Post Tagged with: "《今晚打喪屍》"

T-dult《風雲》Tee別注色 聶風握冰藍色雪飲刀
by / on 26/09/2018 at 9:59 pm

T-dult《風雲》Tee別注色 聶風握冰藍色雪飲刀

留意番,9月26日即係今晚十點,T-dult推出嘅《風雲》、《今晚打喪屍》同《新著龍虎門》Tee會上架。《今晚打喪屍》同《新著龍虎門》Tee係舊款,家陣優惠價發售;至於聶風Print嗰件,就算係新嘅,事關係Based on之前風雲結局畫展推出嘅同一款,不過今次就將雪飲刀換上冰藍色,都OK型,值得入手。

Read more ›

《今晚打喪屍》桌上遊戲開箱 教埋你點玩
by / on 14/07/2018 at 3:03 pm

《今晚打喪屍》桌上遊戲開箱 教埋你點玩

  開箱News呀喂,之前報導過余兒《今晚打喪屍》桌上遊戲究竟有乜餡?家陣有相睇喇,啲紙牌人仔真係好鬼正,當精品儲一啲都唔過份。咁點玩呢?我唔識講,只好Copy and paste:「遊戲屬於輕策略,玩家扮演漫畫中的五個角色,努力跑向終點,逃避喪屍追捕,萬一被喪屍從後趕上,就會葬身街頭。」睇完都係唔明?有Link教埋你點玩。

Read more ›
余兒《今晚打喪屍》桌遊書展首發
by / on 07/07/2018 at 4:00 pm

余兒《今晚打喪屍》桌遊書展首發

余兒小說《今晚打喪屍》改編成桌上遊戲,原價$199,書展價$160。佢喺面書咁樣講:「《打喪屍》故事由富山邨打到去油麻地,途經九龍塘同旺角,地標多,每個人物都有獨特武器,真係好fit做桌遊。」老實,我未玩過桌遊,本身投入唔到呢種坐定定遊戲,但遊戲盒面由Felix Ip操刀,著實係型,所以我個心十五十六緊買唔買好……

Read more ›
《今晚打喪屍》作品展 仲有Tee同Tote Bag要搶
by / on 17/10/2017 at 6:50 pm

《今晚打喪屍》作品展 仲有Tee同Tote Bag要搶

講番先,喺Boom Art Gallery舉行嘅《今晚打喪屍》作品展,除咗原畫展覽,仲有好多精品推出,畫板喇、漫畫喇、限定海報喇,之前已經介紹過,最新消息原來仲有余兒聯乘faminik嘅Tee同Tote Bag,個Print好型,係絕對著得都戴出街嗰隻,當然,捨唔捨得著同戴係另一回事,各$220,價錢合理,值得一儲。

Read more ›
余兒推出海報每張$100 《今晚打喪屍》作品展限定
by / on 11/10/2017 at 3:45 pm

余兒推出海報每張$100 《今晚打喪屍》作品展限定

早幾日報導過余兒會搞番個《今晚打喪屍》作品展,仲話屆時有產品推出添。係乜產品?暫時所知先有海報。余兒剛剛喺面書登咗相,仲自己出埋鏡做Model,有晒比例見到張海報有幾大張,每張$100,畫展期間限定,我好想要。

Read more ›
余兒《今晚打喪屍》作品展 睇原畫買埋親筆畫板
by / on 08/10/2017 at 7:15 pm

余兒《今晚打喪屍》作品展 睇原畫買埋親筆畫板

係好令人鼓舞嘅,余兒《今晚打喪屍》由小說開始,到漫畫,到電影,佢話「《今晚打喪屍》已成為本地喪屍品牌」,係無講錯嘅。既然咁正斗,就一於唔好俾佢停,嚟緊會有個《今晚打喪屍》作品展,展出多幅小說同漫畫原畫,大家記得去朝聖打卡。另,屆時Wah Kee、faminik同Felix Ip會即場畫喪屍畫板發售,獨一無二,要搶!

Read more ›

動漫基地Art Jam 八大畫手創作《茂蘿巴屍打聯盟》
by / on 02/08/2017 at 7:27 pm

動漫基地Art Jam 八大畫手創作《茂蘿巴屍打聯盟》

留意番,動漫基地又有Event喇,今次都係Art Jam,由謝森龍異、Pen So、柳廣成、林祥焜、小雲、曹志豪、袁家寶同Felix Ip即場聯手繪畫巨型漫畫《茂蘿巴屍打聯盟》,故事藍本由《今晚打喪屍》余兒打造。茂蘿係乜?動漫基地喺灣仔茂蘿街吖嘛,叫食番個主題咁囉。大家可以親臨現場睇佢哋作畫,相信都會係個唔錯嘅體驗,抽唔到時捧場嘅,到時都會有facebook live,開心喇。

Read more ›
《今晚打喪屍》刪減片段曝光 睇埋無壞
by / on 29/07/2017 at 10:00 am

《今晚打喪屍》刪減片段曝光 睇埋無壞

有無捧余兒《今晚打喪屍》場?我好多Friend都有睇,唔講大話,讚同彈各半,有人讚Cult得嚟夠本土有創意,有人彈劇情支離破碎浪費好演員。Anyway,藝術嘅嘢,各有各睇法喇,呢條News唔係影評,想講嘅係余兒喺面書釋出咗刪減片段,兼有留言曰:「大家經常問,點解電影裡面土炮武器製作的場口比較少,其實有一段被刪減的合成CG,未完成時做了戲份調整……動畫中的武器組裝,我們試用上九十年代日系機械人合體的方法表現……」憑空想像,如果加埋呢段未曝光呢段,大家又會唔會對《今晚打喪屍》改觀?

