潮玩新聞

涉谷《Biohazard》生化Cafe開幕 索女隊員現身
by / on 13/07/2012 at 12:18 pm

涉谷《Biohazard》生化Cafe開幕 索女隊員現身

之前已經報導過全世界第一間《Biohazard》主題餐廳將會喺今日(13日)開幕,而噚日就喺日本有記者會舉行。位於涉谷PARCO 1七樓嘅「Cafe & Grill S.T.A.R.S.」啲嘢食睇落幾好味,完全冇玩核突喪屍feel,頂籠都係啲調味料用玻璃試管裝住啫。不過最重要,都係名為Angelique班S.T.A.R.S.新人靚女隊員,著套咁嘅制服又跳舞唱歌,除咗喪屍,應該仲引到一班……

Read more ›

Comic-Con Play Arts晒冷 羅拉 雷電現身!
by / on 13/07/2012 at 11:00 am

Comic-Con Play Arts晒冷 羅拉 雷電現身!

嘅Comic-Con 2012啱啱噚日開始喺聖地牙哥舉行,當中Square Enix攤位就梗係有大量Play Arts晒冷!當中有灰模有完成品,包括街霸系列、鐵拳系列、Metal gear系列、Halo系列、Kingdom Hearts系列等等,我覺得最正就梗係有最新黑甲版雷電啦!仲有,年輕版盜墓者羅拉都好吸引呀!

Read more ›
《The Amazing Spider-Man》大頭蜘蛛飛街吐絲
by / on 12/07/2012 at 12:15 pm

《The Amazing Spider-Man》大頭蜘蛛飛街吐絲

除咗Hot Toys隻1/6蜘蛛俠令人期待之外,嚟緊呢隻Nendoroids都一樣吸引!本來我唔係太鍾意Cute版Figure,但呢隻有晒紐約街景同馬路做背景,搞到蜘蛛仔飛街咁款鬼咁有動感,加上仲有吐絲配件,的確令人好想將佢擺喺枱頭。呢隻由Good Smile推出嘅Nendoroid Spider-Man: Hero’s Edition,售價3,800日元,今年11月推出。

Read more ›
香港書展 《武道狂》漫畫卷7特別版 限量Tee推出
by / on 12/07/2012 at 9:33 am

香港書展 《武道狂》漫畫卷7特別版 限量Tee推出

今日放工衝出去買《武道狂之詩》小說卷十一之餘,嚟緊7月18日舉行嘅香港書展都有嘢要掃!先係《武道狂》漫畫卷7特別版會喺會場首賣,封面係纖體版圓性都幾吸引,送嘅仲係金屬手機貼,靚仔又唔算太毒,貼得過;另外,《武道狂之詩》亦都會推出限量Tee,今次以荊裂為主題,兩邊袖同背面有佢嘅紋身之餘,前面仲有一劃劃,武當獵人你今日殺咗幾多個武當派呀?

Read more ›
《蜘蛛俠》香港取景 坐舢舨 怒爬康樂大廈
by / on 12/07/2012 at 8:00 am

《蜘蛛俠》香港取景 坐舢舨 怒爬康樂大廈

喂!咩料先?晨早流流搞啲咁嘅嘢?蜘蛛俠坐舢舨追壞人,跌落水之後去睇中醫?之後爬上康樂大廈報牛,將壞人用蜘蛛網(繩嚟嘅喂?)捉晒啲壞人,仲勁有手尾打埋電話報警拉人!《蜘蛛俠 驚世現身》唔知你睇咗未,不過呢12分鐘片段,未睇嘅就真係要開吓眼界,睇咗都要回味一次先去睇新版啦!我就喺喬靖夫facebook share出嚟先睇到,以下係呢段片嘅來龍去脈……

Read more ›
「多啦A夢誕生前100年祭」嚟香港啦!
by / on 11/07/2012 at 9:19 pm

「多啦A夢誕生前100年祭」嚟香港啦!

嘩嘩嘩嘩!你睇,叮噹,呀,唔係,多啦A夢嚟啦!呢個號稱香港史上最大規模嘅多啦A夢展覽,將會喺8月14日至9月16日於海港城舉行!喂!點解得對眼?因為多啦A夢係2112年出世o架嘛,今次係慶祝佢誕生前倒數100年,支波板糖同夫拉圈加百寶袋都未有囉!

Read more ›

《武道狂之詩》卷十一 聽日見街!
by / on 11/07/2012 at 8:51 pm

《武道狂之詩》卷十一 聽日見街!

