硬件資訊

新片速報   失去雙臂40年重燃希望    高科技義肢靠大腦控制
by / on 22/12/2014 at 7:17 am

新片速報 失去雙臂40年重燃希望 高科技義肢靠大腦控制

好勁!每日都報導唔少科技新聞,但睇倒呢類講科技點樣幫助傷殘人士或者動物嘅報導時,心情特別振奮。呢位叫Les Baugh嘅男士,因為一場工業意外失去咗雙臂40年,最近APL嘅醫護人員為佢度身訂造咗一對義肢,而兩隻義肢完任植入佢嘅身體入面,連接住佢嘅神經系統,換句話說,當事人只需要靠想像力,就可以控制雙臂,好高科技。醫護人員仲大讚阿Baugh學得快,喺短短10日已經可以學識複雜嘅動作,仲可以同時控制左右手,入嚟有片睇,好熱血。

Read more ›

紙箱人USB線      雙眼發紅光      950円有交易
by / on 21/12/2014 at 1:40 pm

紙箱人USB線 雙眼發紅光 950円有交易

紙箱人叉電器之前好多人都搶過,出埋變種版仲有咩可以出?USB線囉!今次呢條紙箱人USB線講真我有啲興趣,因為插頭位有紙箱人嘜頭,插住電之後雙眼仲識發光,用返之前叉電器嗰條橋,而且通電時對眼仲會發紅光,嚇死人!有齊10厘米、25厘米、50厘米、100厘米同埋180厘米總共5種呎吋,點用都得。950円起,日本amazon有得買。

Read more ›
新片速報   百度出智能單車    追踪心跳app內置導航燈
by / on 02/12/2014 at 7:27 am

新片速報 百度出智能單車 追踪心跳app內置導航燈

中國嘅百度近年好積極出電子產品,之前有勁似Google Eyes嘅百度眼Baidu Eye,最新有呢架智能單車Dubike。同北京清華大學合作研發,最吸引係可以用車頭嘅導航燈指示路向,唔駛吓吓拎部手機出嚟。另外可以利用內置感應器追踪心跳率、速度、座壓、踏壓,再作出健康指導,仲有一定唔少得嘅定位追踪防偷車,據講年底會喺大陸推出。

Read more ›
鍵盤戰士變張家輝     打字定打沙包?
by / on 25/11/2014 at 7:06 am

鍵盤戰士變張家輝 打字定打沙包?

藝術啲嘢都幾難明,例如好地地一個Keyboard,歐洲設計公司Bless就將每粒keyboard掣拆開變成一個個沙包,仲要放喺唔同角落,想打字就要打沙包,仲要逐個打,比平時花多10倍運動量,時間方面就無講,我諗肯定超過10倍。呢個叫Punching Bag嘅電腦配件而家喺伊斯坦堡展覽緊,用咗佢,鍵盤戰士都變張家輝。 

Read more ›
蘋果老爺機變傢俬   品味生活DIY
by / on 25/10/2014 at 9:08 pm

蘋果老爺機變傢俬 品味生活DIY

Apple嘅老爺機應該好多人唔捨得掉,點知第時會唔會升價百倍o架?外國設計師Klaus Geiger就物盡其用,將佢哋改裝成傢俬,例如將兩部03年出品嘅Power Mac G5,中間加塊木板或者喺面層加塊玻璃當枱用,又可以改裝成櫃筒。呢個傢俬系列叫BENCHMA(R)C,屋企有大量舊蘋果又唔知點算好嘅果迷可以參考吓,自己DIY整返件。

Read more ›
有片   狼牙棒仙人掌雪條   3D印刷搵人食
by / on 24/10/2014 at 8:00 am

有片 狼牙棒仙人掌雪條 3D印刷搵人食

3D印刷大神無所不能,最近就有設計師Wei Li 玩嘢整啲古靈精怪嘅雪條出嚟。佢哋先用3D印刷整咗個模出嚟,啲模根據返人類先天性恐懼嘅形狀,例如仙人掌呀、地雷呀、狼牙棒呀之類,然後再用個倒模整啲七彩顏色嘅支怪雪條比人試食,見到一支支尖刺嘅雪條,你敢唔敢放入口?我敢呀,仲想試晒咁多隻味O忝!

Read more ›

iMac升級上 5K $18,888香港即刻有得賣
by / on 17/10/2014 at 8:00 am

iMac升級上 5K $18,888香港即刻有得賣

  iMac都有新機, 呢邊就吸引啲喇! 27” 5K Display喎! 解像度去到5120×2880, 好寸咁話Pixel比4K高67%, 而且EDIT 4K片時, 就算開埋Tools介面喺側邊, 都可以作完整4K 預覽顯示

Read more ›
蘋果第一代底板炒味濃    拍賣價達300萬
by / on 10/10/2014 at 7:42 am

蘋果第一代底板炒味濃 拍賣價達300萬

iPhone 6炒價越跌越低,大家都係留返嚟自用好過。外國拍賣行Bonhams嚟緊將會拍賣嘅呢件蘋果產品就唔同,呢塊蘋果第一代電腦嘅底板,今個月22號會拍賣,估計價位可以去到美金40萬,即係港幣300萬左右!足足係佢原價(美金$666.66)嘅600倍!原因之一係佢係世上僅存15件仲可以行得郁得嘅收藏品之一,據講係Steve Wozniak喺蘋果教主Steve Jobs嘅屋企搵倒嘅,炒家飛過去入手啦。

