fbpx

Post Tagged with: "《勝利人生李浩東》"

牛佬《勝利人生李浩東》周四出版 第11期大結局
by / on 13/10/2020 at 6:00 pm

牛佬《勝利人生李浩東》周四出版 第11期大結局

很奇怪的八號颱風「浪卡」,去到家陣都唔多覺有幾大風雨。Anyway,牛佬《勝利人生李浩東》第11期都「因應颱風關係,改為10月15日出版」,即係聽日唔使去書報攤撲書,周四先有得睇大結局。係,係大結局,出唔到12期,11期就正式摺書了。期待《龍虎門外傳》,牛佬,加油。

Read more ›

牛佬爆料 《龍虎門外傳》先畫慈雲山七鷹
by / on 07/10/2020 at 8:45 pm

牛佬爆料 《龍虎門外傳》先畫慈雲山七鷹

可惜還可惜,《勝利人生李浩東》摺書已經係既定事實,牛佬亦開始透露嚟緊《龍虎門外傳》大致內容,故事會先講慈雲山七鷹。點解會揀呢段故事嚟講?佢喺今期「牛佬的話」咁講:「牛佬仲係『豆丁』,一見嗰期封面,嘩!已經興奮到不得了──正呀!睇埋內文,更加雀躍。」即係一句講晒,因為鍾意囉。不過我就咁諗,話明七鷹即係頂盡得七個奸角,點解唔先畫荃灣十五狼或者觀塘十一邪呢?話晒奸角人數都多啲,人多勢眾先方便故事多線發展吖嘛。

Read more ›
牛佬宣佈《勝利人生李浩東》摺書 緊接推出《龍虎門外傳》
by / on 30/09/2020 at 12:45 pm

牛佬宣佈《勝利人生李浩東》摺書 緊接推出《龍虎門外傳》

唉,係有啲心噏嘅,估唔到《勝利人生李浩東》咁快就要摺書。牛佬喺今期第9期「牛佬的話」宣佈:「……敝刊做多兩三期左右,就會正式完結……點都唔會超過第12期……」原因?佢好坦白:「港漫摺書九成都係一個原因──唔賣得,收支不平衡。」而緊接,佢會推出《龍虎門外傳》,新書點玩法會喺未來倒數三四期《勝利人生李浩東》慢慢講。數一數,家陣已經有《新著龍虎門》、《龍虎門》珍藏本、《龍虎門Z》、《龍虎5世3世仇》、《復刻龍虎門》,嚟緊仲有一本《王風雷傳》,可以預見隔多一排,成個書報攤都係《龍虎門》,咁係咪好事呢?我唔想評論。只不過想問問牛佬,何不寫番本《古惑仔2.0》?又或,《古惑仔》本身有咁多經典角色,求其拉十個八個出嚟以外傳形式獨立成書,例如出《地中海傳》Or《金尊貴傳》Or《太子傳》諸如此類,唔係更好咩?Anyway,我係死忠,牛佬出乜,我都會支持,加油呀。

Read more ›
牛佬《勝利人生李浩東》密格抵睇咗! 朱順八定九?
by / on 16/09/2020 at 9:45 pm

牛佬《勝利人生李浩東》密格抵睇咗! 朱順八定九?

睇完今期第7期《勝利人生李浩東》,感覺係……拿,牛佬千其唔好嬲呀,講事實咋,感覺係抵睇咗好多,比起之前《古惑仔》兩個地鐵站唔夠就揭完,《勝利人生李浩東》起碼密格三倍,劇情推進亦乾淨利落好多,從來覺得角色多啲對白係好事,性格刻劃先會令人印象深刻啲,人物描繪得有血有肉,讀者先會有追看意慾。至於個新四格劇場「海哥漫畫」呢……嗯,呢次到惠昌唔好嬲呀,Just better than nothing,我就唔係好笑得出,睇嚟要加多兩錢肉緊。And,第26頁應該畫錯咗,朱順八明明著深啡色衫加滿面癦痣,下一格話佢有錢身痕呼朋引伴請飲酒,卻畫成身穿淺啡色衫兼戴埋耳環,好明顯錯畫成朱順九。他朝如果打算出合訂本的話,記得改番好佢喇。

