潮玩新聞

日本Fans自製 機動戰士套餐 黑色三飯團 RX多士
by / on 07/03/2013 at 11:26 pm

日本Fans自製 機動戰士套餐 黑色三飯團 RX多士

沒有腳的,全部沒有腳的。因為呢啲都係日本一位FANS自製嘅機動戰士高達食品,當中好正係有黑色三連星紫菜飯團,仲有阿寶、馬沙多士,加埋椰菜頭綠色渣古,同埋白汁木馬芝士焗飯,堅正!正過Gundam Cafe賣嗰啲!呢位高達迷仲拍咗條片放上Nico Nico,入面有Link,香港嘅朋友,睇唔到片都唔緊要,入嚟有相睇,有YouTube片即時更新!

Read more ›

新片速報 Toyota多啦A夢新廣告 記憶麵包考車一Take過?
by / on 07/03/2013 at 5:53 pm

新片速報 Toyota多啦A夢新廣告 記憶麵包考車一Take過?

Toyota嘅真人版多啦A夢廣告又嚟新一集,今次講大雄考車牌喇!但係讀書唔叻嘅佢讀極都讀唔入腦,即刻推倒多啦A夢摷佢個袋,最後狂隊「記憶麵包」記晒啲路牌……最後,唉,食到肚痛考唔到囉,仲有前田敦子嘅技蘭揸住架車出場添!

Read more ›
中文版預告《變態超人(台譯瘋狂假面)》台灣5月上映
by / on 07/03/2013 at 4:49 pm

中文版預告《變態超人(台譯瘋狂假面)》台灣5月上映

日本4月,台灣5月,咁香港呢?未有消息……唉,又再再勾起我嘅傷心福音戰士。算啦,人應該向前看,呢套由《勇者義彥與魔王之城》嘅福田雄一負責劇本同監督,應該好多笑料,仲有漫畫fans小栗旬協力編劇,男主角狂介由鈴木亮平演。都好,台灣上咗,就算香港唔上,都起碼有中文碟買吖嘛!制裁!

Read more ›
超級阿嫲     91歲扮超人94歲扮母雞
by / on 07/03/2013 at 4:23 pm

超級阿嫲 91歲扮超人94歲扮母雞

3年前,法國攝影師Sacha Goldberger將佢91歲嘅嫲嫲化身為女超人,影咗輯好得意嘅圖集。濶别3年,最近嫲嫲收養咗隻叫Bob嘅公雞做寵物,同隻雞一齊跳繩做運動,仲cosplay埋做母雞o忝!老實,攝影師無論概念、構圖、拍攝技巧以至後期加工都係高高手級數,最重要係嗰份孝心,我好欣賞。入嚟有得回帶睇嫲嫲超人相集,真心推介。

Read more ›
薩爾達生日蛋糕      18歲人生交叉點
by / on 07/03/2013 at 3:48 pm

薩爾達生日蛋糕 18歲人生交叉點

外國人真係好鍾意喺蛋糕上整色整水,繼之前嘅毁容版復仇者後,今次呢個慈母就整咗個薩爾達海力盾生日蛋糕比仔仔Riorus,賀佢18歲牛一。老實,手功其實好精緻,之但係個樣睇落好膠,表面成層糖衣甜耶耶,唔食晒佢媽咪實話唔比面,食晒佢又分分鐘蛀晒棚牙。18歲成人禮就要考驗你識唔識做人,現實係咁殘酷o架嘞。 

Read more ›
現實與幻想 史萊姆肉包 雪足兩年都笑笑口
by / on 07/03/2013 at 3:22 pm

現實與幻想 史萊姆肉包 雪足兩年都笑笑口

之前唔少人都領教過Family Mart嗰個初音肉包,未食過都睇過,眼耳口鼻拿埋一嚿,令人個心赤赤痛。至於喺2011年推出嘅《勇者鬥惡龍》史萊姆肉包呢?勁咯!有日本傳媒就喺兩年前買咗兩包,話明可食用日期係2013年4月,咁佢哋就將班史萊姆雪喺冰箱兩年,拎番出嚟結晒冰,但係放入焗爐叮一叮之後,嘩!熱辣辣笑笑口完全冇變形,果然係歷代勇者鬥惡龍中最難纏角色呀!

Read more ›

新片速報 災民網上見家鄉 Google實景拍攝車深入福島縣
by / on 07/03/2013 at 2:15 pm

新片速報 災民網上見家鄉 Google實景拍攝車深入福島縣

    仲有4日,就係日本311大地震嘅兩周年,呢次大災難令到福島居民痛失家園,到O依家都未可以返到家鄉睇吓咩情況。於是福島縣浪江町(Namie)嘅馬場有(Tamotsu Baba)鎮長就要求Google街景車到災區拍攝最新嘅街景狀況,令到居民可以睇到家園最新狀況。Google已經派出實景拍攝車(防輻射?)去拍攝,希望月內可以令公眾睇到福島縣嘅環境。

