fbpx

Tag: 《下午茶之狂想曲》

奶茶通俗學x大快活 推出《下午茶之狂想曲》愛要及時篇

奶茶通俗學x大快活 推出《下午茶之狂想曲》愛要及時篇

不嬲鍾意文字插圖創作團隊「奶茶通俗學」嘅創作,今次聯乘大快活推出宣傳動畫《下午茶之狂想曲》愛要及時篇,透過鋸扒溝女眉目傳情Flirt來Flirt去,Sell經典牛扒鐵板餐。畫面好靚好順暢,Last有外賣仔出場帶出「用膳完畢請讓座」訊息,要有嘅元素齊晒,簡單易明,唔錯。

Read more ›

奶茶通俗學x出前一丁出磁石貼 清仔突入《下午茶之狂想曲》

奶茶通俗學x出前一丁出磁石貼 清仔突入《下午茶之狂想曲》

文字插圖創作團隊「奶茶通俗學」嘅系列動畫《下午茶之狂想曲》出到第四話《食麵之法則》喇,今次仲有出前一丁清仔突入添。動畫內容大致係教大家用乜餐具食唔同麵食,除咗紳士同靚女,隻貓仔都繼續有出場。唔敢話非睇不可,但畫面確係幾靚嘅,節奏亦掌握得幾好,唔會悶,即係你一Click開就會自動自覺睇晒成條片咁囉。另,就住呢次聯乘,有關方面會推出磁石貼,磁石貼有三款,即丁麵、炒丁同撈丁,作為精品儲唔錯。

Read more ›
有片:奶茶通俗學《下午茶之狂想曲》之〈人物介紹篇之外賣仔〉

有片:奶茶通俗學《下午茶之狂想曲》之〈人物介紹篇之外賣仔〉

文字插圖創作團隊「奶茶通俗學」套動畫《下午茶之狂想曲》有聲氣咯喂,剛剛推出咗一條〈人物介紹篇之外賣仔〉短片。究竟呢個可能係全港最勤力地盪失路、最麻煩、最懶散、最趕客、最無記性即係最廢嘅外賣仔,擔當乜嘢重要角色呢?拭目以待。另,呢條片有個溫馨提示:「請記住身邊每一個努力工作的外賣仔,稱職的請多加表揚,例如貼士!」大家收到未?下次買外賣,記得畀多三兩蚊貼士喇。

Read more ›
《奶茶通俗學》動畫化 香港製造之《下午茶之狂想曲》

《奶茶通俗學》動畫化 香港製造之《下午茶之狂想曲》

因為制裁,所以「Made in Hong Kong」越來越矜貴,所以呢條《下午茶之狂想曲》系列動畫短片先行預告,睇得特別有Feel。短片取材自《奶茶通俗學》短篇漫畫,節奏明快,配音好清脆動聽,裡面出現嘅人物有侍應、水吧佬、收銀、Flirt緊中男女、吹水中麻甩佬等等;出現嘅食物有紅豆冰、豉油雞髀、西多士同當然唔少得嘅香港名物奶茶,仲有牙簽遇水化星星呢個我細細個都玩過嘅小玩意、餐桌禮儀同埋可愛喵星人。凡此種㮔,皆實實在在的「香港製造」呀喂,要珍惜呀喂。

Read more ›