fbpx

Post Tagged with: "《不是人間》"

急!大家幫幫手!謝森龍異回購《不是人間》!
by / on 19/01/2017 at 10:00 am

急!大家幫幫手!謝森龍異回購《不是人間》!

又幾搞笑喎,我都係第一次見作者公開呼籲回購番自己作品,講緊嘅係謝森龍異,因為「突然之event,有啲緊急」,加上佢本身 藏量唔夠,所以喺面書開Post,希望有讀者可以賣番任何期數嘅《不是人間》單行本畀佢,不但之前受千夫所指嘅撞網版照收,如果唔想以原價回賣,價錢仲可以另議添。急急急急急!謝森龍異希望1月24日前搞掂,如果大家幫到手嘅,PM佢喇。

Read more ›

謝森龍異幫徒弟妮蘿打打氣 寵物+喪屍〈不在人間〉
by / on 12/01/2017 at 8:45 pm

謝森龍異幫徒弟妮蘿打打氣 寵物+喪屍〈不在人間〉

初頭見《漫道月刊》有古仔叫〈不在人間〉,我已經一皺一皺眉:「嘩!人哋謝森龍異《不是人間》,你就〈不在人間〉,究竟係乜玩法?」今日無聊瀏覽面書,方知〈不在人間〉作者妮蘿原來同謝森龍異份屬師徒,而徒弟事前已得師父允許寫呢個「寵物+喪屍」漫畫故事,師父仲喺面書公開呼籲大家捧場:「哈呵哈……徒弟姊妹花,近日分別首次有連載作品面世,作為哎吔師父當然支持下啦!完全新……妮蘿~~不在人間……各位咪試下D新人囉!」謝森龍異出到聲,大家又畀唔畀面捧吓場呢?

Read more ›
謝森龍異加盟野士創工 《香港感染》第二期趕製中
by / on 30/12/2016 at 10:00 pm

謝森龍異加盟野士創工 《香港感染》第二期趕製中

有固定地盤,對漫畫家絕對係好事,謝森龍異正式動筆簽約加盟野士創工,有關方面喺面書留言好搞笑:「從此,佢會專注事業發展、組織家庭、改變世界、拯救地球,不過喺之前,佢要全力趕製《香港感染》第二期!快啲啦!」係喇,快啲喇,第一期我有買,但印象已經好模糊,再唔出第二期分分鐘唔記得故事講乜。話時話,我都好掛住娜姐,《不是人間》又打算幾時出呢?

Read more ›
謝森龍異開個展《感染》 超巨型畫作《流離組曲》
by / on 28/10/2016 at 11:00 pm

謝森龍異開個展《感染》 超巨型畫作《流離組曲》

喪屍迷喜訊,謝森龍異終於開個人畫展,睇清楚,係「個人」畫展,並唔係同其他漫畫家或插畫家一齊舉辦嘅「聯展」,證明佢實力備受肯定,可以獨當一面,恭喜!畫展名為《感染》,畫作會Crossover《香港感染》同《不是人間》兩個漫畫世界,焦點係一幅由九幅真跡組成嘅超巨型畫作《流離組曲》,有幾大,真係見到實物至知。而為宣傳,謝森龍異都好落力,不斷喺面書釋出作畫過程嘅相片,仲話畫到「腦袋有啲一片空白添」,但佢大大張畫紙攤喺地,大到要踎喺地下落色,你都咪話唔辛苦。努力加油,謝森龍異,我撐你呀。

Read more ›
【跟進】:《不是人間2》撞網次貨 漫道願意回收退款
by / on 15/09/2016 at 8:45 pm

【跟進】:《不是人間2》撞網次貨 漫道願意回收退款

《不是人間2》次貨流出市面,謝森龍異喺面書公開致歉,大部份讀者不但無怪佢,仲叫佢加油誓撐娜姐云云。至於出版社漫道,亦剛剛作出回應,喺面書話:「首先謝謝你對漫道和《不是人間》的支持,我們會個別回收,若讀者不滿(撞網)令《不是人間2》失去儲存價值,可親臨本公司退還款項。」雖然無正式道歉,但肯補鑊回收次貨兼退款,始終係一件好事,勉強都叫做肯負番責任。如果你買咗次貨,又無打算當錯版咁儲,咁勞煩你去出版社退番錢。最後,希望以後唔會再發生同類事件,大家齊齊支持港漫,好唔好?

