Post Tagged with: "《一零八》"

網圖分享:謝志榮的水墨版梁山好漢
by / on 26/09/2016 at 10:00 pm

網圖分享:謝志榮的水墨版梁山好漢

施耐庵《水滸傳》好唔好睇?梗係好睇喇,我細細個已經追通宵喇;司徒劍僑改編過成漫畫,叫《一零八》,唔只畫功,連故事亦係上乘之作。無端端點解發起呢個話題?事關資深漫畫家謝志榮,喺面書發佈咗七個水墨版梁山好漢,如果無睇錯的話,應該係畫咗行者武松、神行太保戴宗、青面獸楊志、小李廣花榮、豹子頭林沖、九紋龍史進同花和尚魯智深。水墨配一百零八個好漢,感覺係零舍夾嘅,雖然未知謝志榮有乜新搞作,但有好畫欣賞,亦港漫迷之福也。支持,加油,最後畫晒一百零八個好漢,等你呀謝志榮!

Read more ›

《一零八》完結 合併號6月12日出版
by / on 10/06/2015 at 10:00 am

《一零八》完結 合併號6月12日出版

計吓計吓,《戰譜》事先張揚出到二十期完結,即係仲有幾期貨仔,甚麼《神兵鬥者》睇個勢都唔會出版,《欲望之翼》又唔知幾時見街,家陣連《一零八》都話收皮,咁大渡咪無晒書出囉。係呀,我無寫錯,你哋都無睇錯,《一零八》將會喺6月12日推出第20期同第21期合併號,「一氣呵成結集完美句號」咁話喎。即係話,我哋又唔知要Miss司徒劍僑幾耐嘞。

Read more ›
《一零八》摺書?劍僑頂唔住?
by / on 15/05/2015 at 9:30 am

《一零八》摺書?劍僑頂唔住?

雖然唔知實際銷售情況如何,但點都估唔到大渡會無啦啦摺埋《一零八》,大渡面書專頁有些留言曰:「第#20及#21大結局將會合併出版,六月隆重推出!詳情請留意fb公佈!」我係司徒劍僑Fans,聽到呢個消息都幾Sad,明明個古仔仲有伏線,話摺就摺好可惜啫。個人推論,此與劍僑力有不逮有關,鬼咩,《波動拳Z》、《一零八》同未見街嘅《神兵鬥者》都由佢一人揹飛,八隻手都畫唔掂喇。讀者喺專頁發表嘅心聲,大致同我一樣──Chi Sing Lo:「希望唔好比我估中!内文頁數一定唔夠兩期書~~所以先要合併,睇你賣幾錢。」、Ronald Ng:「108後期得果期半書但收兩期錢都算喇,你合併兩期實際有幾多稿呢?要6月先出得?到時又想收幾多錢呢?大渡口口聲聲救港漫,救唔到之餘,仲整死理劍橋老師D作品……」真心Mode,希望個大結局唔好太爛喇。

Read more ›
《一零八》第三輯開皮 兩個封面版本任擇
by / on 02/11/2014 at 11:00 am

《一零八》第三輯開皮 兩個封面版本任擇

都幾佩服司徒劍僑,既要開新書《神兵鬥者》,又要繼續畫《一零八》,邊得嚟咁好精力同時間?最新第三輯《一零八》,新古仔主軸講流寇如何建立梁山泊,而主角中的主角,似乎係神行太保戴宗。

Read more ›
《一零八圖鑑》 英雄好漢逐個數
by / on 14/10/2014 at 10:30 am

《一零八圖鑑》 英雄好漢逐個數

大家有無撐《一零八》?我有呀,真心Mode覺得非常好睇。第二輯故事隨住洪太師死、史進同王進父子相認、時遷肉體死亡精神不滅、西門慶自殺以保俠名而終結。第三輯唔知幾時再推出,有無興趣回顧一下已經出場嘅英雄好漢?

Read more ›
《一零八》創刊 真心Mode抵撐
by / on 06/04/2014 at 4:31 pm

《一零八》創刊 真心Mode抵撐

當初收風司徒劍僑畫《一零八》,我無嘢擔心,只擔心佢畫唔畫得出108個水滸英雄,睇完創刊號,我發覺呢個擔心屬多餘,初出場十幾個好漢個個型到爆核,抵寫個服字畀劍僑嘅。

Read more ›

《大渡畫集》創刊號玩六封面版,出書新策略?
by / on 06/03/2014 at 6:39 pm

《大渡畫集》創刊號玩六封面版,出書新策略?

好奇怪呀,聽日出版嘅《大渡畫集》創刊號附加咗個幾隻字──「人物設定集」,六個特別版六個封面,內容就本本都一樣有齊六個故事,我純粹靠估,呢招係大渡出書新策略。

Read more ›