iPhone

【貓奴必買】白貓舉中指iPhone6殼 拎住傾電話型爆
by / on 10/10/2015 at 1:47 pm

【貓奴必買】白貓舉中指iPhone6殼 拎住傾電話型爆

很想要吧!呢個喵星人iPhone 6殼堅正,隻白貓個樣串串貢,仲學人舉中指,拎住佢喺街傾電話真係型到爆,仲可以用佢對準你想爆粗嘅人。佢個包裝盒都好過份,放個電話喺恤衫嘅前袋,拉低少少就會見到隻衰貓向你舉中指,好啱用嚟整蠱人。呢款機殼適用於iPhone 5/5s/6/6+,賣美金$30,暫時網上仲有貨,100% Silicone,揸上手應該好穩陣,係大嚿少少唧。呢隻白貓仲有好多產品、T恤、帽、襪,貓奴小心駛大咗。

Read more ›

【Carry唔住】日本12月推出 《美少女戰士》水手服電話殼
by / on 08/10/2015 at 1:10 pm

【Carry唔住】日本12月推出 《美少女戰士》水手服電話殼

《Sailor Moon》產品又嚟喇,今次輪到「Gourmandise」幫佢出電話殼,誇張之處係佢個月野兔水手服造型,基本我諗除咗得意少女同中少可以用外,冇其他人可以carry得住……又係得iPhone 6/6s版本,2,894円,12月派貨。

Read more ›
有片:真心服!日本傳媒開iPhone插股罅!菊花紋認證!
by / on 05/10/2015 at 8:30 pm

有片:真心服!日本傳媒開iPhone插股罅!菊花紋認證!

仲記得iPhone提供指紋認證開機系統無耐,就有網友嘗試玩腳趾紋甚至乳頭認證,當中有成功有失敗,成一時佳話。今日,iPhone 6s面世,有日本傳媒決定玩得再重口味啲──菊花紋認證,仲拍埋片畀大家參考參考添。係,你無睇錯,我都無寫錯,真係正常情況下都睇唔到嘅菊花紋!自古成功在嘗試,該日本傳媒都唔係第一次就成功o架,因為iPhone 6s話晒都有番咁上下大部,色強插得入窄窄一條股罅,都對唔準菊花紋解鎖;為此,佢決定喺菊花口搽木工膠,待木工膠乾透直接倒模菊花紋,以後就只有用手指頭笠住舊乾膠模先可以解鎖,非常安全!如此刁鑽玩法都諗得出,我除咗講位已出之外,都無乜嘢再好講嘞。

Read more ›
《Mad Max》火爆結他手出iPhone喇叭座 可惜唔噴火
by / on 03/10/2015 at 12:51 pm

《Mad Max》火爆結他手出iPhone喇叭座 可惜唔噴火

有睇電影《Mad Max: Fury Road》嘅都會對呢個喺戰場上彈結他彈到噴火嘅Rock友Coma-Doof Warrior印象深刻,最近戰鬥民族就有位設計師555grinnt整咗呢款iPhone喇叭,放部iPhone上去,前面再擺埋個figure,真係型到爆!除咗一套買(美金$400),亦可以淨買figure(美金$80)或者淨買站台(美金$25),仲有好多隻色任揀,美中不足係個結他唔識噴火!10月11日出貨,Rock友要買啦!

Read more ›
【鍵盤族有救】Laptop電腦架托得高 放iPad / iPhone一家團聚
by / on 30/09/2015 at 7:07 am

【鍵盤族有救】Laptop電腦架托得高 放iPad / iPhone一家團聚

用慣Laptop手提電腦嘅,10個有9個都有不良坐姿,頸梗膊痛是常識。聽講話買個好嘅電腦架可以幫到手,啱啱喺網上就見倒呢個架,Kickstarter集緊資,好大膽聲稱自己係全球最好嘅laptop stand,個架夠高身,用者可以水平線望住個芒,可以改善不良坐姿,另外中間仲可以放埋部iPad,低下又有個座可以放iPhone,電腦就只限MacBook,用咗佢一家三口終於可以團聚。呢個架有3隻色揀,賣美金$35,唔算貴,佢亦可以摺合然後放喺專用袋度方便攜帶,有無人想帶埋個架去Starbucks呢?

