硬件資訊

藍芽一對三Keyboard     玩Whatsapp快恨準
by / on 05/01/2014 at 3:19 pm

藍芽一對三Keyboard 玩Whatsapp快恨準

踏入2014年,我最想買比自己嘅電腦配件,就係呢個一配三嘅藍芽Keyboard,由Kanex推出,專為蘋果粉而設,可以同時間駁電腦、手機同埋iPad三個裝置。用PC上網途中,有人Whatsapp我,喺Keyboard撳個掣,就可以轉去操控手機,用Keyboard打字回覆,快狠準!專頭仲可以轉去iPad同德州撲克班friend傾計,用Keyboard打字喎,肯定無人夠我快!最重要係佢個樣夠靚仔,賣港幣4百蚊我真心覺得唔貴。

Read more ›

罰抄校規救星 原子筆仿手寫打印機
by / on 04/01/2014 at 1:52 pm

罰抄校規救星 原子筆仿手寫打印機

呢件嘢真係遲出咗十年呀!!! 點解我讀書年代冇呢!? 由日本MAX株式會社出嘅呢部BL-80真係好離奇, 竟然好好哋有墨匣唔用, 要用原子筆做Print Out! 嘩! 只要你輪入文字同圖案, 佢就會幫你「寫」出嚟, 佢唔單止係罰抄校規嘅利器, 而且仲係醜字王嘅救星! 點解我當年結婚寫帖面時冇佢!? 點解當年默書0分時冇佢幫我簽老竇個名!? 價錢係86,000円! 唔想俾人打欏柚, 原來都要好大成本架!

Read more ›
iFingerLock指紋鎖頭 iPhone 5s咁高科技!?
by / on 01/01/2014 at 2:02 pm

iFingerLock指紋鎖頭 iPhone 5s咁高科技!?

其實……我一早就覺得指紋鎖唔係乜嘢高科技產物, 依家連普通鎖頭都玩埋喇—iFingerLock! 功能就係你睇咁簡單, 用手指喺Scan位掃幾吓, 佢就可以開鎖; 佢話可以免除一啲大頭蝦, 成日唔見鎖匙嘅麻煩, 建議用途喺去GYM、泳池一類公眾Locker時使用; 佢仲機仲有一隻mini USB手指, 佢可以喺你「冇咗隻真手指」時, 幫你做後備開鎖; 據知iFingerLock 可以記錄10隻手指紋, 冇人叫你SET晒自己10隻手指落去咁笨, 可以記埋其他屋企人, 咁咪個個都可以借嚟用囉, 價錢係好貴嘅74.99美金, 嚇鬼咩!

Read more ›
有片  男士如廁有嘢玩    邊屙邊幫公仔減磅
by / on 27/12/2013 at 10:37 am

有片 男士如廁有嘢玩 邊屙邊幫公仔減磅

男士如廁係咪真係悶得咁交關?所以經常有古靈精怪嘅廁所設計應運而生。今次呢個尿兜,表面有一粒粒金屬狀嘅探測器,每當有水流動感應到探測器時,上面顯示嘅公仔就會由肥變瘦逐漸減磅,好唔好玩見仁見智啦,不過可以肯定係嚟自印度嘅設計師Mani,應該對如廁呢項活動感覺到好沉悶,或者佢有一個成日唔願去廁所嘅囝囝。

Read more ›
做個高科技媽咪   瞓前講故仔玩AR
by / on 24/12/2013 at 7:09 am

做個高科技媽咪 瞓前講故仔玩AR

睇電視見啲媽咪成日講故事氹小朋友瞓,不過身處喺iPad多過故事書嘅年代,所有嘢都要轉變吓。例如最近推出嘅TexTales企劃,將講故事透過平板電腦同AR擴增實景結合,一邊睇住個芒講故仔,一邊見倒故事人物或者情景出現喺眼前,只需要下載個app就玩倒,怕只怕小朋友睇慣啲高科技嘢,第時要佢坐定定溫書都好難。TexTales喺kickstarter集資中,E世代父母可以去奉獻吓。

Read more ›
無痛做國畫大師 X光水墨畫
by / on 24/12/2013 at 12:02 am

無痛做國畫大師 X光水墨畫

  中國嘅水墨畫, 真係唔係人咁品, 想畫得好真係好講你天份, 因為每一幅都好講意境! 不過荷蘭有個么頭諗到個偷天換日嘅方法, 就係用X光畫畫; 方法好簡單, 先將你想畫嘅動物花草, 砌出一個場景, 之後用X光照一照, 係!真係好殘忍, 你話如果照出嚟效果, 唔係你心想嘅圖像, 又即時要人哋補多幾張……我只可以講句醫者父母心, 你唔係「醫生」都唔幫呀!?

Read more ›

有片   世界級機械人大戰    冠軍捧走1500萬
by / on 22/12/2013 at 6:37 pm

有片 世界級機械人大戰 冠軍捧走1500萬

今時今日機械人都唔易做,外國有個叫叫DARPA嘅機械人大賽啱啱喺20至21號舉行完初賽,比賽集合咗全世界17隻精英機械人,參賽嘅機械人要通過8項考驗,包括爬樓梯、揸車、開門等等。決賽會喺2014年舉行,勝出者可以捧走200萬美金嘅禮品,即係大拿拿1500萬港幣!難怪佢哋擒高擒底無怨言,我都想扮機械人參賽呀!初賽最後由重209磅嚟自日本嘅SCHAFT勝出,入嚟有片睇佢嘅賽前練習片,比心機呀SCHAFT,發咗達唔駛做呀!

