fbpx

潮玩新聞

Mini Stop出超級撒亞人薯條 七龍珠薯仔球
by / on 12/03/2013 at 2:49 pm

Mini Stop出超級撒亞人薯條 七龍珠薯仔球

爆炸哥話冇得睇《龍珠Z 神與神》, 一開口已經媽媽聲! 戲呢家野都話有得等出碟丫! 但係以下龍珠食品, 係配合最新劇場版推出, 3-4月喺日本Mini Stop會推出期間限定食品, 當中做得最正係個超級撒亞人薯條同魔人佈歐牛奶布甸, 頂你丫! 真係十成似, 食到TUP TUP埳, 至於個七龍珠薯仔蛋, 上面仲辣埋1-7星, 食完肚裡面包你有條神龍, 不過要第二朝先走倒出嚟!

Read more ›

新片速報 最強對最強《龍珠Z 神與神》IMAX版Trailer
by / on 12/03/2013 at 12:15 pm

新片速報 最強對最強《龍珠Z 神與神》IMAX版Trailer

3月30日,最新劇場版《龍珠Z 神與神》上映!不過係喺日本,唔關香港事,香港方面完全冇消息,都係叠埋心水等出碟算把喇。唉,《One Piece》就有,《龍珠》就冇,即係歧視我哋呢啲中年動畫迷啫?啱啱日本又有新IMAX版Trailer,以前成日有得又唔恨睇,隔咗17年未睇過,又好想入場睇囉!Ka!Me!Ha!Me!Ha!另外,過去17套劇場版喺日本仲會開始配信,日本PSN都好似有喎!

Read more ›
獵奇新片    狼狗上司  擔任P&G市場董事
by / on 12/03/2013 at 11:42 am

獵奇新片 狼狗上司 擔任P&G市場董事

P&G旗下品牌Old Spice,專出男士身體噴霧同埋清潔用品,宣傳策略一向了得,而且玩得夠盡。啱啱就宣佈任命Mr Wolfdog狼狗先生擔任市場部總裁,呢隻狼狗有Twitter有website有Tumblr,仲識拍片宣傳自己。喉嚨位裝咗變聲翻譯器,將狼話變英文,片入面狼生識計數識蓋印,仲識得熄燈食埋啲同事,越睇越似我上司。唔知佢出糧係咪出一噸鮮肉?今個星期仲會推出「適者生存」新片兼接受訪問,忙到呢。

Read more ›
25後新作再現《忍者小靈精》日本5月開播
by / on 12/03/2013 at 11:08 am

25後新作再現《忍者小靈精》日本5月開播

嘩!又越過高山又越過谷,忍者身體似飛機呀!小孩子最友善與你做朋友呀!我哋細細個睇嘅小靈精同金麥基將會再次現身,因為呢套25年前嘅作品會有新一輯動畫喺5月開播!不過今次有啲特別,就係會由日本朝日電視台同印度動畫製作公司製作,點解係印度?因為自06年喺印度播放之後,忍者小靈精Hit到爆!呢套印度上年已經播咗嘅動畫,日本會喺5月13日喺Animax播放,而5月5日會喺節目《おまかせ!アニマックスNavi》首播。喂正呀!入嚟有得聽番主題曲同回帶經典第1集呀!

Read more ›
英雄撲水搵贊助    美國隊長UPS速遞 / Ironman食老麥
by / on 12/03/2013 at 10:53 am

英雄撲水搵贊助 美國隊長UPS速遞 / Ironman食老麥

唔係個個英雄都好似Ironman咁有錢,唔夠錢駛但又好似Hulk咁嘅身形食量,唯有搵贊助囉!外國設計師Roberto Vergati Santos唔知係咪受咗Tiger & Bunny啟發,改咗輯名為「Sponsored Heroes」嘅圖,美國隊長變長UPS速遞專員、Batman心口多個剔,不過都唔夠Ironman張經典梳化圖,上面擺晒麥當勞咁爆笑。入嚟仲有Microsoft、adidas廣告圖,正!

Read more ›
日本橙肉廣告 《靜岡新聞》無PS人手雕砌
by / on 12/03/2013 at 10:18 am

日本橙肉廣告 《靜岡新聞》無PS人手雕砌

日本人嘅執著、細心,令佢哋經常製作出令人嘆為觀止嘅作品。好似呢版報紙廣告,為咗推介靜岡縣名物 – 橙,設計者將一塊塊橙肉,舖砌出仿《靜岡新聞》嘅報紙版面。厲害在於完全無經Photoshop,全部用人用雕琢。最正係仿報紙內文嘅一行行細字,橙肉幼細程度真係大力啲都怕整爛。佩服佩服!

Read more ›

獵奇喪屍香水   枯葉/霉菌/青苔精心提煉
by / on 12/03/2013 at 8:03 am

獵奇喪屍香水 枯葉/霉菌/青苔精心提煉

唔係啩,喪屍都用香水?我覺得電影《熱血喪男》嗰個憂鬱男喪屍實會日日噴。唔係講笑,呢款香水由外國香水公司DEMETER製造,仲有男女裝,用枯葉、霉菌、蘑菇、苔蘚、泥土等配料提煉,1公士裝賣美金$20;想日日噴可以買4安士裝,開價美金$40。女裝味道據稱會淡啲,如果用完可以令喪屍行過都唔會發現,我實買,因為我相信自己扮喪屍行路實穿崩嘅。 