Read more ›
有擔當!《不是人間2》次貨流出 謝森龍異面書道歉
by / on 14/09/2016 at 9:00 pm

有擔當!《不是人間2》次貨流出 謝森龍異面書道歉

因印刷差劣問題,原本打算書展期間推出的《不是人間》決定延後見街,早幾日終於成功入手第一、二期,睇完諗住上面書讚謝森龍異兩句喇,先發覺原來好多讀者投訴依舊買到第二期撞晒網差劣版本,我好彩,買嗰本無事。為此,謝森龍異喺面書洋洋灑灑千字文解釋,大致係話:「本人也未必100%肯定發生甚麼事⋯⋯就好像有自以為是的人⋯⋯在不專業、意氣用事、玩緊細路仔脾氣的把戲⋯⋯作為作者,我沒有用⋯⋯冇能力阻止。我只可做的,是向買了該批劣質第二期而感到不滿的讀者,說聲⋯⋯對不起!!!」矛頭似乎直指出版社,因為「意氣用事」將次貨夾硬推出市場⋯⋯

Read more ›

補購漫道旗下港漫 去動漫基地喇
by / on 02/08/2016 at 10:00 pm

補購漫道旗下港漫 去動漫基地喇

無時間去書展,買唔到新書搵唔到偶像簽名,成一大憾事也。好彩,家陣去灣仔「動漫基地」銷售店,可以一次過補購番漫道出版嘅港漫──《Robot Sketchbook畫板》、《不是人間》第一同第二期、《爆烈戰隊》、《尋‧武者》同《御守者》,不過就講到明數量有限,有買趁手喇。

Read more ›
漫道書展2016 必買葉偉青《Robox Sketchbook》畫板
by / on 11/07/2016 at 9:00 pm

漫道書展2016 必買葉偉青《Robox Sketchbook》畫板

係奇怪架,明明係漫畫,雖則我明都係書,但點解唔留喺動漫節而要喺書展推出呢?Anyway,漫道出咗宣傳海報,大家可以照單執藥買邊本,排名不分先後──謝森龍異《不是人間》第一及二期、J-head《御守者》第一期、張立人《尋武者》第一期、梁瑋豪《爆裂戰隊》全一期同葉偉青《Robox Sketchbook》畫板等寺。咁呢,我就必買《Robox Sketchbook》畫板,因為只限書展附送《Robox Sketchbook機械設定畫集》,佢啲粗獷筆觸同線條,我一向好Like。(攤位1A-C19、1A-C21)

Read more ›
謝森龍異有新作 動漫節推出《香港感染》
by / on 07/07/2016 at 9:45 pm

謝森龍異有新作 動漫節推出《香港感染》

謝森龍異又有作品推出喇,唔係《不是人間》單行本,亦唔打算喺嚟緊嘅書展推出,新作叫《香港感染》,將會喺遲啲動漫節見街。睇宣傳海報都應該照舊係喪屍主題,咁有得「香港」兩個字,場景就梗係喺香港喇,本土味濃。至於「感染」啲乜,謝森龍異喺面書拋低咗呢段字:「當年,那天…..腐敗的蠻夷正式入侵腐敗的文明,還在談論彼此定向?自說明天會更好?是否…遲了很多個年頭呢?」好似好若有所指吓喎,Anyway,拭目以待喇。

Read more ›
靚女Cos《不是人間》娜姐 造型+髮型+樣貌九成似
by / on 22/06/2016 at 8:30 pm

靚女Cos《不是人間》娜姐 造型+髮型+樣貌九成似

喂?原來有人Cos謝森龍異《不是人間》女主角娜姐喎,個人認為Cos得十分成功!眾所周知,漫畫版娜姐造型只不過係──白Tee、超短牛仔褲、絲襪、白鞋,頂籠整到佢成身血,再加多個拎住斧頭Pose,就是如此這般的簡單。越簡單就越難Cos,呢點大家唔難理解喇,難得相中靚女不但髮型衣飾,簡直連樣都有幾分似娜姐。究竟何許人也呢?好想同呢個靚女做個Friend,求名!又,你估今年動漫節,又有無人會Cos娜姐呢?