Read more ›
新片速報 遊戲人物的獵奇床上生活
by / on 07/03/2013 at 2:00 pm

新片速報 遊戲人物的獵奇床上生活

遊戲人喺遊戲裡面, 永遠都係天下無敵! 一條命爆機都無問題, 但喺現實中, 可能佢同你我都一樣, 做每條事都充滿挫敗感! 法國佬為咗大家明白呢個道理, 所以要揭開遊戲人物鮮為人知嘅一面, 仲要係性生活, 瑪利奧叔叔要好似食偉哥咁啪星星先得, 羅拉雖然識飛簷走壁, 但竟然俾一張床Kick住, 行又行唔到上去, 跳又只識垂直跳。

Read more ›
新片兩連發 Pokemon《神速のゲノセクト ミュウツー覚醒》新劇場版預告
by / on 07/03/2013 at 11:52 am

新片兩連發 Pokemon《神速のゲノセクト ミュウツー覚醒》新劇場版預告

2013年7月13日喺日本公映嘅《神速のゲノセクト ミュウツー覚醒》,官方啱啱發佈咗新預告同特報。呢套係Pokemon系列第16套劇場版作品,今次仲會同埋《ピカチュウとイーブイ☆フレンズ》齊齊上映,香港就未有消息……唉,又諗起我件傷心事。

Read more ›
尤達留鬚 vs 黑武士炸頭    法國街頭藝術
by / on 07/03/2013 at 7:23 am

尤達留鬚 vs 黑武士炸頭 法國街頭藝術

黑武士炸菠蘿頭,尤達大師變紳士留鬚?呢啲咁得意嘅場面,咁啱都係出現喺創意之都巴黎。前者由街頭藝術家Ludo創作,旨在宣揚綠色巴黎嘅訊息;後者由噚日介紹過「綁架香港」嘅巴黎藝術團隊COMBO創作,目的不詳,但題名「Monsieur Yoda」,即係Mr. Yoda咁解,法文睇落真係特別有型,嘻。

Read more ›
新片速報 測試《閃亂神樂》真實度 日本傳媒真人玩乳搖
by / on 06/03/2013 at 8:33 pm

新片速報 測試《閃亂神樂》真實度 日本傳媒真人玩乳搖

攞明賣萌賣乳搖玩爆衫,呢隻《閃亂神樂(閃乱カグラ SHINOVI VERSUS -少女達の証明-)》對紳士玩家嚟講應該好對胃口,開埋聲聽佢哋嗌生晒個心真係離一離!日本就有傳媒好有求真精神!佢哋覺得遊戲入面嘅女角們乳搖得太誇張,所以佢哋就搵嚟真人!係真人!著番制服、內衣玩爆衫,再彈彈吓睇吓乳搖嘅幅度……之後同遊戲拼一拼,嗚呀!真係唔同喎!有冇搞錯!

Read more ›

齋缸LED種菜 高尚生活品味
by / on 06/03/2013 at 5:31 pm

齋缸LED種菜 高尚生活品味

今日見得閒, 同大家玩0的生活品味0野, 教大家整返個草缸! 仲要係齋草冇魚0個隻, 仲要玩0野到連水都冇, 因為佢係一個植物缸, 你可以玩室內種花種草–Greenfarm, 係繼住唐樓養番狗後, 另一高尚品味0野!

Read more ›
瑪利奧1蚊美金    食飯比貼士收唔收?
by / on 06/03/2013 at 4:53 pm

瑪利奧1蚊美金 食飯比貼士收唔收?

一蚊美金用嚟食飯比貼士啱啱好,不過如果比呢張畫花晒嘅瑪利奧銀紙,唔知侍應肯唔肯收呢?銀紙中間嘅華盛頓後生咗,變咗瑪利奧大哥,仲成張油晒顏色色彩繽紛,仲正都係啲金幣飛嚟飛去,令人好想衝埋去食金幣。不過瑪利奧應該係日本人專利,幾時先有瑪利奧版円紙?

Read more ›
頭骨解剖妝   大眼變核桃
by / on 06/03/2013 at 4:41 pm

頭骨解剖妝 大眼變核桃

化妝除咗化大眼,仲可以化核桃眼!洛札磯舉行緊嘅Make-Up Artiste Trade Show,有模特兒被化妝成人體解剖學嘅實驗頭骨,無Photoshop,不過隻眼就要合埋先可以做到呢個深陷嘅效果,唔知嚟緊fashion week有無model會化呢個妝襯rock爆造型呢?

Read more ›
復仇者50週年海報    英雄變囧樣
by / on 06/03/2013 at 4:25 pm

復仇者50週年海報 英雄變囧樣

唔講唔知,原來今年係復仇者聯盟50週年紀念,外國藝術家Michael Mateyko設計咗呢幅紀念海報,集齊所有英雄人物,設計簡約colourful,幾靚仔。不過入面口啲英雄變晒臉,例如美國隊長變咗一副囧樣,Ironman就苦口苦面,最搞笑都係變形俠,凶神惡剎四方面,好得意。佢仲設計過batman love birds得意插畫,幾有童真,入嚟有得睇。

Read more ›