Read more ›
3D打印James Harden 有鬚冇鬚USB手指
by / on 03/10/2014 at 12:46 pm

3D打印James Harden 有鬚冇鬚USB手指

  3D打印機真係無限可能, 我一直想用佢Print Figure, 不過唔多試畫3D圖像, 所以一直得個諗字; 不過網上有人諗到用佢嚟做USB手指, 仲要係整到好似James Harden咁嘅樣; 至於亮點係佢一把大鬍子, 一掹佢落嚟, 成個靚仔晒之餘, 仲會露出個USB插頭……其實我都係蠟筆小新FANS, 一掹! YEAH!

Read more ›
一把梳做MOUSE 好散熱冇手汗
by / on 03/10/2014 at 10:46 am

一把梳做MOUSE 好散熱冇手汗

  有冇用過朋友部電腦, 但當你一攞起隻MOUSE, 就發現全隻濕笠笠呢? 我嘅朋友經常咁話我隻MOUSE, 真係用吸濕大笨象都冇用! 如果你同我一樣手汗勁到冇朋友, 可以諗吓韓國仔Jang WooSeok發明嘅呢隻Brush Mouse, 佢話概念來自一把梳, 偷空設計可以減少接觸點之餘, 仲有氣動散熱功能……其實如果加多把USB風扇, 我覺得會用得仲爽。

Read more ›
香港咪記展示Win 10 有開始掣/四方仔植入
by / on 01/10/2014 at 5:56 pm

香港咪記展示Win 10 有開始掣/四方仔植入

所以話民意不可輕蔑, Win 8大家有冇用? 我最後買返部Win 7嘅桌面電腦做返原始人算數! 香港咪記剛喺香港展示新一代Win 10系統, 睇到最大優化係有返個開始掣, 再嚟係嗰啲一格格去咗開始menu度, 似係人用好多, 跟住係幾鍾意佢個優化程式檢視, 視窗會自動彈為半個芒咁大、1/4個芒咁大, 睇暫時操作, 好似可以fd返喎, 不過我部Win 8有冇得無贘升級上去先?

Read more ›

Apple Watch聯乘時裝品牌    LV/ CHANEL有得炒
by / on 22/09/2014 at 7:14 am

Apple Watch聯乘時裝品牌 LV/ CHANEL有得炒

當所有人都傾緊iPhone 6先達回收價幾多,仲收唔收貨之類嘅話題時,住喺香港嘅設計師Flnz Lo就玩吓Apple Watch。好多人認為Apple Watch今次先係蘋果嘅重頭戲,可惜作為潮人可能會嫌佢個款太平實,Finz就幻想出Apple Watch同幾個時裝品牌例如LV、CHANEL合作聯乘嘅新面貌,有啲浮誇,有啲靚過本身Apple Watch,如果係真,應該會再次吸引大批炒客。         網站:http://archive.flnz.tv/

Read more ›
新片速報   3D印刷Iron Man機械手   協助無手小朋友
by / on 13/09/2014 at 12:49 pm

新片速報 3D印刷Iron Man機械手 協助無手小朋友

呢位夏威夷嘅3歲小男孩Bubba,戴住隻Iron Man機械手超開心!原因係佢天生少咗幾隻手指,透過呢個新裝置,佢可以好似普通小朋友咁有五隻手指活動自如。呢隻Iron Man機械手由非牟利機構E-Nable用3D印刷技術製造出嚟,佢哋之前都整過狼人嘅義肢幫助小朋友,好有意義。本來好貴嘅義肢,而家用3D印刷技術,400蚊港幣左右就製作到,科技改善人類生活,第一次令我由衷欣賞3D印刷呢項新技術。

Read more ›
強國出手   「百度眼」明挑Google Glass機
by / on 06/09/2014 at 7:25 am

強國出手 「百度眼」明挑Google Glass機

出手喇!Google有Google Glass智能眼鏡,強國都有百度眼Baidu Eye!內地搜尋網「百度」最近宣佈推出呢件新科技產品,全球關注,首先令人即時聯想起Google Glass,不過百度眼就無鏡片,而且係後戴式掛喺後腦。暫時價格未定,預計半年後上市。最勁功能係號稱可以隔空辨物,例如見到對面街個女仔,望住佢件衫伸手凌空畫個圈,就可以分析對方件衫嘅品牌或者得知相關優惠,再喺手機App上顯示,仲有即時導航、影相等功能,最正係想影相要講嘅指令,係「Hi Baidu」,點解唔講國語?我睇唔透。

Read more ›
世上首座3D印刷城堡 屋都可以print?
by / on 29/08/2014 at 7:43 am

世上首座3D印刷城堡 屋都可以print?

3D印刷已經玩到出神入化,不過如果話我知面前嘅城堡都係用3D印刷機印出嚟嘅,真係有啲難接受。由建築師Andrey Rudenko製作,號稱係全球第一座3D印刷城堡,用足四個月時間製作,咁搞法,嚟緊周街啲屋係咪都可以print出嚟?幻覺嚟嘅,嚇我唔倒嘅。

Read more ›