潮玩新聞

米奇老鼠大結合 Bandai X 迪士尼 出超合金
by / on 22/10/2012 at 5:30 pm

米奇老鼠大結合 Bandai X 迪士尼 出超合金

係,呢隻係一隻超合金,叫超合體King Robot Mickey & Friends。唔係強國作品,係官方合作,Bandai X 迪士尼推出嘅變形合體機械人。心口係米奇,手係唐老,腳係高飛,7個角色玩大合體,仲可以有唔同組合,死未?呢隻超合金會喺2013年3月發售,售價12,800円,合體後全高約22cm。如果我送俾女朋友,一定開心死佢啫。

Read more ›

新片速報《Real》X 森永飲品廣告 松山研一 X 戶川清春 夢幻合演
by / on 22/10/2012 at 5:14 pm

新片速報《Real》X 森永飲品廣告 松山研一 X 戶川清春 夢幻合演

呢條片上星期已經喺日本見街,後知後覺我都超級興奮,因為係井上雄彥嘅《Real》呀!呢段係《Real》 X 森永製菓ウイダーin飲品嘅廣告,雖然唔係《Slam Dunk》,但一樣超熱血!松山研一穿過一幅又一幅《Real》嘅漫畫圖……總之睇過你就知超正!你以為係CG做,裏面有花絮圖俾你睇,真係好大幅圖呀!仲有,呢個宣傳活動仲會送Tigers波衫同手機飾物,我很想要。

Read more ›
創意定虐貓?網民愛貓cosplay圖
by / on 22/10/2012 at 4:29 pm

創意定虐貓?網民愛貓cosplay圖

寫呢段news之前我都掙扎咗好耐,相信好多人都試過將自己隻貓狗cosplay成superman、蜘蛛俠,主人好開心,但隻貓狗通常都好無奈,今次呢個網民更有「創意」,將一系列畫咗紙樣嘅cosplay衫畫喺紙皮上,漏空咗個頭,然後搵屋企隻貓「瓜瓜」放入去影造影相。有外國網站大讚呢個網友好聰明,但試想一下,出名高傲嘅貓點會心甘情願比你影?背後其實好殘忍。呢隻貓叫瓜瓜,係內地一位動漫迷@Toshiya86嘅生日禮物,其實佢平時都好錫隻貓,但係今次真係玩大咗,應該要國民教育一下。

Read more ›
新片速報 喪屍結婚相 PS喪執全記錄
by / on 22/10/2012 at 3:56 pm

新片速報 喪屍結婚相 PS喪執全記錄

可能我葡萄,見親人哋啲結婚相,我都好不安,做咩啫?做咗明星咩你哋?我明,你哋背後受咗好多苦,一係就幾皮嘢去外國俾人指指點點,一係就夏天熱冬天凍荒山野嶺又換衫又餵蚊嘛!對於結婚相呢樣嘢,外國人就有創意啲,好似呢輯令我諗起《變種屍新娘》嘅喪屍結婚相就好有型,呢段片仲睇到點樣用Photoshop去令張靚相由普通花園正常人變成廢墟喪屍群……死佬,乜你覺得結婚真係咁恐佈咩?

Read more ›
揭板式行針鐘 遲到大條道理!
by / on 22/10/2012 at 3:31 pm

揭板式行針鐘 遲到大條道理!

鐘呢家0野!0係未有LED同石英鐘時係點對,行針係王道!不過講到最Hi-Tech,都係揭頁鐘,有間叫Hammacher Schlemmer0既公司忽然玩復古,再重出呢種揭頁鐘,不過最搞鬼係佢個顯示板,係玩行針錶面,正所謂1小時有60分鐘,一日就有1,440分鐘,唔通佢有成千九幾塊揭頁

Read more ›
減肥機械人賣HK1600平過健身教練
by / on 22/10/2012 at 9:15 am

減肥機械人賣HK1600平過健身教練

日日上磅,日日都話要跑步減肥,但最終都係得個講字?所謂近豬者肥,不如跟個勤力嘅機械人,有佢日日鞭策你,想肥都難。呢個由外國科研公司Intuitive Automata發明嘅機械人叫Autom,可以每日同你對話,指導你飲食、做運動,你問佢嘢佢會即答,又會比建議你,仲會鼓勵你努力減肥O忝,只係賣美金$199,而家有得訂,下年取貨。

Read more ›

《JoJo Menon》到手 1,200円勁抵睇
by / on 21/10/2012 at 7:38 pm

《JoJo Menon》到手 1,200円勁抵睇

阿媽叫我睇多啲書,我「孝」字行先梗係要聽話。連載25周年,《JoJo奇妙冒險》今年都大搞,下年出嗰隻PS3《JOJO奇妙冒險 All Star Battle》當然唔玩唔得,仲有啲嘢對於JoJo迷嚟講都係唔買唔安樂。 好似呢本《JoJo Menon》連載25週年特刊咁,集英社出版,105頁有訪問有專題,介紹荒木飛呂彥工作室之餘,仲直擊佢嘅紐約之旅,仲有上年10月潮流雜誌《Spur》刊載嘅岸邊露伴 X Gucci嘅全彩稿漫畫,最尾一頁,仲有貼紙送!香港平貨啱啱到,都要十算,但揭完睇完你會發覺的確係抵。

