Post Tagged with: "《壽星仔》"

《壽星仔》x Hexactuss出Figure 人手上色限定四隻要搶
by / on 20/02/2019 at 7:00 pm

《壽星仔》x Hexactuss出Figure 人手上色限定四隻要搶

Wow,齋望相都覺得好精緻,講緊嘅係《壽星仔》聯乘搪膠品牌Hexactuss推出嘅元宵上色版壽星仔Figure,面相表情似十足,古古惑惑咁喇;身上太空衫以Shocking Pink做主調色,搶眼到暈;腳底有獨立編號「1」、「2」、「3」、「4」,係,由於全人手上色,所以真係限量得四隻,要搶!不過放心,唔係先到先得,即日起至2月21日喺面書專頁留言「要一」,多過四人就會抽籤,好公平架。每隻$880,送多個限定徽章,開心喇喂。

Read more ›

《壽星仔》搪膠人形有現貨 送紀念卡一張
by / on 28/12/2018 at 9:15 pm

《壽星仔》搪膠人形有現貨 送紀念卡一張

之前有無訂《壽星仔》45週年紀念搪膠人形呀?後悔無?唔緊要,收風話「壽星專門店」仲有少量現貨發售。老實,唔知有幾少量,亦唔知各個版本Exactly有幾多現貨,只知買邊個版本都會送紀念卡一張。有興趣入手嘅,打個電話問吓囉。

Read more ›
梁瑋豪製《壽星仔》WhatsApp sticker 歡迎下載
by / on 20/11/2018 at 8:45 pm

梁瑋豪製《壽星仔》WhatsApp sticker 歡迎下載

近排人人都玩WhatsApp sticker,相信你都儲落唔少喇,而作為上官小強Fans嘅你我他,又點可以少咗呢套《壽星仔》sticker呀。呢套sticker由梁瑋豪問准陳太主理,有阿壽、強記同火麻仁選擇,鍾意嘅,自己Download喇喂。

Read more ›
上官小威復刻第三輯《壽星仔》開訂
by / on 24/10/2018 at 8:29 pm

上官小威復刻第三輯《壽星仔》開訂

最新消息,上官小威復刻第三輯《壽星仔》剛剛開訂,包9至12期,送紀念證書1張、書簽兩張,向「收藏家港漫專區」訂購者,獨家送多兩張貼紙添。報告完畢。

Read more ›
上官小威復刻元祖版《壽星仔》 限100套$98
by / on 07/03/2018 at 9:28 pm

上官小威復刻元祖版《壽星仔》 限100套$98

一條紅衫魚唔使,就可以擁有元祖版《壽星仔》一至四期、4張A5膠貼紙同紀念海報一張,真係抵到爛。元祖版《壽星仔》喺1973年面世,老實,嗰時我得幾歲人仔,未知連環圖為何物,所以未睇過呢套經典作品,上官小威肯復刻,誠港漫迷之福。限量100套,「收藏家港漫專區」開訂,要撐。

Read more ›
上官小強離世 港漫人&讀者出圖致敬
by / on 25/01/2017 at 11:00 pm

上官小強離世 港漫人&讀者出圖致敬

過咗一日,我心情都仲係有啲Sad,畢竟平時行開旺角都會特登貢上信和,有無幫襯都會同《壽星仔》之父上官小強打聲招呼,家陣佢人唔喺度……唉。瀏覽面書,發覺原來上官小強都送過好多親筆畫畀讀者,可見佢係幾咁平易近人,有求必應,就擒晚到依家,大把讀者都登番親筆畫出嚟懷緬一番,唔少港漫人亦專登創作悼圖一幅,以表敬意。強哥,一路好走呀。

Read more ›

壽星仔搪膠模型開訂 造型招積每個$430
by / on 30/12/2016 at 9:00 pm

壽星仔搪膠模型開訂 造型招積每個$430

年尾,港漫界仲有新Product出,全新版本壽星仔搪膠模型是也,分紅黃眼鏡框兩個版本,造型係咬住火柴戴住黑超踩住鴨仔叉晒腰招招積積,人手著色,我Like!各售$430,只限訂購,一個月內有貨收,壽星專門店有售。

Read more ›
復刻《壽星仔》?讀者提議最終回當創刊號出!
by / on 04/05/2016 at 9:30 am

復刻《壽星仔》?讀者提議最終回當創刊號出!