Read more ›
書展推硬皮別注版《今晚打喪屍》漫畫 送Tote Bag+Game Card
by / on 19/07/2017 at 8:29 pm

書展推硬皮別注版《今晚打喪屍》漫畫 送Tote Bag+Game Card

今日書展開鑼,雖然已經買咗平裝版,但都心郁郁想買埋呢個硬皮別注版《今晚打喪屍》漫畫,係,我認我貪心,因為現場購買即送電影Tote bag同顏卓靈‧真一Game Card。每本$100,無話貴唔貴,只有值唔值,睇過封面相,我就覺得好值。

Read more ›
Felix Ip書展出《Robox Sketchbook 2》
by / on 28/06/2017 at 11:00 am

Felix Ip書展出《Robox Sketchbook 2》

Felix Ip好多產,剛剛先推出漫畫版《今晚打喪屍》,好評如潮,話咁快又有消息話將會喺書展推出《Robox Sketchbook 2》。此畫集乃漫道出品,輯錄過百張機械人插圖,之前第一集唔知大家有無捧場?有嘅話,第二集無可能唔買;無嘅話,買完第二集覺得好睇的話,買番第一集儲亦唔過份。

Read more ›
聽歌:《今晚打喪屍》主題曲《雙截龍》白只原來唱得兩嘴
by / on 20/06/2017 at 9:30 am

聽歌:《今晚打喪屍》主題曲《雙截龍》白只原來唱得兩嘴

白只係香港金像獎最佳男配角,演技有番咁上下係應份,唱歌都有兩嘴就絕對係Bonus。佢夥拍張繼聰唱《今晚打喪屍》主題曲《雙截龍》,拍埋MV,嗌破喉嚨個Tone估唔到咁有爆炸力,都有紋有路架。另,MV女主角張蔓姿唔算靚到絕色,但唔知點解著埋套疑似校服就好有日本妹味,啱睇,我Like。又另,我尤其Like「齊晒架撐郁佢令堂,仲有鐵通,打爆鼻樑,唔理咁多,搞我就要打打打」呢幾句歌詞……Because,我都好想打人。

Read more ›

漫畫版《今晚打喪屍》封面曝光 6月23日見街
by / on 15/06/2017 at 11:15 pm

漫畫版《今晚打喪屍》封面曝光 6月23日見街

千呼萬喚始出來,漫畫版《今晚打喪屍》封面曝光,主角揹住個高達盾牌背囊好鬼死型呀喂,余兒喺面書話:「葉Sir今次風格大變,一睇個封面就知有別於以往嘅香港漫畫。」又話:「……之前葉sir同小弟都講過,今次想搞一本唔太港漫嘅港漫,風格同包裝上要求變,但故事同對白就要本土。」對白係點未睇到,但封面用色同構圖係有啲驚喜嘅,感覺有啲似電影海報,而非一般港漫封面。一期完,《今晚打喪屍》場景設定喺油麻地,而非原著小說嘅旺角同富山村,但書中角色用番小說人物,獨立成漫畫睇一樣睇得明,每本$98,6月23日見街。不厭其煩講多次,請支持本土創作,呢一舊水,唔好慳。

Read more ›
余兒設立「創造會」 年費$100送漫畫+戲飛+Tote bag
by / on 12/06/2017 at 1:00 pm

余兒設立「創造會」 年費$100送漫畫+戲飛+Tote bag

聽清楚,「創造館」阿一余兒吹雞,正式設立「創造會」招收會員,年費$100,一成為會員即送《今晚打喪屍》電影換領證同漫畫,首100位會員再加送限量電影版《今晚打喪屍》Tote bag。一舊水,送漫畫又送戲飛,真係抵到爛。無收余兒錢,但繕啲都要咁寫,唔入會,絕對係你損失。

Read more ›
《今晚打喪屍》終極預告 白只+張繼聰大嗌:雙龍殺!
by / on 07/06/2017 at 10:15 pm

《今晚打喪屍》終極預告 白只+張繼聰大嗌:雙龍殺!

《今晚打喪屍》出咗終極預告,Edit得當真緊張刺激,白只同張繼聰擸住自製騎呢武器大嗌「雙龍殺!」個Shot好熱血,王敏奕起飛腳好有台型,顏卓靈個戴帽男仔頭Look好靚,萬梓良個造型唔知點解有啲《肥貓流浪記》鄭則士Feel……好心急,6月29日上映,戲院見喇。

Read more ›
最本土!最癲喪!漫畫版《今晚打喪屍》四款海報出齊!
by / on 22/05/2017 at 2:30 pm

最本土!最癲喪!漫畫版《今晚打喪屍》四款海報出齊!

正呀喂,好Like「最本土!最癲喪!」呢句口號,一套四款漫畫版《今晚打喪屍》Teaser海報終於出齊,Felix Ip手筆,底色暗紅色調,人物黑白兩色,統統唔見頭,不過學余兒話齋,有睇過小說一定知道畫緊邊個,尤其身形肥肥籮柚兀兀嗰一個,喺書裡面非常搞笑架……

Read more ›