潮玩新聞

小忌廉MV首播 Evelyn現場唱 餐廳開幕有片睇
by / on 04/11/2012 at 7:09 am

小忌廉MV首播 Evelyn現場唱 餐廳開幕有片睇

    日和號x Creamy Mani喺11月1號,呢個大陸人稱「小光棍日」開幕!不過要到3號先俾傳媒採訪……其實好多Fans喺早幾日,睇見我哋段速報News已經衝咗落去,可能仲早睇過小妹進場;不過記招多咗原作者高田明美壓場,仲要喺只招呼傳媒,唔俾其他「閒雜人等」入場,我知大家好想知裏面發生乜嘢事,即場手稿、新版小忌廉/小忌廉甜點小食現真身……

Read more ›

香港《我係小忌廉》Cafe 記者會第一手直擊
by / on 03/11/2012 at 2:25 pm

香港《我係小忌廉》Cafe 記者會第一手直擊

香港第一間攞正牌嘅動漫主題Cafe,今日(3日)就會舉行開幕記者會,記者會3點開始,但我哋嘅編輯Joey Tank就已經到咗現場,率先傳相返總部,比大家睇睇現場第一手預告!入面有大量未曝光新Menu、精品相片,最勁仲有小桃同小忌廉嘅2012年最新圖現身!快啲入嚟睇住相先!作者高田明美訪問同現場詳細報導連影片,將會盡快刊出!敬請留意!

Read more ›
獵奇新片 拳拳到肉 西人B扮李小龍
by / on 03/11/2012 at 11:31 am

獵奇新片 拳拳到肉 西人B扮李小龍

我一向覺得啲老豆老母將個囝囝囡囡扮到鬼五馬六係好鬼煩嘅一件事,但呢條片真係有驚喜,Cos李小龍嘅西人B,先係起飛腳,再一拳打埋大怪獸度,大怪獸還以一腳踢起西人B……西人B再次企番起身,一吓寸勁!抽出大怪獸嘅內臟!嗚!

Read more ›
新片速報 宮本茂揚威西班牙 跳Gangnam Style
by / on 03/11/2012 at 11:19 am

新片速報 宮本茂揚威西班牙 跳Gangnam Style

任天堂之父,即係創作出Mario、薩爾達傳說等遊戲嘅宮本茂(Shigeru Miyamoto),啱啱上星期就去咗西班牙接受一個「Prince of Asturias Award」獎項,以表揚佢對遊戲界嘅貢獻。呢個獎都幾鬼勁,當日搵咗好多西班牙皇室成員出席頒獎,而且市民都隆重其事,搵宮本茂簽名合照之餘,仲通街都係瑪利奧fans,連民居啲窗都貼滿磨菇!呢條片就睇到宮本茂超級親民一面,唔知係咪興奮過籠,佢仲無啦啦跳咗兩嘢Gangnam Style……

Read more ›
必入毒物 Enterbay米高佐敦12月推出
by / on 02/11/2012 at 5:36 pm

必入毒物 Enterbay米高佐敦12月推出

之前出嗰隻Kobe口碑都好好,所以嚟緊12月推出嘅1/6籃球之神Michael Jordan真係令籃球迷超期待,就算冇玩開12吋嘅個身都痕過俾蟻咬!先前已經出咗個頭,兼事先張揚會陸續出四個版本(最少),好!終於有全相睇!衫褲鞋都好得,最正係鞋款除咗AJ 11代之外,仲有兩代跟俾你,買齊四款,咪可以儲齊1-14代囉!呢招夠晒狠毒!仲話遲啲會有專屬NBA籃球架推出,MJ迷真係儲定錢都得。最後,提提有興趣嘅玩家,EB不設預訂買單,出貨前一星期倒會有消息,留意我哋嘅跟進報導啦!因為,我都要去搶呀!

Read more ›
遊戲流程遊戲圖 PS Vita/PSP《AKB1/149 恋愛総選挙》
by / on 02/11/2012 at 4:15 pm

遊戲流程遊戲圖 PS Vita/PSP《AKB1/149 恋愛総選挙》

未日之前你最想做咩?我想談戀愛,同AKB成員談,唔好妖住,你都做得到,因為PS Vita/PSP遊戲《AKB1/149 恋愛総選挙》趕得切喺12月20日推出,未計偷跑都有一日玩呢隻稱為「究極の恋愛妄想」嘅遊戲!今次就公開遊戲流程遊戲畫面,嚟啦!

Read more ›

挑戰潮人極限 著《Evangelion》皮褸扮二號機
by / on 02/11/2012 at 12:07 pm

挑戰潮人極限 著《Evangelion》皮褸扮二號機

好啦好啦,我應承呢單係今朝最後一單《Evangelion》報導,今次係皮褸,之前出咗初號機,o依家輪到二號機同三號機。Animation Addict Store推出,真皮皮褸,賣59,850円(初號機版61,950円)都算,啲配色先至係潮人宅男嘅最大挑戰,嘻!

Read more ›
《Evangelion新劇場版:Q》 X ANA 新Wallpaper免費登場
by / on 02/11/2012 at 11:36 am

《Evangelion新劇場版:Q》 X ANA 新Wallpaper免費登場

為慶祝新EVA新角色新預告片登場,我決定今日全個上午都係《Evangelion》嘅報導!大家開唔開心?好,唔應我即係開心啦,繼Uniqlo啲衫之後,有唔駛錢嘅,就係ANA網站又有新Wallpaper免費下載,記得嗰陣一開網已經有四張,靚?新呢幾張仲靚呀!