Read more ›
SONY孖頭手指 micro USB+USB插手機/平板/電腦
by / on 22/12/2013 at 12:07 pm

SONY孖頭手指 micro USB+USB插手機/平板/電腦

一見到呢件嘢我就好鍾意! 無他! 實用, 香港SONY公佈會喺聽日推出全新USB記憶體USM-SA1, 最與別不同處, 係佢同時有齊micro USB同USB埠, 簡單講, 大嗰邊可以正常插電腦, 細嗰邊頭, 就可以直插Android手機、平板, 有咗佢, 兩邊交換檔案真係舒服晒!

Read more ›
新片速報   真唔真?狗狗讀心術即時譯英文
by / on 20/12/2013 at 12:09 pm

新片速報 真唔真?狗狗讀心術即時譯英文

有無幻想過自己屋企隻狗狗識講嘢?細蚊仔嘅時候我有諗過,大個咗就覺得無可能。點知剛剛喺外國網Indigogo見倒呢個集緊資嘅新發明,叫No More Woof,可以將狗狗腦入面諗緊嘅嘢轉化成語言,不過暫時只得英文,硬生生將佢變咗西狗。另外要用呢個科技,狗狗就要戴晒成套耳機,好沉重。不過我最怕係原來翻譯結果係隻狗狗經常鬧我或者嫌我煩,我會好傷心唔想帶佢散步。仲有,其實譯錯咗我都未必知,好吊詭。

Read more ›
新片速報   大熱PS靚女再進化    變鬆弛聖誕老人
by / on 19/12/2013 at 7:21 am

新片速報 大熱PS靚女再進化 變鬆弛聖誕老人

呢位「靚女」大家可能都見過,10月份喺網絡上「驚」為天人,因為有片見倒佢PS前後嘅演變過程,咁好睇嘅嘢大家點會咁易淡忘?趁住聖誕節,外國嘅Creative Agency「Victors & Spoils」就惡搞咗個聖誕老人版,將靚女還原,吖唔係,係進化成聖誕老人,大肚腩、鬆弛臉再加一頭白髮,PS功力唔輸蝕得過當初嘅雜誌改造版本。不過聖誕老人個禮物袋呢?

Read more ›
LG新21:9大芒 34″玩大啲
by / on 17/12/2013 at 1:48 pm

LG新21:9大芒 34″玩大啲

    韓國LG發佈, 又有新21:9新芒報到! 哎! 好想買, 但呢類機價位好貴, 都係得個恨字! 今次仲要搵嚟LG譽用呢位長腿姐姐做Model, 出埋色誘術, 真係非常打得少!

Read more ›

韓製田園風味BarBone PC 玩入榫素組
by / on 15/12/2013 at 6:00 pm

韓製田園風味BarBone PC 玩入榫素組

  BarBone PC都真係見過唔少, 不過呢件真係非常養眼! 搞到我心養養、想買返部嚟玩吓; 佢係由韓國ripple出嘅Wooden DIY, 最與別不同處, 係佢要好似模型一樣, 要你郁手砌佢先有得用!

Read more ›
新片速報  Lego砌經典Mac機玩touch screen
by / on 13/12/2013 at 10:27 am

新片速報 Lego砌經典Mac機玩touch screen

1984年嘅經典Mac機經常比人拎出嚟重溫,最近設計師Jason Kinsella同埋Charlotte Bakken為咗表達佢哋對Lego同埋Apple嘅愛,決定用Lego砌返部經典Mac機出嚟,仲拍埋30秒stop motion短片放上網,最尾個芒仲好似可以touch screen…..

Read more ›
神奇廣告牌    指示飛機目的地
by / on 24/11/2013 at 3:00 pm

神奇廣告牌 指示飛機目的地

以前啟德舊機場經常有飛機喺頭頂飛過,而家就要入到赤鱲角先有飛機睇,每次我都好想知頭頂架飛機會飛去邊。最近英國航空針對大家嘅好奇心,喺Chiswick地區嘅公路整咗塊大型廣告牌,每當有飛機飛過,就會有細路行出嚟指住個天空,話你知架機飛去邊。係咪好神奇?原來用嘅係傳統方法,檢查航班飛行紀錄再喺廣告牌播出,不過睇嘅人就會覺得好神奇。BTW,就算佢講錯,其實都無人可以求證倒,我係咪好陰謀論?

Read more ›
【有預告片】買Router/Android播放器 送《掃毒》戲飛
by / on 16/11/2013 at 9:59 am

【有預告片】買Router/Android播放器 送《掃毒》戲飛

    嚟緊又有好戲睇! 就係由劉青雲、古天樂、張家輝合演嘅《掃毒》! 仲有陳木勝做導演, 12月5號上畫今次真係超火爆! 睇預告片, 槍戰、撞車場面幾得, 大毒梟仲要由盧海鵬做, 全部好戲之人, 套戲應該冇得輸, 另外腦場收到風, 買由Shooting迅靈科技出嘅三款產品— 10moons D6智能高清網絡播放器($899)、Tenda W1800R 11AC 1750M雙頻千兆無線路由器($898)、Tenda F452 450M千兆無線路由器($430), 就馬上送你換戲卷兩張($150), 我知唔太合符經濟原則, 不過如果買開嘢, 又咁啱啱使, 得個知咁啦!

Read more ›