Read more ›
牛佬《勝利人生李浩東》第六期 9月9日見街
by / on 08/09/2020 at 4:45 pm

牛佬《勝利人生李浩東》第六期 9月9日見街

面書專頁「古惑仔Teddyboy」有確實消息喇,聽日大家記得買第六期《勝利人生李浩東》。睇番上期係9月2日見街,今期就9月9日見街,剛剛一個禮拜喎,睇嚟牛佬已經Keep得番進度,希望以後可以定死喺逢周三出版喇。牛佬,加油。

Read more ›
唔係地中海 《勝利人生李浩東》強人角色黃海蛟登場
by / on 03/09/2020 at 9:00 pm

唔係地中海 《勝利人生李浩東》強人角色黃海蛟登場

嗱,唔係亂入,地中海還地中海,黃海蛟還黃海蛟,兩個人嚟千其咪搞錯;And,是「黃」不是「王」,亦唔係《龍虎門》嗰個邪拳魔王王海蛟。雖則呢個《勝利人生李浩東》第五期新角色同《古惑仔》毒蛇幫副幫主地中海造型101%相似,即係一模一樣,但人家真實名字叫黃海蛟,性格同地中海嘅低調閃縮、刻意示弱天淵之別。黃海蛟自稱強人,單身匹馬闖江湖,愛招搖,亦唔介意俾人知道自己有一身好武功,手底功夫叫大海神拳。今期黃海蛟同李浩東單挑嗰頁跨版,唔知仲以為睇緊《古惑仔》洪興小春單挑地中海。牛佬出呢個角色嘅原因好簡單,純粹因為「鍾意」,唔好誤會會有甚麼穿越時空情節。牛佬鍾意,各位C-Hing又鍾唔鍾意?於我係OK的。

Read more ›

牛佬《勝利人生李浩東》第五期 9月2日見街
by / on 31/08/2020 at 7:15 pm

牛佬《勝利人生李浩東》第五期 9月2日見街

今日返工前巡書報攤,未見牛佬《勝利人生李浩東》第五期,甚失望,心諗唔知又會唔會脫期呢?猶幸,面書專頁「古惑仔Teddyboy」剛剛釋出第五期封面,依舊由疑似地中海掛帥,並謂9月2日見街。Fine,周三就周三喇,大家記得買書喇。

Read more ›
牛佬專欄致歉脫期 《勝利人生李浩東》變不定期刊?
by / on 26/08/2020 at 8:30 pm

牛佬專欄致歉脫期 《勝利人生李浩東》變不定期刊?

究竟打後嘅《勝利人生李浩東》逢周幾見街呢?唔只我,我諗連牛佬本人都未Sure。佢喺今期第4期專欄「牛佬的話」致歉:「攪到出版日期大亂,罪魁禍首就梗係牛佬啦……唯有再加一把勁,盡快扭回正常出版日期。我會盡力架嘞!」明白嘅,體諒嘅,畢竟啱啱先身體好番,點都要有番啲過渡期追番趕稿時間,盡力就好。不過呢,佢又喺「第5期精彩預告」叫大家「密切留意出版日期」,即係下期都未定到周幾出版。嗯,真心希望《勝利人生李浩東》唔好變不定期刊,畢竟依家書報攤太少,好多讀者都要專登搭車出旺區買書,要讀者撲空就唔好喇。撐你呀牛佬,加油。

Read more ›
鐵定8月25日見街 疑似地中海亂入《勝利人生李浩東》
by / on 24/08/2020 at 4:45 pm

鐵定8月25日見街 疑似地中海亂入《勝利人生李浩東》

係有啲擔心嘅,上周日落書報攤唔見《勝利人生李浩東》,到今日周一都仲係未見,心諗唔通牛佬又身體抱恙?幸好,剛剛面書專頁「古惑仔Teddyboy」出咗廣告,話第四期將於8月25日即周二見街,咁都好啲。不過話時話,記得創刊號係周六推出嘅,跟住試過周日推出,第四期又改喺周二推出,咁搞法有啲亂喎,希望牛佬可以留意吓,Fix番出版日期好啲囉。另,第四期封面人物非常熟口熟面,面相髮型And造型都直頭係《古惑仔》毒蛇幫副幫主地中海嚟嘅,咁得意?Why?

