牛佬謝罪 《古惑仔》送海報

係,我都覺得東英四虎醫院擊殺李志高呢段戲比較跌Watt,既有啲草草收場Feel,亦有太多唔合情嘅地方,牛佬都自知衰咗,仲歸納出三大瀨嘢點,一,家陣冧友,唔係講玩,東英班友無理由唔戴口罩;二,差不多成期書都以「尊貴會員」為主角;三,差佬太削,兩嘢唔夠釘埋。肯認衰,證明牛佬好在意讀者聲音,絕對係好事吖,為哄番班米飯班主,佢決定喺聽日出版嘅新一期《古惑仔》送番張海報仔謝罪,仲話打算喺大飛、立花正仁、大梵同南哥之間揀一個做海報主角。計我話揀乜吖牛佬,連續四期書都送海報,送夠四張,讀者咪錫晒你囉。

Read more ›