Read more ›
《Evangelion新劇場版:Q》 X Uniqlo 新Tee登場
by / on 02/11/2012 at 11:16 am

《Evangelion新劇場版:Q》 X Uniqlo 新Tee登場

好喇,《Evangelion新劇場版:Q》11月17日喺日本上映有幾大件事,從佢舖天蓋地嘅宣傳都睇到,噚日出咗新宣傳片,全世界都狂share,新EVA,新女角……震撼程度拍得住老細叫你聽日唔駛返工一樣!乘得咁行,服裝品牌Uniqlo當然有份推出新系列,1,500円件,相當唔錯,我尤其鍾意「Q」字一款,真係好Q型,日本就快開賣,香港都應該會有。仲有,官方都公佈咗EVA X Uniqlo X ANA航空嘅4款Tee,不過日本都要應募,唉。

Read more ›
限量1,000架 1/18《Evangelion》NERV官用車發售
by / on 01/11/2012 at 11:03 pm

限量1,000架 1/18《Evangelion》NERV官用車發售

呢部「ヱヴァンゲリヲン新劇場版:破 Nerv Official Business Coupe【NERV官用車(作戦部1課管轄)】」,係第二集裏面,里美車明日香去試三號機嗰架車,亦即係綾波透過電話同明日香講多謝嗰吓。不過,[真係得個望字!係,賣18,900円之嘛,有愛嘅話真係唔算啲咩,但佢限量1,000部,莫講話買,見得到你都時運有番咁上下高。啱啱日本喺10月下旬出咗,香港唔知有冇,有唔應單聲我知……比例係1/18,全長22.3cm,仲包一個明日香同一個葛城美里,唉,入面有日本網站影嘅實物介紹圖,睇咗當買咗啦!

Read more ›
新片速報《Evangelion新劇場版:Q》新角色新機體曝光!!
by / on 01/11/2012 at 8:54 pm

新片速報《Evangelion新劇場版:Q》新角色新機體曝光!!

大鑊!估唔到咁大鑊!11月17日喺日本上映嘅《Evangelion新劇場版:Q》又有新預告片登場,以為都係嗰啲剪剪埋埋炒埋一碟配啲鋼琴聲,點知!有新角色登場!仲有新機體!睇啲配色似係真希波專用,不過個賣相就有啲大鑊,仲有,兩名新女角色登場,到底係咩人!呀呀呀呀呀呀呀呀……點o架香港幾時上呀?我要去日本呀呀呀呀呀呀!12月21日有咩事睇唔到佢,我真係唔眼閉o架!

Read more ›

愛藏心底裏 Evangelion X Hello Kitty男裝內褲
by / on 01/11/2012 at 3:35 pm

愛藏心底裏 Evangelion X Hello Kitty男裝內褲

一個雄糾糾嘅硬漢子,都總會有柔情一面,但我明,世俗嘅眼光未必接受到男人老狗鍾意Hello Kitty……咁我哋唯有將對佢嘅愛放喺褲入面啦。頂!Evangelion X Hello Kitty都唔係第一次,但竟然出底褲,仲要係男裝!Monogram Kitty蝴蝶結,中間攝咗幾隻綾波Kitty同綾波喵出嚟……賣2,940円一條,包裝又真係精美。同時,為慶祝《Evangelion新劇場版:Q》11月17日上映,同日亦會推出限量3000部特別色汽車導航機,初號機帶路,綾波麗把聲叫你轉左轉右,可惜,香港用唔到,如果唔係我日日返工條路都開住佢嘈怨巴閉。

Read more ›
精靈做空姐 甘道夫做機師 紐西蘭航空再玩《魔戒》
by / on 01/11/2012 at 2:49 pm

精靈做空姐 甘道夫做機師 紐西蘭航空再玩《魔戒》

搭飛機,有幾多人真係會睇空姐教你用救生衣同吹BB?但如果係呢條史詩式教學,就睇一次都唔夠。之前已經報導過紐西蘭機場出現巨型咕嚕(入面有link)睇番,o依家鈕西蘭航空再玩大啲,就係拍咗條喺飛機上面播嘅教學片!女精靈做空姐,打開駕駛艙門,咦?灰袍巫師做機師?裏面仲有咕嚕同哈比人導演Peter Jackson登場,正呀!

Read more ›
新片速報 迪士尼官方片玩黑武士 侵略城堡騎馬仔
by / on 01/11/2012 at 12:49 pm

新片速報 迪士尼官方片玩黑武士 侵略城堡騎馬仔

噚日就報導咗迪士尼用咗$40億美元收購咗LucasFilm,咁黑武士呢班孤兒仔點呢?俾人玩囉!俾人蝦囉!迪士尼樂園官方啱啱發佈咗一條名為「Darth Vader: What Are You Going to Do Next?」嘅短片,就係黑武士喺兩個白兵護送之下去到樂園玩,冇嘴飲唔到嘢之餘,仲要玩騎馬仔同機動遊戲,之後,穿過睡公主城堡……點解!點解佢明明戴住頭盔,但我都好似睇到黑武士流露無奈嘅表情?唔通我感受到Dark side嘅呼喚,叫我入大嶼山……?

Read more ›
無吹水,瑞新呢張海報係咪型到爆先?
by / on 01/11/2012 at 12:00 pm

邱瑞新漫畫版《紮職》海報曝光

呢期唔知點解咁多黑社會電影上演,繼王晶開拍《古惑仔之江湖新秩序》後,陳翊恆又開拍《紮職》,前者有老牌導演王晶加老牌漫畫《古惑仔》作後盾,牌面強勁;後者用新晉導演陳翊恆加自度新故事,Cast無疑削咗啲。

Read more ›