Read more ›
牛佬怕侵權褪軚 《勝利人生李浩東》無大鬧龍虎門睇
by / on 18/08/2020 at 8:15 pm

牛佬怕侵權褪軚 《勝利人生李浩東》無大鬧龍虎門睇

本來諗住大呼過癮,點知牛佬怕版權問題而褪軚,原本《勝利人生李浩東》第三期書名叫〈大鬧龍虎門〉,點知出到嚟嘅係〈怒挑蛇頭幫〉。我仲好期待今期有疑似王小虎呀、王風雷呀、玉兒呀等《新著龍虎門》角色客串架嘛,點知唔止無,仲連書名都改埋添。Anyway,都無損今期嘅可觀性嘅,故事節奏明快無拖橋,係少咗個話題有啲蝕咁囉。查實真係需要咁驚?會唔會自我審查得太犀利?搞吓笑啫,分分鐘文化傳信會當係另類宣傳添噃。

Read more ›
牛佬自爆生死一線間 李浩東去龍虎門酒家講數
by / on 11/08/2020 at 9:30 pm

牛佬自爆生死一線間 李浩東去龍虎門酒家講數

事忙,搞到今日先有時間靜靜哋坐低睇《勝利人生李浩東》第2期,今期我係先睇專欄嘅,因為想知牛佬身體狀況。據專欄透露,原來佢前後入院兩次,嚴重到要即刻做開肚手術,之後要接受深切治療,佢形容自己情況係「生死一線間」。噓,依家無事無幹出番嚟,就唔該好好保重身體咯,牛佬唔該聽話,扯少兩飛煙喇。另,今期故事都係介紹登場人物同江湖勢力分佈為主,節奏算明快,驚喜位在老虎幫同蛇頭幫講數地點居然係──龍虎門酒家。哈哈,唔知下期會唔會有疑似龍虎三皇呀、王風雷呀等《龍虎門》角色出場做侍應呢?又或,玉兒企酒家門口做知客?呵呵。

Read more ›

牛佬好番復出 《勝利人生李浩東》周日復刊
by / on 07/08/2020 at 9:00 pm

牛佬好番復出 《勝利人生李浩東》周日復刊

睇到面書專頁「古惑仔Teddyboy」呢個Post,我打從心底裡喊了聲:「好!還得神咯!」事關牛佬身體終於好番,並釋出《勝利人生李浩東》第二期封面。第二期鐵定8月9日即係本周日出版,呢個禮拜又多番本公仔書睇了,很開心。各大中小牛佬Fans,記得捧場呀。

Read more ›
陳科琳報料《勝利人生李浩東》復刊有望 牛佬精神唔錯
by / on 30/07/2020 at 3:15 pm

陳科琳報料《勝利人生李浩東》復刊有望 牛佬精神唔錯

《勝利人生李浩東》繼續停刊,相信唔少讀者都同我一樣,好擔心牛佬近況。猶幸有好消息了,陳科琳剛喺面書報料曰:「啱啱同牛佬吹完水~睇嚟佢精神唔錯!」仲話「復刊有望」添,咁就Very good了。BTW,想講嘅係,呢個Post裡面有張相,相裡面有個煙灰缸,煙灰缸裡面有八個煙頭……為健康著想,牛佬你不如戒煙喇,就算戒唔成,都盡量食少啲喇,身體要緊呀。

Read more ›
牛佬抱恙 《勝利人生李浩東》繼續脫期
by / on 17/07/2020 at 11:45 pm

牛佬抱恙 《勝利人生李浩東》繼續脫期

聽日唔使去書報攤撲書,據面書專頁「古惑仔Teddyboy」透露,由於牛佬仲係病緊,所以《勝利人生李浩東》繼續脫期。其實牛佬出院未?情況有無好轉?倫裕國同陳科琳可唔可以透露吓?我很擔心。真心的,祝牛佬早日康復。

Read more ›
無《勝利人生李浩東》睇 祝牛佬早日康復
by / on 11/07/2020 at 10:30 pm

無《勝利人生李浩東》睇 祝牛佬早日康復

今日落書報攤見唔到《勝利人生李浩東》,若有所失。後瀏覽「古惑仔Teddyboy」面書,得悉牛佬尚未復元,所以第二期繼續脫期。暫時無公仔書睇好閒,最緊要人無事,祝牛佬早日康復。

Read more ›