鋒處男作《大災難師》,依家有詳細出版資料──7月27日動漫節首賣,創刊號分兩版本,一,會場特別版送蒼藍風公仔,$45;二,普通版,$20。另,有期間限定嘅創刊紀念Tee,每件$95。再另,有迷你災難魔方,動漫節接受預訂,每件$1200,何謂災難魔方?我無乜概念,估計都係精品,不過屆時展場有巨型版災難魔方展出,大可睇啱先落訂。As a conclusion,真心Mode希望呢本新作可以大賣,為港漫注入一絲生氣,撐你呀一鋒。

Read more ›
一鋒《大災難師》7月27日見街 真心要撐
by / on 16/07/2018 at 10:15 pm

一鋒《大災難師》7月27日見街 真心要撐

雖然真係唔熟識香港新晉漫畫家一鋒,但真心期待佢作品《大災難師》,際此港漫半死不活吊緊鹽水嘅當下,仍然有有心人肯推出實體薄裝港漫,係好應該畀掌聲嘅,尤其鍾意宣傳海報句Slogan──無懼災難,愛上港漫──好熱血呀喂。記住日子,7月27日見街,男主角叫蒼藍風,內容方面,《大災難師》係一個「一班能控制災難的災難師影響地球命運的故事,集結災難,科幻,英雄,格鬥等元素的新一代香港漫畫。」收到,撐硬。

Read more ›
2018年新港漫 一鋒x李重豪x鄺世傑《大災難師》
by / on 13/06/2018 at 9:32 pm

2018年新港漫 一鋒x李重豪x鄺世傑《大災難師》

想當年每日都有新一期港漫睇嘅美好日子,唉,俱往矣,2018年都去咗一半,連龍頭玉皇朝都好似放軟手腳咁,唉,實在太耐無新港漫出啦。好彩,過咗半年後嘅今日,終於收到消息話有新港漫出,名為《大災難師》。詳細資料未知,只係知7月27日出版,監制係鄺世傑,仲有李重豪參與,而主筆係香港新晉漫畫家一鋒。睇面書專頁登嘅廣告,我O咗嘴,直頭係電影海報級數,真心Mode,我好期待。

Read more ›