fbpx

Category: 潮玩新聞

【有片】咁樣Cos有氣氛 日本YouTuber發現對面屋係黑球房間

【有片】咁樣Cos有氣氛 日本YouTuber發現對面屋係黑球房間

睇完《GIGANT》,都幾好睇,起碼收尾收得快,冇得拖。不過講到奧浩哉,都係《Gantz》啦,開頭至中段真係好好睇,直到和泉、吸血鬼我都仲覺得好正……講番呢件事,日本呢位隆崎一真連Twitter頭像都係Cos加籐,早前就拍咗條片,話見到對面屋間房入面……都幾有氣氛!如果我哋有緊身衣就好喇。

Read more ›

【有片】超強初音機箱 自轉Figure仲有LCD Mon

【有片】超強初音機箱 自轉Figure仲有LCD Mon

日本有唔少人嘅電腦機箱都好靚,北海道北見市呢間電腦店,最近就應一位客人嘅要求,製作咗呢個初音機箱,有Figure喺入面自轉之餘,仲大個LCD mon!你哋有冇靚機箱?分享吓啦。

Read more ›
【有片】矛盾大對決 絕對想啜手指的喵 vs 絕對想玩PS5的貓奴

【有片】矛盾大對決 絕對想啜手指的喵 vs 絕對想玩PS5的貓奴

有養貓又有打機嘅,應該都會明白,平時可能唔理你,你得閒時佢就瞓覺,但當你打緊機時,佢哋係會千方百計用頭撞你,跳嚟跳去……最後勝出嘅,你明白的。

Read more ›
凍食日本新菜 冰鎮大閘蟹

凍食日本新菜 冰鎮大閘蟹

大閘蟹季節你食咗幾多蟹?肯定仲有quota嘅,可以試試呢間樂Teppanyaki,因為佢推出全港首創的冰鎮醬漬大閘蟹(約8両),日式fusion製法,秘製醬汁密封醬漬,蟹膏、蟹肉除有蟹鮮味仲有醬漬香味。

Read more ›
許景琛《龍虎門Z》第15期 11月12日見街

許景琛《龍虎門Z》第15期 11月12日見街

果然很勤力,許景琛《龍虎門Z》第15期11月12日又見街了,我上個禮拜先出MK買第14期,買完都仲未有時間睇!Anyway,老例,普通版分「正」、「邪」兩款,送人物卡一張,各售$68;特別版A,送一張閃卡同八張人物卡,售$118;特別版B,送3D打印白仇公仔一個、透明膠卡同簽繪包裝盒,售$380。報告完畢,記得買書。

Read more ›
文化保育 癲噹x藍屋迷你小花盆

文化保育 癲噹x藍屋迷你小花盆

係幾靚嘅,細細盆擺喺Office應該好合適。講緊嘅係癲噹聯乘「出走藍屋」推出嘅小花盆,靚靚包裝藍內藏花盆、貓燕麥草種子包、花泥包同土作坊有機花生糖50克,每盒$198。都係啲文化保育同社區活動嘢喇,有心嘅,咪支持吓囉。

Read more ›

咁快手?邱瑞新已完成新書創刊號!

咁快手?邱瑞新已完成新書創刊號!

邱瑞新《火武耀揚》仲有三期完,劇情講到道理哥施回馬槍、火武紮坐館、巨咪同富城現身,下期預告封面仲疑似見到世鋒身影添,主要角色相繼回歸,希望大結局搞得好好睇睇喇。至於之後有無新作,瑞新繼續擠牙膏式講啲唔講啲,不過喺今期第1151期「瑞新週記」肯肯定話:「瑞新全新巨鑄創刊號已經完成!《火武耀揚》大結局之時,正是另一本創新作品的開始!馬拉松的起跑槍聲快將響起喇!」講到咁實就好嘞,創刊號已經畫好,不但唔會甩拖,睇個勢新作仲要無縫緊接完書後即刻出版咁款喎,究竟係乜類型漫畫呢?我萬二分期待。

Read more ›
倒數中!《王小龍傳貳》第37期完結!

倒數中!《王小龍傳貳》第37期完結!