Read more ›
謝森龍異《不是人間》第二期書展推出 廖光祖贈畫打氣
by / on 21/06/2016 at 7:30 pm

謝森龍異《不是人間》第二期書展推出 廖光祖贈畫打氣

話咁快又6月,無幾耐之後又話書展,再之後動漫節又話殺埋身,謝森龍異《不是人間》第二期單行本都打算喺書展推出,剛剛佢喺面書登咗第二期封面,封面依舊見到我哋熟識嘅由第一女主角娜姐,買開第一期嘅我必撐。又,原來,謝森龍異同剛剛推出完畫集《She》嘅廖光祖好好朋友,好朋友到廖光祖作畫一幅替謝森龍異打氣,並留言曰:「銷量告訴大家,以性感與醜陋,人性與失性,作畫面上大衝擊。完勝姿態讓第一版斷市。六月新作捲土重來,七月書展,第二期單行本乘勝追擊。我就是說這套現實與漫畫都令人驚動的~漫道出品《不是人間》。」幅畫好靚,強烈建議謝森龍異將之印成書籤,隨書附送就好咯。

Read more ›

漫道發佈會2016 謝森龍異到場簽名
by / on 04/06/2016 at 7:00 pm

漫道發佈會2016 謝森龍異到場簽名

雖則諗唔明點解做會員可以免費派書,但同時又會放喺報攤賣,點都好,睇得出漫道係有心機有熱血搞好港漫嘅。誠如佢喺面書咁講:「從2014《漫道週刊》/2015《漫道battle》,我們經歷了許多困境,人事上的變動,策略上的修改,演變成2016年的《漫道》。《漫道》從崎嶇路上成長,理念始終如一,更加堅持堅定宗旨,繼續積極培育漫畫人才,真真正正給予年青人一個發展平台,一個就業機會,不只是商業幌子,而是一個承諾,如果你肯珍惜機會,漫畫夢想不是白日夢。」呢個理念我係極Buy嘅。如果你都覺得漫道抵撐,咁就有必要參加「漫道發佈會2016」,到時謝森龍異都會到場,幫讀者替《不是人間》第一期第二版簽名,有興趣就快快報名喇。

Read more ›
《不是人間》再版惹罵戰 謝森龍異道歉抵讚
by / on 24/05/2016 at 10:00 pm

《不是人間》再版惹罵戰 謝森龍異道歉抵讚

係奇怪嘅,唔敢講話唔尊重讀者感受,但事實真係有不公平之處。講緊漑係謝森龍 異嘅《不是人間》單行本創刊號,之前出咗第一版,家陣話出第二版,出得第二版 係好事,即係多人買喇,但可惜,打算出嘅第二版講明比第一版大書度,而之後嘅 第二期,亦繼續會以大書度形式出落去,咁你叫買咗第一版嘅讀者情何以堪呢?須 知現今港漫市道疲弱,仍然肯出錢買實體書嘅讀者,十居其九都係儲書之人,第一 期細,第二期大,成何體統呢?此舉無疑惹嚟掠水之嫌。

Read more ›
茶餐廳當展覽廳 謝森龍異喪屍裸女畫吸Like
by / on 30/03/2016 at 9:45 pm

茶餐廳當展覽廳 謝森龍異喪屍裸女畫吸Like

謝森龍異手畫,唔使多介紹喇,老實講唔算超級無敵絕頂靚,但《不是人間》係值比個Like嘅,畫到喪屍手手腳腳拗埋一齊,血呀腦漿呀溝埋一碟,五官扭曲噬起棚牙等等等等,的確好有喪屍味同電影感。佢得閒有無練畫?有!肯定有!仲將一幅喪屍裸女大作裱起,掛喺屯門「兩合茶餐廳」添。謝森龍異喺面書好搞笑咁話:「估唔到,掛咗冇耐就有讀者親臨朝聖。估唔倒,這張畫的威力……有啲意料之外……幾多讀者注視……圖Post咗一日專頁竟多咗過百Likes,而該Post Like數亦破了紀錄。」佢仲透露該茶餐廳有其他主筆真跡,係就係遠咗啲,但值得入屯門閃番幅靚相喎。

Read more ›
復活節漫道特賣場 漫畫海報$10有交易
by / on 24/03/2016 at 9:30 am

復活節漫道特賣場 漫畫海報$10有交易

各港漫迷注意,今個禮拜六有時間的話,不妨逛逛「漫道特賣場Outlet」,帶一舊水上去,你可以拎十本書走。無錯,《王子不行了》、《魔王聯盟》、《黑之書》、《白之書》、《反轉騎士》、《未來留學記》、《漫道Battle》雙週刊統統$10有交易。除咗漫畫,同場仲有海報賣,謝森龍異《不是人間》、Felix Ip《Robox Sketchbook》、曹志豪《香港關機》等海報都係賣$10,全部都係我心頭好,呢三條草又係無走雞。暫開一場,只收Cash,拖定手推車上去掃貨啦老友。

Read more ›