潮玩新聞

福利報價: 山口筯肉人起雙飛 魯邦X大介砌情景
by / on 17/02/2013 at 6:15 pm

福利報價: 山口筯肉人起雙飛 魯邦X大介砌情景

  今個星期唔使講嘢!筯肉人惡晒!不過買佢相當赤,$358仲一定要買兩盒!無人攞槍指住你,不過佢同一盒有筯肉版同藍衫版,買兩隻你就可以同佢玩摔角……係!睇見背面相,真係成件事開心好多。

Read more ›

作畫崩壞回憶 扭曲高達 路飛變傻仔
by / on 17/02/2013 at 12:14 pm

作畫崩壞回憶 扭曲高達 路飛變傻仔

漫畫好少出現呢個情況,但動漫呢?幾十年前就梗係誇張,高達明明係機械人但都可以出現柔軟度十足嘅線條,多啦A夢又可以忽然變長腿喵!嚟到近代一樣唔可以避免,路飛變成豆鼓眼,鳴人冇咗個頭都得,仲有佐助,食咗蛇?外國網站搞咗個「作画崩壊」特集,睇吓有幾多你睇過。

Read more ›
新片速報 Kinect x 東京時裝店 廚窗公仔跟你郁
by / on 17/02/2013 at 11:11 am

新片速報 Kinect x 東京時裝店 廚窗公仔跟你郁

嘩唔講真係以為撞鬼。日本東京嘅Marionette店利用Kinect嘅技術,喺廚窗整咗一男一女嘅公仔,佢哋透過感應同吊住公仔手手腳腳嘅魚絲,令到廚窗入面嘅公仔識得跟住出面嘅人做同樣動作!而且唔只係舉吓手咁簡單,仲識得模仿人類行路嘅動作,夜媽媽經過真係當堂嚇一跳。

Read more ›
忍者龜面罩  靚女Model戴上面
by / on 17/02/2013 at 10:48 am

忍者龜面罩 靚女Model戴上面

呢個忍者龜面罩,睇落好保暖,唔算忠於原著,但戴起幾靚,我指個model。model戴住嗰款係最聰明嘅忍者龜Donatello,另外仲有紅色嘅Raphael、橙色嘅Michelangelo同埋藍色嘅隊長Leonardo,唔明我講咩?咁你專心睇靚女算啦。網站Etsy有一式四款面罩買,開價美金$35,會唔會有人買齊四隻色用嚟襯衫呢?唔笠住對眼當冷帽戴都幾潮吖,嘻。

Read more ›
彼思 x 復仇者聯盟? 英雄人物忽然變Cute!
by / on 17/02/2013 at 9:36 am

彼思 x 復仇者聯盟? 英雄人物忽然變Cute!

唔駛驚,雖然迪士尼有錢到收購埋LucasFilm拍《Star Wars》,不過佢仲未有計劃拍呢套動畫版Marvel & DC,呢輯好有Pixar風格嘅Marvel & DC英雄人物造型,只係加拿大插畫師Phi Postma嘅作品,不過真係幾可亂真,平時型爆嘅Ironman、雷神、變形俠醫、美國隊長等等,統統變成Pixar動畫嘅Q版角色,外國網友大讚整得神似,仲建議佢整埋Star Wars系列,唔知佢會唔會認真考慮呢?

Read more ›
新片速報 一人多重和唱《薩爾達傳說 天空之劍》主題曲
by / on 17/02/2013 at 9:01 am

新片速報 一人多重和唱《薩爾達傳說 天空之劍》主題曲

呢個Laura Shigihara,之前最出名係玩過《Plants vs Zombies》嘅音樂,一個人包辦和唱、主音再加樂器,之後再Remix而成一首歌。今次佢嘅作品就係《薩爾達傳說 天空之劍》主題音樂,把聲超有感情,搞到我好似返咗去虐待雞仔嘅童話世界入面……

Read more ›

電單車摺埋當喼推   唔駛煩泊車
by / on 17/02/2013 at 8:59 am

電單車摺埋當喼推 唔駛煩泊車

香港地想泊車難過登天,尤其星期六日,大型商場嘅停車場仲要排長龍。唔想煩可以用電單車代步,如果連電單車位都唔想搵,可以考慮呢架Antro MOVEO嘅摺合式電單車。用完摺埋佢,可以好似拖行李喼咁拖住佢行街食飯,型到呢!部車好輕身,重55磅,速度28mph,叉一個鐘電就可以行倒22 miles,開價美金$3100至$4600,不過唔知香港攞唔攞倒牌呢?

Read more ›
獵奇發明    巨型USB拖鞋開價$300
by / on 17/02/2013 at 8:02 am

獵奇發明 巨型USB拖鞋開價$300

呢隻嘢我用咗一段時間先搞清楚發生緊咩事,首先我知佢係一對拖鞋,我都知佢係模仿USB,但係‥‥‥嘻,睇咗一陣我終於明嘞!淺灰色位置,即係平時插入電腦嗰部份,就係腳趾位!至於點穿落去?我估係條褲遮住嗰個襪筒位啩,咁點解佢唔稱之為襪,而係一對拖鞋呢?唔,我諗因為著咗佢,就著唔落鞋啩。咁醜樣嘅外形,居然仲夠膽開價港幣$300,真係藝高人膽大呀。