今期第33期《王小龍傳貳》「常公子專欄」咁寫:「天下無不散之筵席,《王小龍傳貳》將會正式在37期完結大結局,現在距離大結局還有四期時間,牛輝和我會盡力做到最好……」雖然我未曾有過棄書念頭,但得罪講,完咗佢都係一件好事來的,明就明唔明就家明。And,好彩地,常公子還透露:「我和牛輝、鄺生,正籌備一套全新作品之中,估計是12月尾或明年1月推出,有進一步消息在此跟大家分享。」雖然題材未知,係咪甚麼前中後左右傳都未知,但有新書出我舉腳贊成,有公仔書睇我就開心架嘞。希望鄺志德可以撚盡十二成功力,做本好書畀大家睇吓啦。

Read more ›
網圖分享:Mirror齊人報到

網圖分享:Mirror齊人報到

終於湊齊十二人了,之前面書朋友仔Lap Yan Cheng畫咗Mirror三子,家陣連Alton、Tiger、Frankie、Jeremy、Ian、Lokman、Jer、Stanley同Anson Kong都畫埋了。我非鏡粉,但都好鍾意睇呢類fan art畫作,越睇得多,亦越搞得清楚Mirror十二人係邊個打邊個了。

Read more ›
真人版《千與千尋》 橋本環奈、上白石萌音新海報

真人版《千與千尋》 橋本環奈、上白石萌音新海報

係真人版,不過唔係電影,係舞台劇。啱啱噚日有記者會,仲有新海報公開。見到橋本環奈、上白石萌音嘅「千尋」造型,其他角色包括有2001年動畫版聲演「湯婆婆」嘅夏木マリ會演出番呢個角色,其餘仲有醍醐虎汰朗、三浦宏規、菅原小春、辻本知彦、咲妃みゆ、妃海風、田口トモロヲ、橋本さとし、朴璐美等,屬東寶創立90周年記念作品,2022年2、3月於帝國劇場世界初公演,之後4月大阪、5月福岡、6月札幌、6・7月名古屋公演。

Read more ›
袁家寶《新著中華英雄》 馬榮成第一時間捧場

袁家寶《新著中華英雄》 馬榮成第一時間捧場

沒辦法,實在係呢排港漫界話題焦點,又係關於袁家寶《新著中華英雄》嘅News。話說創號刊一出,唔只讀者們捧場,連原著創作者馬榮成都有買番本望望,仲喺面書開Post留言:「我40年前的作品《中華英雄》,今天再有同業重新編寫, 我也十分好奇,第一時間購買支持。」得馬Sir加持,斷估點都對銷量有正面影響,加油呀喂。

Read more ›

《新著中華英雄》創刊 配《天星孤星》歌詞回顧華英雄一生

《新著中華英雄》創刊 配《天星孤星》歌詞回顧華英雄一生

隔咗咁多日先出呢個Post,應該唔怕俾人話劇透。撇除嗰個為人詬病唔知點解要二斬一封面,我覺得《新著中華英雄》創刊號係唔錯嘅,尤其鍾意袁家寶用頭幾頁粗略交代華英雄一生,配埋《天星孤星》歌詞,一路睇一路好似有聲飄出嚟咁,昔日美好回憶返晒來。總括嚟講,人物面相細緻、實境算做足、旁白對白恰到好處,劇情推進明快,第一期已經出赤劍,第一期已經斬殺萬老爺,整體感覺係睇得好爽皮嘅,其實老讀者如我咪就係需要呢啲嘢囉,平平實實已經足夠,情懷不會倒退吖嘛。真心Mode,希望呢本公仔書可以成功,企得穩陣腳。袁家寶,加油。

Read more ›
【有片】日本機迷玩《Ring Fit Adventure》 「股間強打」一刻痛入心

【有片】日本機迷玩《Ring Fit Adventure》 「股間強打」一刻痛入心

玩Switch《Ring Fit Adventure》梗係好,做運動健康嘛,諗起新垣結衣都玩,直情有啲興奮添。呢位日本機迷就拍片玩《Ring Fit Adventure》,不過就喺佢做呢個動作玩呢個遊戲時,就發生咗意料之外嘅事……

Read more ›
《新著中華英雄》致敬封面 戇男三年前都玩過

《新著中華英雄》致敬封面 戇男三年前都玩過

《新著中華英雄》個二斬一封面惹來滿城風雨,花生食到飽,飽到直頭覺得有啲膩。又話說,李健良呢個向經典場面致敬嘅封面,原來戇男三年前已經玩過,佢喺面書開Post話:「見到良哥再做一次,我又心郁摷番個起稿出嚟睇吓有冇膽繼續……睇日子原來放低三年了,再睇、都係唔敢動筆,太難了……」太謙虛了,有心唔怕難,不如我哋畀多啲掌聲戇男,鼓勵佢完成埋幅圖好不?

Read more ›
【睇片】《JoJo奇妙冒險》第六部12月開播 幾段新片睇替身設定

【睇片】《JoJo奇妙冒險》第六部12月開播 幾段新片睇替身設定

嚟緊12月1日就會喺Netflix有得睇JoJo第六部STONE OCEAN《ジョジョの奇妙な冒険 ストーンオーシャン》,咁今日Netflix就出咗幾段新片,同時網站亦都更新咗替身設定……唔想劇透,不過呢一部我就真麻麻哋鍾意,唔太想睇多一次某個劇情,等睇啦!

Read more ›