硬件資訊

紙箱人「DANBOARD USB HUB」 可以同山口式合體
by / on 21/08/2014 at 5:14 pm

紙箱人「DANBOARD USB HUB」 可以同山口式合體

紙箱人又出新嘢,今次係USB Hub,對應USB2.0/1.1,Windows・Mac・Android都用得到,不過講到最好玩,係可以裝個頭落山口式紙箱人度玩插住嚟用。產品8月26日推出,參考價格2,200円。BTW,個Mouse幾靚喎。

Read more ›

3D印刷造福狗狗    特製輪椅度身訂造
by / on 15/08/2014 at 7:07 am

3D印刷造福狗狗 特製輪椅度身訂造

3D印刷可以印人樣figure、槍械甚至食物,不過我最欣賞係今次嘅製成品 ─ 狗狗輪椅!由3dyn公司嘅Mark Deadrick設計,專為一隻天生少咗一對前腿嘅芝娃娃Turbo.Roo度身訂造,而且只係根據狗狗嘅相片,再用4小時完成設計,完成品直接寄去比狗狗,今次呢架已經係第三代設計,越嚟越好用。睇相見倒Turbo.Roo用得好開心,有咗佢可以自由自在行嚟行去,呢個3D製成品抵讚!

Read more ›
Surface Pro 3 最平$6,288有得玩
by / on 28/06/2014 at 9:12 pm

Surface Pro 3 最平$6,288有得玩

  香港咪記話, Surface Pro 3好快會登陸香港! 佢講就勁喇! 自2012年10月推出, Surface全球營業額已超過13億美元! 今次呢部Pro 3強玩鎂金屬機身, 行Windows 8.1 Pro, 據知機身尺寸方面, 12吋顯示屏幕嘅Surface Pro 3, 仲要比11吋MacBook Air纖薄30%。機身規格仲會有i3、i5、i7多個不同版本, 最平入門價係$6,288……其實我想問咪記一句, 可唔可以裝返XP呀!? WIN 7都好吖! 我係真心架!

Read more ›
新片速報 Hi你的iPad 專用機套高性能
by / on 27/06/2014 at 11:43 pm

新片速報 Hi你的iPad 專用機套高性能

嗱,之前都出過啲男、女雙方嘅性玩具,等情侶們可以隔空親熱,但呢個呢……我唔知點講,原始得嚟又好科幻,Lo-tech得嚟又好突破……佢本身係一個iPad套,但係套中有套,可以俾你加多一支玩具喺裏面,之後你就可以……但我想問,如果郁緊,點睇?呢個「Fleshlight Launchpad」賣$25美元,你終於可以X你部iPad喇……

Read more ›
槍王版Mouse 手感重量全Custom
by / on 20/06/2014 at 7:31 pm

槍王版Mouse 手感重量全Custom

  一個字! Pro! 價值6,450円嘅 ZM-GM4滑鼠, 將會6月下旬日本推出, 長闊高深可以自由調配, 呢啲就梗啦! 最重要係中間一個透明圓鏡位, 唔係傻到玩準星咁離譜, 打開之後, 可以自由調6個3.5g小法碼, 等你自定Mouse, 老實! 我試過, 彈弓好似差兩磅。

Read more ›
Keyboard杯墊平衡心理   唔怕倒瀉水
by / on 10/06/2014 at 8:17 am

Keyboard杯墊平衡心理 唔怕倒瀉水

平日喺書枱前用keyboard打稿,最怕就係杯嘢飲唔覺意倒瀉落個keybaord度,無論點抹都救唔返,即倒即報銷。所以呢個keyboard杯墊用起上嚟令人感覺特別爽。無論杯嘢幾凍都好,甚至唔小心倒瀉都好,都唔駛再心驚膽跳。佢有一式四款任揀,四款keyboard駁埋一齊就係一個完整嘅長形keyboard,有齊黑白兩色任揀,有隔熱功能,台灣書網博客來有得買,開價台幣$299。

Read more ›

新片速報 2日280萬Views 當細路遇上舊電腦
by / on 27/05/2014 at 9:13 am

新片速報 2日280萬Views 當細路遇上舊電腦

之前試過Walkman,今次玩大啲,係70年代嘅Apple電腦!o依家啲細路玩iPad玩iPhone,未見過呢啲綠色Mon嘅電腦,佢哋見到會有咩反應?呢條片放咗上網兩日就有接近280萬個Views,睇嚟勾起大家回憶之餘,我哋都好想知啲細路會點?

Read more ›
慳位之王 日本PC枱連機箱 收訂價唔平
by / on 23/05/2014 at 4:54 pm

慳位之王 日本PC枱連機箱 收訂價唔平

其實呢個設計真係相當唔錯。之前都見過有網友自製,不過o依家日本就有舖頭有得訂,就係將PC收埋喺張枱入面,而且枱面仲要係透明,好浪漫呀!唔同規格由140,000円至180,000円不等,香港人想買?不如自己訂造砌機啦,有得諗喎!