Read more ›
《Evangelion新劇場版:Q》鷺巢詩郎原聲大碟 11/28推出
by / on 21/10/2012 at 4:51 pm

《Evangelion新劇場版:Q》鷺巢詩郎原聲大碟 11/28推出

鷺巢詩郎嘅音樂有幾勁,睇過威豐年系列同前兩集新劇場版,尤其係第二集破嘅EVA迷都知。11月17日套《Evangelion新劇場版:Q》就係日本上,講起都傷心,香港仲未有聲氣……咁佢隻《EVANGELION:3.0》「YOU CAN(NOT)REDO」音樂大碟就會喺11月28日推出,限定版有個盒,一盒兩隻碟,封面包裝係碇真嗣同渚薰,仲有未收錄喺電影入面嘅音樂,賣3,000日元。另外,Evangelion嘅官方Facebook都轉咗封面圖,都係呢張,仲有官方新海報,都係呢張。

Read more ›
$330
by / on 21/10/2012 at 2:00 pm

福利玩具新報 :黑版正義 刻線靚似飛機

  今個星期唔得閒行舖,一落福利……原來已經出咗好多嘢!我係Gundam迷,都係先講高達,網上訂嘅黑版正義到咗貨,開價$330,話晒特別版,都算值!同苦茶之前睇過成品,老老實實!佢用咗多隻灰深淺拼埋一齊,感覺好鬼戰機Feel,啲釘位、刻線比原彩版更加出,你可以話自己噴嘅,不過人哋用間咗好多隻灰,你要抄,我覺得比噴彩色更煩,同埋我玩齋噴半光澤力架好耐喇,只可以講句,佢係呢類懶人救星。

Read more ›
現實總是殘酷的  驚嚇漢堡現身日本
by / on 20/10/2012 at 1:38 pm

現實總是殘酷的 驚嚇漢堡現身日本

現實同廣告唔同,作為一個消費者,經過多年中伏嘅慘痛經驗,我都一早有心理準備。但係睇倒呢個漢堡之後,我都係忍唔住大嗌:「搞咩呀,好哋哋一個漢堡點解搞到變咗爛面咁款?」呢個由日本知名快餐店Lotteria出嘅40周年限量版巨無霸,分漢堡扒同吉列蝦扒兩款,但慘烈程度不相伯仲,本來五層高嘅漢堡最終融合成一層,情況就同中年男人嘅腹肌一樣。鐘意挑戰名將嘅巴絲打去開日本記住試呀!

Read more ›
Lakor Baby第三彈公佈 Iron Baby食奶嘴包鐵狗
by / on 20/10/2012 at 12:00 pm

Lakor Baby第三彈公佈 Iron Baby食奶嘴包鐵狗

之前已經出過蝙蝠俠同小丑嘅Lakor Baby系列,第三彈將會推出近年最人氣Marvel英雄Iron Man嘅Baby版Iron Baby。全高15cm,包一個開罩露面版BB樣,老實幾恐佈,有鬚可能會好啲。配件唔多,淨係得隻狗,眼同心口就係夜光,唔係著燈,網友多數希望佢跟多個冇窿面罩,咩冇窿?冇拮個奶嘴入去嗰個窿呀。

Read more ›

新片速報 真實版Metal Gear 兩隻腳識上樓梯
by / on 19/10/2012 at 3:49 pm

新片速報 真實版Metal Gear 兩隻腳識上樓梯

打《Metal Gear Solid》,最記得係雷電連打幾隻兩足型Metal Gear月光嗰一幕,嚟緊Rising又有得斬爆佢哋啦!估唔到,現實中有人研究出一部極似Gekko嘅機械人,識得用兩隻腳行之外,仲啱啱成功上樓梯!嘩!著波鞋添呀佢!呢條片係DARPA名為FastRunner嘅機械人短片,尾段嗰隻,仲識用兩隻腳跑步同趴低做掌上壓……

Read more ›
九龍城寨紀念郵票$120
by / on 19/10/2012 at 1:40 pm

《九龍城寨2》一周年,出紀念郵票!

唔經唔覺《九龍城寨2》已經出版到第52期,52期,即係52個禮拜,亦即係推出咗整整一年。一年,以家陣嘅市道,可以捱到一年嘅港漫有幾多?大家心照,所以真係好值得慶祝,亦戥司徒劍橋高興。

Read more ›
小源能否有命捱到自由國度?
by / on 19/10/2012 at 1:36 pm

《脫北者》完結,讀後有感!

《脫北者》出到第三期正式完結,我問幫趁開嘅書報攤老闆娘銷情如何,佢只淡淡然答咗我兩個字:「麻麻。」唔,麻麻,都係啦,總好過答差,期望鄭健和唔好嫌銷量麻麻,而唔推出呢類令讀者有反思空間嘅港漫。

Read more ›
天航搞寫作坊
by / on 19/10/2012 at 1:21 pm

天航搞寫作坊

有無幫襯孫威軍《宮本武藏的末世傳人》?Like唔Like?如果你覺得畫功色兼故事架構一流的話,又有無興趣聽聽原著小說作者天航嘅講座,見一見呢個全職作家真面目?

Read more ›