《武道狂之詩》真係好抵睇,每一次佢出新一卷,我都要翻睇上一卷,否則會唔記得前文講到邊,之後睇完上一卷,又會想再睇番再上一卷,咁故事嘅連貫性大啲,睇得過癮啲。係,實不相瞞,我諗我前後已經來來回回每卷睇咗兩至三次,拍得住套未完嘅《Gantz》。終於,卷十一趕得切喺書展前推出!喬靖夫啱啱喺facebook公告小說已印刷完成,聽日會喺開益書店有售,後日就可以喺各大書店買到!喬大照慣例會喺呢兩日去各書店簽書!

Read more ›
完全版《群俠傳》卷十二,$48
by / on 11/07/2012 at 2:00 pm

完全版《群俠傳》卷十二,柳五出賣李沉舟!

早兩日完全版《群俠傳》卷十二見街,我呢個老劍迷即時仆落街買番本,之後走入茶餐廳揀個靚位,邊嘆凍檸茶邊睇書,睇到柳五使詐出賣李沉舟一段,

Read more ›
LucasArts招聘洩密!傳將開發《STAR WARS》 FPS射擊遊戲
by / on 11/07/2012 at 10:33 am

LucasArts招聘洩密!傳將開發《STAR WARS》 FPS射擊遊戲

當大家將Kinect嘅星戰放埋一邊等玩龍珠時,有眼利網友發現LucasArts最近喺官網登招聘廣告,請人開發第一身射擊遊戲(FPS)。

Read more ›
《美少女戰士》明年夏天推出全新動畫
by / on 11/07/2012 at 9:12 am

《美少女戰士》明年夏天推出全新動畫

話咁快原來呢套經典女性漫畫《美少女戰士》已經推出咗20年,啱啱仲宣佈將會推出全新動畫,預計明年夏天見街。

Read more ›
有片有相 今日開幕 庵野秀明 特撮博物館
by / on 10/07/2012 at 4:02 pm

有片有相 今日開幕 庵野秀明 特撮博物館

由今日開始至10月8日喺東京都現代美術館開展嘅「特撮博物館」,噚日就請嚟館長庵野秀明、樋口真嗣同鈴木敏夫作開幕儀式。除有今次博物館主題巨神兵之外,仲有得睇吓館內展況、巨神兵短編影片嘅宣傳片,有特撮實景陣仲有大量鹹超展品,9月去東京遊戲展就一定要去埋!

Read more ›

實物推出 17吋半《Assassin’s Creed III》金屬斧頭
by / on 10/07/2012 at 11:12 am

實物推出 17吋半《Assassin’s Creed III》金屬斧頭

遊戲裏頭嘅武器實物化成為精品,一向係潮流。至於整1比1武器,之前就有《刺客教條》嘅袖劍。今次知道大家等10月嘅第三集等到頸長,再下一城推出呢把斧頭,全長17.5吋,而且金屬感十足。售價$39.99美元,老實講幾抵買,不過只限網購。

Read more ›
Paul McCartney為《Halo》製作音樂?
by / on 09/07/2012 at 12:02 pm

Paul McCartney為《Halo》製作音樂?

其實之前1月時,披頭四成員之一、現為著名音樂製作人嘅Paul McCartney已經漏口風話幫緊一隻遊戲製作音樂,不過就並未開名。而佢最近就喺Facebook放咗一張相,仲寫咗句:「I’m really excited to be working on writing music with Bungie, the studio that made Halo.」咁即係?

Read more ›
《火武耀揚》太保陣亡,天下齊聲一哭!
by / on 09/07/2012 at 10:00 am

《火武耀揚》太保陣亡,天下齊聲一哭!

「你先天白痴定後天低能?」呢句經典對白,好快就再唔會喺《火武耀揚》出現,因為……嗚嗚嗚,因為太保應該喺下期往閻羅王報到嘞。

Read more ›
STRICT-G x JAM HOME MADE 高達解毒潮物
by / on 08/07/2012 at 6:07 pm

STRICT-G x JAM HOME MADE 高達解毒潮物

邊個話毒唔可以潮,一時間要毒男解毒,可能佢會打喊露出紅疹周身唔自在,所以,要一步步嚟。先要戒甩去Uniqlo買動畫Tee呢條癮,再嚟就可以進階駛多啲錢,買啲銀製飾物。其實,銀器飾物其實都可以潮中帶毒,日本潮牌JAM HOME MADE今年就同高達嚟個crossover,推出一系列高達銀器,嘩!個高達頭吊咀裏頭有核戰機o架!台場Gundam Front有得賣呀!出擊啦!新類型潮人!

Read more ›