Read more ›
發佈會續報《JOJO奇妙冒險》4月出Tee送手機App 白金之星在身邊
by / on 17/02/2013 at 7:44 am

發佈會續報《JOJO奇妙冒險》4月出Tee送手機App 白金之星在身邊

PS3隻《JOJO奇妙冒險 All Star Battle》8月29日先出,但4月頭就已經有錢你駛。噚日喺日本舉行嘅發報會中,除咗公佈咗會有埋第8部嘅東方定助參戰,全線8部角色大集結同黃金體驗BOX特典內容外,仲會喺4月頭出一件Tee,遠睇只係普通橫間,但近睇就知啲橫間係由漫畫中嘅聲效文字組合而成,低調地啊啦啊啦。不過最勁係佢會有埋個App俾你裝落手機,只要手機鏡頭對住著住呢件Tee嘅人,就會有識郁嘅白金之星喺身邊現身!5,040円,全國BEAMS、Village Vanguard有賣,無論用咩手段,我都要入手!

Read more ›
綠色牧場王現身!《熱鬥小馬》 X 《Owners Horse Thoroughbred Royale》
by / on 16/02/2013 at 6:33 pm

綠色牧場王現身!《熱鬥小馬》 X 《Owners Horse Thoroughbred Royale》

打定底,我冇玩過呢隻《Owners Horse Thoroughbred Royale》遊戲,如果有玩家玩緊或玩過,唔該話吓我知好唔好玩。咩都唔識咁報咩導呢?因為啱啱佢宣佈同《熱鬥小馬》合作,呢套動漫我識,香港播過,黃子華唱主題曲(入嚟有得回味):「做隻出色的馬仔,任怨任勞時運低……」遊戲會推出四款《熱鬥小馬》卡,綠色牧場王拉屎藏等出色馬仔可以喺遊戲中現身!喺寫實畫面中現身,睇吓唔玩都覺好笑!

Read more ›
《九龍城寨II》送紀念雙面卡
by / on 16/02/2013 at 5:45 pm

《九龍城寨II》送紀念雙面卡

好辛苦,但凡農曆新年第一個禮拜,我都覺得好辛苦,因為之前嗰個禮拜出晒賀年孖裝,搞到呢個禮拜無公仔書睇,更辛苦嘅係,我連港漫News都無得寫。

Read more ›

非公認吉祥物 船橋市Funassyi新垣結衣同台 秋葉原瘋狂之舞
by / on 16/02/2013 at 4:27 pm

非公認吉祥物 船橋市Funassyi新垣結衣同台 秋葉原瘋狂之舞

日本好多吉祥物,好多城市都有自己一隻,之前集合跳舞破健力氏紀錄,之後又同新垣結衣賣「十六茶」廣告……不過,呢隻ふなっしFunassyi有啲特別,就係雖然佢話自己係千葉船橋市嘅吉祥物,仲以盛產嘅梨為造型,但就唔係官方認可嘅吉祥物,佢係自發表演嘅……有時佢會出現喺廣告度,有時會上電視節目,仲會去秋葉原搞搞震,不過,最吸引人都係佢驚人嘅跳躍力同奔放嘅舞姿,同新垣結衣同台演出,搞到佢笑到彎晒腰,超可愛…..我講緊新垣結衣。

Read more ›
特色珍寶珠  Death Star/籃球/喱士放入口
by / on 16/02/2013 at 3:27 pm

特色珍寶珠 Death Star/籃球/喱士放入口

前排隻遊戲《Lollipop Chainsaw》,靚女邊咬糖邊鋸喪屍,好鬼sweet。不過今時今日通街咬住支珍寶珠可能有啲老土,除非係星戰Death Star版啦。呢間美國公司Designer Lollipop,專門製作特別版珍寶珠型棒棒糖,有星戰Death Star、國旗、足球籃球、喱士雕花等等,仲可以自製個人名字棒棒糖,通常一套六件起計,賣港幣大約$105左右,訂定復活節當小禮物送比人都唔錯吖。

Read more ›
《Pacific Rim》 香港區機械人登場 + 港版預告片
by / on 16/02/2013 at 2:53 pm

《Pacific Rim》 香港區機械人登場 + 港版預告片

巨型機械人打怪獸嘅荷里活電影《Pacific Rim(悍戰太平洋)》,香港暑假檔上映。喺之前嘅預告片中見到有唔同國家嘅機械人現身,原來香港都有份!據知呢隻係駐守香港戰場嘅機甲獵人(Jaeger) 赤紅風暴(Crimson Typhoon),模型會喺2013紐約國際玩具展亮相,但就唔知電影中係咪真係有香港維多利亞港出現呢?

Read more ›
《變態超人》變女高中生 笠條底褲影寫真
by / on 16/02/2013 at 12:00 pm

《變態超人》變女高中生 笠條底褲影寫真

有睇我哋之前報導都知,92至93年喺《少年Jump》連載嘅《變態超人》會有真人版電影4月13日喺日本上映。而除咗有電影預告(入嚟有得回帶)之外,仲有一本寫真集乘勢推出!裏面係一班女高中生,好似變態超人咁笠條底褲上頭,之後就如常咁生活,食飯、吹水、吹牧童笛、唱K、換衫(!?)、游水(!!)咁……日本Amazon有得賣,1,890円。但係我記得變態超人講過,未著過嘅底褲,笠上頭係冇用o架……

Read more ›