Read more ›
【有片】冰火你部玫瑰金 凍爆辣著iPhone6S
by / on 27/09/2015 at 12:22 pm

【有片】冰火你部玫瑰金 凍爆辣著iPhone6S

又嚟啦,每逢iPhone有新機,當你嗰部未到手嘅時候,總有人喺你面前整爛佢俾你睇。今次照慣例,首先用「Liquid Nitrogen」超低溫凍一凍佢,之後就搵個大搥扑落去,爽!另一邊,就用「Rose Gold Thermite」鋁熱法熱爆佢,嘩玫瑰金好靚呀!

Read more ›

【自拍新招】自拍神器連匙羹 邊食邊自拍
by / on 24/09/2015 at 7:12 am

【自拍新招】自拍神器連匙羹 邊食邊自拍

自拍又有新招,嗱大家食嘢嘅時候都慣咗順手影相放上網,咁如果一個人食嘢,又想自拍埋點算?呢支連埋匙羹嘅自拍神器就係針對呢種情況,就好似一支超長嘅匙羹咁,用咗佢,可以一邊食嘢一邊自拍,支神器可以延伸到30吋,仲有埋remote控制,不過支棍咁突出,拎出嚟實比人笑,唔知遲啲餐廳會唔會禁呢?BTW,最恐怖嘅係呢支神器暫時已經售罄‥‥‥

Read more ›
【堅型】點解又係得iPhone 《Evangelion》TV版20周年記念機殼
by / on 16/09/2015 at 4:53 pm

【堅型】點解又係得iPhone 《Evangelion》TV版20周年記念機殼

條題講咗啦,如果我係用iPhone,我就唔會問呢個問題。呢3款「CORESUIT ARMOR x EVANGELION」嘅電話殼,係《新世紀エヴァンゲリオン》TV版20周年記念產品,賣9,800円,但真係幾有型,只限iPhone6、iPhone6S。

Read more ›
Apple Store開心時刻相集 薯仔扮iPhone驢仔誤闖
by / on 12/09/2015 at 2:11 pm

Apple Store開心時刻相集 薯仔扮iPhone驢仔誤闖

準備就緒!今日應該好多人狂上Apple網站撳F5訂機啦,等或者炆嘅途中,都仲有啲同蘋果有關嘅無聊嘢比大家睇吓開心吓。外國網就搜羅咗好多喺Apple Shop發生過嘅搞笑相比大家睇,例如有人放咗隻薯仔喺iPhone5s嗰display架上面;有人拖咗隻驢仔行Apple Shop;有人改晒成間舖嘅wallpaper做驚嚇相,仲有好多人試完機唔記得Log out自己嘅Facebook或者iMessage比人睇晒啲嘢‥‥‥

Read more ›
【有片】超強《Pokémon》電話遊戲 真實地圖戴表捉精靈
by / on 10/09/2015 at 3:18 pm

【有片】超強《Pokémon》電話遊戲 真實地圖戴表捉精靈

    嘩勁!雖然條宣傳片誇張咗,但都真係勁嘅。仲記唔記得早兩年Google Map喺愚人節玩過真實地圖捉小精靈遊戲?今次概念差唔多,不過更勁!日本直播活動中,任天堂宣佈會推出呢隻《Pokémon Go》電話遊戲,利用真實地圖,喺真實世界捕捉小精靈,而且仲可以同其他玩家對戰、合作、交換,而且仲會有隻好似手表咁嘅「Pokémon Go Plus」,同電話連動,掉精靈球出去捉精靈,亦都可以俾小朋友連接父母嘅電話嚟親子樂!據講遊戲喺兩年前已經開始由「Niantic」開發,己故前社長「岩田聡」都有份參與!遊戲會喺2016年推出,支援Android、iOS,到時會唔會再掀起寵物小精靈熱潮先?

