fbpx

Tag: 《三國誌異》

《三國誌異》完結!你評幾多分?

《三國誌異》完結!你評幾多分?

《三國誌異》正式完結,你評幾多分?嗱,實話實說,純個人意見,不喜勿插──唔好攞《殺道行者》呢本顛峰作比,我認為就算同《西遊》、《大軍閥》比都要失色。原因有四,一,畫功合格有餘,精緻不足,最弊係睇到第64期最後一期,除左慈同小順外,我都仲係唔太認得其餘角色造型同面相,係我問題?唔知其他讀者有無呢個感覺?二,除主角左慈外,講得三國,劉關張、孫堅、曹操、袁紹等等都係吃重角色,但佢哋嘅性格描寫好弱,勉強叫人稍稍印象深刻嘅只有被閹重生嘅呂布,其他人?對白唔多旁白唔多根本連出場做戲嘅機會都唔多,好難令人投入;三,再次玩甚麼闇影世界,有同《西遊》Double套路之嫌,新鮮感稍遜;四,落雨收柴,尾幾期基本上係快速搜畫,劇情一支箭咁快,無名者一線天同兩袖清風畫一格就算交代咗,左慈個妹仲慘,提都唔提直頭無影。As a conclusion,和仔大人今鋪係有少少跌Watt嘅,期望3月26日《阿修羅》創刊,會有耳目一新之感。和仔大人,支持你呀!

Read more ›

鄭健和3月26日推出《阿修羅》

鄭健和3月26日推出《阿修羅》

對上嗰本係《西遊》,就快完嘅呢本係《三國誌異》,仲諗住和仔大人開新書的話,會以《水滸傳》做題材添。真正答案,今期第62期《三國誌異》揭曉,新書名叫《阿修羅》,鐵定3月26日創刊。《阿修羅》?唔知同《西遊》裡面嘅羅候有無關係?Anyway,拭目以待。

Read more ›
《三國誌異》第64期完結 之後開唔開新書?

《三國誌異》第64期完結 之後開唔開新書?

兩個月後,我哋將會少一本公仔書睇,鄭健和喺今期第56加57期《三國誌異》新春合併號透露,《三國誌異》將會畫到第64期完結,即係話仲有7期書,就會知左慈、曹操、袁紹、呂布、董卓同劉備等人命運如何。而下個禮拜呢,《三國誌異》會暫停一期,大家可以留意番。話時話,和仔大人仲未講未來大計,完咗《三國誌異》後唔會唔開新書呀?我有啲驚驚哋。

Read more ›
和仔大人益讀者 《三國誌異》送海報

和仔大人益讀者 《三國誌異》送海報

提提大家,聽日見街嘅第51期《三國誌異》已經正式調整售價至$23。咁和仔大人都好識做,係咁意送張精美海報喇,但見海報中嘅呂布手執方天戟策騎赤兔馬,挾住一團火咁向前衝,畫得好靚呀喂。

Read more ›
鄭健和《三國誌異》加價至$23

鄭健和《三國誌異》加價至$23

和仔大人喺今期第50期《三國誌異》「和仔專欄」,正式宣佈下期開始調整售價至$23,並謂故事大概會去到60期左右完結,之後考慮寫幾個短篇故事云云。加$3就加$3,無問題,照撐。

Read more ›
Post《三國誌異》第四期相上網 送文嘉宏x阿傑多畫板

Post《三國誌異》第四期相上網 送文嘉宏x阿傑多畫板

剛剛睇咗《三國誌異》第四期,劇情緊湊,嗰隻甚麼闇靈一啖吞咗曹府家丁個頭,帶出劉宏指環嘅鎮邪之力……都係唔好劇透。入番正題,《三國誌異》繼續送畫板遊戲,今次輪到文嘉宏聯乘阿傑多出手,想要?老例,都係Post相寫兩句讀後感,再讚好面書專頁「Bookone壹本創作」,截址日期1月29日23:59分,名額一位,要抽獎架,希望幸運兒係你喇。

Read more ›

Post《三國誌異》第三期相上網 送鄭健和x阿傑多畫板

Post《三國誌異》第三期相上網 送鄭健和x阿傑多畫板

好事成雙!唔好畀佢停!繼第二期後,《三國誌異》第三期繼續有獎抽。老例,買完書影張封面相掟上網幫手宣傳,加兩句讀後感,再讚好面書專頁「Bookone壹本創作」,就有機會得到由和仔大人同阿傑多聯手砲製嘅簽名畫板一大張。截址日期1月22日23:59pm,名額依舊得一位,唔知我會唔會係幸運兒呢?

Read more ›
Post《三國誌異》第二期相上網 送鄭健和x阿傑多畫板

Post《三國誌異》第二期相上網 送鄭健和x阿傑多畫板

正呀喂!有獎抽呀喂!家陣買《三國誌異》第二期,影張相掟上網幫手宣傳,之後寫兩句讀後感,再讚好面書專頁「Bookone壹本創作」,即有機會得到由和仔大人同阿傑多聯手砲製嘅簽名畫板一大張。截址日期1月15日23:59pm,名額一位,大家識做啦。

Read more ›
鄭健和《三國誌異》創刊 簽名版限量100本

鄭健和《三國誌異》創刊 簽名版限量100本

今日下晝開始,陸續見到好多面書朋友仔Post《三國誌異》創刊號相片,非常心心眼。點解嘅?唔係聽日先出版咩?我睇文嘉宏喺面書話創號刊會出現「壹本軍團」個Post,明明仲寫住1月3日出版喎。Anyway,如果未買到書如我者,不妨考慮幫襯「至Goal Club」,限量100本有和仔大人親筆簽名嘅創刊號等住你買,不過就要等到1月8日先返貨。等唔切的話,咪有無簽名嘅版本都買各一囉,用實際行動即係雙倍課金,支持和仔大人吖嘛。

Read more ›
鄭健和《三國誌異》1月3日見街

鄭健和《三國誌異》1月3日見街

《西遊》完結,鄭健和新作《三國誌異》鐵定1月3日見街,面書專頁「Bookone」剛剛釋出疑似正式封面,究竟疑似封面係畫緊邊個三國人物呢?仲有幾日咋,等吓啦,萬二分期待。

Read more ›
《三國誌異》人物設計大賽 阿傑多+文嘉宏出示範作

《三國誌異》人物設計大賽 阿傑多+文嘉宏出示範作

擒日報導過話鄭健和搞《三國誌異》人物設計大賽,依家有詳細資料,一,創作角色須為三國時代正史或小說人物;二,一面書帳號限一畫作,上傳日期即日起至1月10日。為此,阿傑多掟咗幅《少布》、文嘉宏掟咗幅《祝融夫人》上網,作為示範作畀大家參考……死喇,示範作畫得咁靚,會唔會嚇怕一眾參賽者架?Anyway,大家自問手畫OK嘅,踴躍投稿喇。

Read more ›

文嘉宏報料 和仔大人2019年出《三國誌異》

文嘉宏報料 和仔大人2019年出《三國誌異》

孫悟空打元始天尊打多幾期,《西遊》第二部就會正式完結,咁究竟打後和仔大人會開乜新書呢?好多讀者都想睇嘅《火龍》?Sorry,非也!文嘉宏剛喺面書報料云:「預告2019年1月3日,鄭健和全新漫畫三國誌異。」《三國演義》加《聊齋誌異》?羅貫中加蒲松齡?好有溝埋做瀨尿牛丸吖笨嘅況味,拭目以待。

Read more ›