Read more ›
爆漿MEGA版紅星 日本限量500 /買PIXUS墨匣有得抽
by / on 22/05/2014 at 1:20 pm

爆漿MEGA版紅星 日本限量500 /買PIXUS墨匣有得抽

有日版同港版擺埋一齊時, 你會點揀? 冇錯! 必買日版! 除咗會靚啲之外, 最重要係好多時港版會少咁啲嘢, 好似舊年日本PIXUS GUNDAM PROMO, 日本買打印機可以PRINT 1:1紅彗星, 但港版……今次日本嗰邊再嚟多嘢, 就係買PIXUS嘅墨匣, 可以玩大抽獎, 獎品係限量500隻嘅1/48 MS-06S ZAKU II CANON PIXUS CUSTOM, 我知只係一隻MEGA GRADE嘅模型

Read more ›
LEGO神人新作   Apple II電腦網上預訂
by / on 13/05/2014 at 7:05 am

LEGO神人新作 Apple II電腦網上預訂

LEGO神人Chris McVeigh乜都識砌,最鐘意砌懷舊電子產品,好似之前砌嘅NES有得入帶好過癮。不過佢最鐘意都係砌蘋果系列電腦,最近佢又有新作,砌咗呢部超懷舊嘅Apple II電腦,蘋果迷應該好想擁有。畫面上嘅半圓柱畫面用CustomBricks造,機背仲有個扮電線嘅細緻位,好有心思。想買返台可以上Chris嘅網站預訂,開價美金$89.5。而我最欣賞係佢嘅網站教埋大家點樣用自己嘅LEGO砌佢嘅作品,極詳細真係可以step by step跟住砌,好明顯佢係為興趣唔係單純為錢,Like!

Read more ›
新片速報  母親節Google Glass短片   感動到喊
by / on 10/05/2014 at 12:24 pm

新片速報 母親節Google Glass短片 感動到喊

母親節聽日就到,Google Glass就拍咗條好正嘅短片,推介大家一睇。全程用Google Glass嘅主觀鏡頭拍,影片一開首見倒有個後生女交咗個公文袋比主角,之後主角就由美國攀山涉水開始佢嘅長途旅程去到印度。由上飛機到同駱駝一齊搭車,再搭人力車,終於去到目的地。當呢位印度媽媽打開個公文袋之後,感動到喊咗出嚟。我唔劇睇,想知佢份文份係乜可以自己入去睇。BTW,呢條名為Seeds嘅短片由Aneesh Chaganty製作,Google Glass趁母親節用一個婉轉方法自我宣傳,幾有心思。

Read more ›

小米1TB路由器 $999報警殺到
by / on 29/04/2014 at 12:50 pm

小米1TB路由器 $999報警殺到

  上個星期先喺網上發佈嘅小米路由器到咗! 內置1TB硬碟, 仲要行埋ac1200高傳輸速度(2.5GHz/300Mbps+5GHz/866Mbps), 機身內置1GHz雙核心處理器, 聽腦場Sales講, 一定要係TOP MODEL先會有咁嘅配置, 因為對應一啲4K或大容量影片, 先至會播得穩定啲, 好明顯係為下一代4K小米盒子舖好條路。

Read more ›
【有片】以色列新開發納米電池 30秒內叉滿S4
by / on 09/04/2014 at 1:21 pm

【有片】以色列新開發納米電池 30秒內叉滿S4

  手機、相機、平板、閃光燈……樣樣都要叉電, 插完都未完事, 之後仲要得閒睇吓佢幾時叉滿, 費事佢叉耐咗、會好快死電! 以色列有間叫STORE DOT嘅公司, 發明咗一款非常強橫嘅電池, 可以在30秒內叉滿一部GALAXY S4!!! 唔止有相, 全程仲有YouTube片放上網!

Read more ›
Amazon Dash 嘟一嘟Barcode即刻買!
by / on 07/04/2014 at 5:26 pm

Amazon Dash 嘟一嘟Barcode即刻買!

網上購物, 可以話係依家兵家必爭地, 好多公司己經開始喺香港又出信用卡, 又話可以當真錢使……云云! 不過講到實用性, Amazon新推出呢個Amazon Dash好似幾好使, 佢簡單只係一支掍仔, 不過功能好強大, 譬如你買開一隻牌子罐裝奶粉, 只要你用呢支Amazon Dash嘅機頭Barcode scanner嘟一嘟, 就會自動將同一款產品Add落你嘅購物籃度, 之後你用手機、Tablet或電腦上網, 一打開自己個Account, 就會見到呢件訂貨喺你購物籃度, 只要你再按確定, 佢哋就會馬上送貨!

Read more ›
腦場級CAM仔連手指 強玩指紋加密
by / on 07/04/2014 at 2:10 pm

腦場級CAM仔連手指 強玩指紋加密

  世界好危險, 如果你影張相、拍段片都驚人偷嘅話, 真係要識吓日本Thanko出嘅finger authentication mini camera, 佢個賣相同好多腦場CAM仔差唔多(係連芒都冇嗰隻), 不過最不同處, 係所有片相過電腦時, 一定要經佢機身個指紋認證先可以開到嚟睇, 所以你拍嘅私密相會非常安全, 你話如果當年阿邊個邊個有呢部機……

Read more ›