Read more ›
【神奇的大自然】iPhone突然響     螞蟻轉方向圍手機瘋狂轉
by / on 05/09/2015 at 1:26 pm

【神奇的大自然】iPhone突然響 螞蟻轉方向圍手機瘋狂轉

呢條螞蟻片呢兩日好多人討論,已經過咗百萬點擊,片中見到有好多螞蟻喺部iPhone附近行,突然電話響,班螞蟻竟然好齊整咁一齊逆時針不停轉圈行(除咗有一隻好反叛嘅),網友覺得勁神奇,有專家話因為來電時嘅電磁波,影響到螞蟻觸角感測方向嘅磁力,所以令佢哋不停轉圈,另外又有專家話因為來電時手機嘅震動力,令螞蟻跟開同伴行嘅路線圖突然大亂,仲有科技專家突破盲腸,話估計條片係假嘅!其實可能佢驚緊老細打嚟,唔知聽唔聽好唧。

Read more ›

【睇見肚餓】超像真 「宇都宮餃子」iPhone殼/座
by / on 27/08/2015 at 11:28 am

【睇見肚餓】超像真 「宇都宮餃子」iPhone殼/座

又到食飯時間,呢幾件餃子,由其咬咗一啖嗰件,像真度令人睇見肚餓嗰隻。日本食物機殼都好多,今次係由嚟自「餃子の町」嘅「宇都宮餃子」,除咗iPhone6、iPhone6 Plus用嘅機殼外,仲有餃子連碟汁同筷子嘅機座,又係幾可亂真,超勁!各9,800円,唔掂,我要開飯喇。

Read more ›
【有片】懷舊拍片app iPhone扮VHS錄影帶
by / on 26/08/2015 at 8:05 pm

【有片】懷舊拍片app iPhone扮VHS錄影帶

有冇人經歷過VHS錄影帶年代?當年錄電視節目,又或者租帶服務,有冇好多回憶?我記得嗰陣想睇日本動畫都要租帶先睇到……講番個app,名為「VHS Camcoder」,就係裝咗之後,你就可以揀拍片效果,搞到好似陳年VHS咁,你睇呢張截圖幾咁詭異,好似用舊嘅攝錄機拍嘅片,但入面嗰部係PS4喎……入嚟有片睇效果,暫時只得iPhone用到,要錢嘅。

Read more ›
【概念圖】iPhone 6變摺機 主打日本市場掂唔掂?
by / on 17/08/2015 at 7:12 am

【概念圖】iPhone 6變摺機 主打日本市場掂唔掂?

有無人用過摺機?好多人應該好懷念,起碼唔駛一有message彈出就比人睇到晒,個芒又無咁易花喎,部機跌落地仲唔會咁易爆芒添。日本人喺用iPhone前嘅電話主要都係有蓋款,不過自從iPhone喺當地普及化之後,越嚟越少人用摺機,最近有位設計師Martin Hajek就諗咗呢款專為日本市場而設嘅摺機iPhone6,上下兩個芒,打字睇嘢嘅位更大,如果可以造到再薄身啲其實都幾正。BTW,照常規9月就會有iPhone 6S嘅消息公佈,摺機?應該好微嘞。

Read more ›
【有片】超強iPhone拍片裝置 懷舊外型可換鏡頭
by / on 12/08/2015 at 8:35 pm

【有片】超強iPhone拍片裝置 懷舊外型可換鏡頭

好多人都會用電話拍片,但拍到咁Pro,原來大家都做得到,首先你要有一部iPhone6(將支援即將公佈嘅新型號),之後喺Kickstarter買埋呢部「Lumenati CS1」(o依家199美元,2016年2月出貨)。咁將部電話插入去,就可以變成一部攝錄機。裝埋個app,可以用觸控屏幕對焦,仲可以換鏡頭,仲可以加燈插mic,仲有觀景器,最緊要,型嘛。

Read more ›