無聊瀏覽「壽星仔專門店」面書專頁,但見上官小強出圖一張,留言只簡簡單單得四隻字──將會復刻?復刻?係就好咯!此言一出,八方留言和應──陳俊雄:「最好全套復刻,一定支持。」、Jackson Lou:「全套出?」、朱建良:「等待童年美好時光。」不過講到最有創意,則非fungbob莫屬,佢咁提議:「一係試試倒轉出,最終回係第一期,幾打耳。」嘩,唔係咁破天荒呀?Anyway,真心希望出得成,強哥,支持你呀。

Read more ›
上官小強賣Mini色紙卡盒 整齊收藏畫板免封塵
by / on 12/04/2016 at 10:15 pm

上官小強賣Mini色紙卡盒 整齊收藏畫板免封塵

有時買埋買埋咁多畫板,無理由周圍放等封塵架?人有我有嘅印刷品都仲好啲喎,如果係獨一無二親筆畫板,整污糟咗都咪話唔肉赤。如果你都有呢個收納煩惱,強烈建議你去「壽星專門店」買番個Mini色紙卡盒,仿皮用料,一盒可以裝16塊畫板,整齊乾淨免煩。幾多錢一個?盒仔一個值得幾多錢吖,當上去探吓強哥都好喇。

Read more ›
阿壽的降龍十八腿,齊晒!
by / on 24/11/2014 at 3:00 pm

阿壽的降龍十八腿,齊晒!

齊嘞,終於齊嘞,上官小強版《壽星仔》的降龍十八腿終於畫齊,Homan兄亦好慷慨咁公諸同好。老實,整體構圖係好Cute嘅,色彩亦好豐富,可能因為阿壽天生手短腳短,所以姿體動作比較難發揮。同埋我有一樣嘢想問,乜降龍十八腿有「紫龍出洞」呢一招嘅咩?其餘十七招都熟口熟面,反而好似畫漏咗「見龍在田」喎,純靠記憶,記錯勿插!

Read more ›
壽星仔肖像權被侵,誰激嬲了上官小強?
by / on 04/11/2014 at 8:16 pm

壽星仔肖像權被侵,誰激嬲了上官小強?

喂喂喂,好咯喎,邊個咁斗膽激嬲上官小強?好從實招來咯喎!話說佢嫩人家喺網上發現有人出老翻壽星仔,事前問都無問過佢一聲,仲要放上網Yahoo拍賣擺明用作販賣用途,如此侵害肖像權行為,真真不要得。

Read more ›

網圖分享:上官小強露兩手 阿壽的降龍十八腿
by / on 26/10/2014 at 5:45 pm

網圖分享:上官小強露兩手 阿壽的降龍十八腿

可能見張萬有、邱福龍同許景琛畫得咁過癮,上官小強都忍唔住露兩手,主角當然係第一主角阿壽喇,但見頭大身細五短身材肥肥矮矮嘅佢,施展王小虎嘅降龍十八腿,感覺係搞笑有餘威猛不足,不過咁先切合《壽星仔》性格,阿壽次次出手,不嬲都係得個殼架喇,讚呀。

Read more ›
《壽星仔》讀者擂台賽果公佈
by / on 03/01/2014 at 10:00 am

《壽星仔》讀者擂台賽果公佈

  玩咗幾個月《壽星仔》嘅讀者擂台,擒日終於公佈賽果,經上官小強嚴格評審,第一名YAS嘅「高達壽」構圖豐富,水彩落色技巧上乘,實至名歸。

Read more ›
《壽星仔》讀者擂台 反應熱烈玩多兩個禮拜
by / on 29/11/2013 at 3:27 pm

《壽星仔》讀者擂台 反應熱烈玩多兩個禮拜

都話上官小強江湖地位高架喇,一吹雞話搞「讀者擂台大招募」啫,就大把讀者踴躍投稿,頭三甲誕生咗喇,不過只屬「暫時」性質。

Read more ›
《壽星仔》讀者擂台大招募 攞強哥親筆畫板
by / on 07/11/2013 at 12:00 pm

《壽星仔》讀者擂台大招募 攞強哥親筆畫板

    好得很呀,誠港漫之福呀,一系列《壽星仔》四十周年紀念活動由2013年年頭搞到落年尾,之前同大家報導過嘅「壽星仔40周年紀念跨江派對」,又有新搞作嘞。

Read more ›