Read more ›
星戰x Zeon手錶系列   推介黑武士/Skywalker
by / on 12/03/2013 at 7:50 am

星戰x Zeon手錶系列 推介黑武士/Skywalker

上年日本精工同Star Wars出嘅手錶,R2-D2嗰款長炒長有,而家仲賣緊過萬蚊港紙!啱啱另一手錶品牌Zeon亦宣佈推出Star Wars手錶系列,今次唔玩鋼帶玩皮帶,一套五款,有齊R2-D2、Skywalker、白兵、Boba Fett,當然唔少得大家最冧嘅黑武士,黑武士嗰款仲要係黑錶帶紅錶面,型!開價港幣$1500左右,每隻有獨立編號,唔算貴,不過我最鍾意反而係Skywalker嗰款,有埋指南針,低調得嚟夠detail。

Read more ›
日本街霸格鬥服 連體情侶裝
by / on 11/03/2013 at 9:09 pm

日本街霸格鬥服 連體情侶裝

上年年尾,reversal.dogi.design.works X Street Fighter嘅第1彈服裝已經推出咗,嚟緊就係第2彈。老實講呢幾款Tee呀、衛衣呀的確係幾靚仔,最正一件係阿隆出波打Blanka嘅經典場面,一人一件,咪可以情侶裝?但係,兩件都好似係男裝嚟……

Read more ›
自己的事自己做 日本最新模型 懷舊震蛋親手砌
by / on 11/03/2013 at 8:38 pm

自己的事自己做 日本最新模型 懷舊震蛋親手砌

求人不如求己嘛,有啲嘢,都係自己玩開心啲。例如模型吖,自己一手一腳砌出嚟,比起完成品更加精細更加有滿足感。好喇,咩叫震蛋?唔知嘅留言,我哋會有專人答覆你嘅疑問,簡單啲講,就係一件好貼身嘅用品,咁日本就啱啱出咗盒模型,嘩個盒好似70年代啲機械人模型咁,賣630円,入面有齊晒所有配件,砌完之後……我諗最好打磨吓同補埋畢地,同埋最緊要係剪好啲啲水口位,如果唔係……嗚!

Read more ›
新圖發佈《Gundam Breaker》模型大戰黐水貼 Master Gundam現身
by / on 11/03/2013 at 6:04 pm

新圖發佈《Gundam Breaker》模型大戰黐水貼 Master Gundam現身

PS3/PS Vita《Gundam Breaker》呢隻玩高達模型大戰嘅遊戲,今年內會推出,仲宣佈會有體驗版配信,加埋大量內容情報。最好玩係喺模型枱上面激戰,側邊係啲噴罐呀、畫筆呀,好正!仲有就係Master Gundam同Freedom Gundam現身,出擊之前可以揀高達頭渣古手,仲可以揀水貼嚟裝飾機體!真係幾有新鮮感!

Read more ›

體積大三倍《鐵拳浪子》《筋肉人》《巨人之星》國民漫畫家版桃哈多
by / on 11/03/2013 at 4:14 pm

體積大三倍《鐵拳浪子》《筋肉人》《巨人之星》國民漫畫家版桃哈多

早一兩年都已經推出過嘅國民漫畫家系列桃哈多粟米條,嚟緊3月25日又會推出期間限定新版本!今次有3款,分別搵嚟《巨人之星》嘅川崎のぼる、《筋肉人》嘅嶋田隆司同埋我最想要嘅《鐵拳浪子》千葉徹彌作畫畫包裝,超正!而且裏頭嘅粟米條仲要係比平常嘅大3倍!諗起都想食!到時要巡多啲阿信屋先得!

Read more ›
獵奇影片 神奇柴犬 主人恰眼瞓 射水射醒佢!
by / on 11/03/2013 at 3:07 pm

獵奇影片 神奇柴犬 主人恰眼瞓 射水射醒佢!

日本啱啱過咗考入學試嘅時期,咁讀書考試就梗係要捱眼瞓最後衝刺。日本就有個主人教識佢隻柴犬,喺佢溫溫吓書恰眼瞓嘅時候按掣射水射醒自己。超無聊,但超可愛,我諗阿柴犬都應該唔係好知主人點解要教佢射水,不過射完應該有嘢食……下次不如玩大啲,教佢小便落你個頭度吖?

Read more ›
滑鼠減肥法 日Click兩千下
by / on 11/03/2013 at 2:58 pm

滑鼠減肥法 日Click兩千下

你有冇肥胖嘅煩惱?係咪工作好忙日日對住電腦冇時間做運動?有冇諗過Click吓個Mouse會消耗幾多個卡路里?日本有個統計,就係一個成年男人,每日應該消耗2,000個卡路里,而女性就要1,700卡路里,咁Click一下Mouse會消耗幾多?答案係1.42。即係如果你一日Click兩千下,咁咪OK?不過你可能只有手食指同中指嘅肌肉比較發達,視乎你Copy & Paste得多唔多……  

Read more ›
獵奇發明        透明單車神化發明家
by / on 11/03/2013 at 7:20 am

獵奇發明 透明單車神化發明家

有啲設計真係好獵奇,好似呢架由外國人Jimmy Kuehnle設計嘅透明單車,除咗車軚、鐵鍊同埋腳踏位,基本上全架都係透明,而設計師亦刻意著晒透明雨衣踩住佢出巡。不過我反而想知點解佢個頭縛晒電線咁神化,同埋好彩佢條底底唔係透明嘅。呢位神人仲設計過膠單車、Drawing Bike同埋好多新奇刺激嘅奇特發明,堪稱獵奇發明家。

Read more ›