fbpx

潮玩新聞

網絡貓起底 日本Koko潛力爆紅
by / on 18/05/2013 at 4:58 pm

網絡貓起底 日本Koko潛力爆紅

動物明星有好多,尤其日本。近排你有冇喺facebook睇過呢張相,隻貓攬住主人隻手,好似唔俾佢做嘢要同佢玩咁,可愛到核爆。原來呢隻貓係日本貓,蘇格蘭摺耳,叫Koko,而佢主人就叫Shiroro,鍾意rock music同打機,近排成日喺Twitter放自己隻貓嘅得意相,睇嚟有啲潛力做明星貓喎。

Read more ›

菲律賓夾公仔 冇嘴Mario大叔 變樣小飛俠
by / on 18/05/2013 at 4:43 pm

菲律賓夾公仔 冇嘴Mario大叔 變樣小飛俠

自從脅持人質事件之後,我已經睇菲律賓唔順眼,睇埋近日嘅射殺台灣漁民事件,我決定支持台灣,唔去菲律賓旅行,唔請菲傭,要怨就怨你個廢柴政府啦!講番呢單報導,就係有日本傳媒最近就去過菲律賓,見到唔少夾公仔機,而裏頭啲公仔就係Mario大叔,但冇嘴嘅,仲有變咗樣嘅小飛俠,唔駛$1蚊港幣夾一次,佢哋感覺好震驚……

Read more ›
新片速報 日本初中生畢業滑板遠征 青春熱血全記錄
by / on 18/05/2013 at 4:15 pm

新片速報 日本初中生畢業滑板遠征 青春熱血全記錄

話遠其實唔係好遠,80km左右,但幾個初中生帶住幾套衫加睡袋再加5,000円出發,嗰份青春同熱血嘅感覺,同你Full gear踩住架幾皮嘢單車入石澳係兩回事。呢班初中畢業生用咗3日2夜由神奈川去到箱根再兜個圈,食就食快餐便利店,夜晚就露宿瞓睡袋,其中一個話:「我哋知道上到高中讀書考試會好辛苦,於是計劃呢個旅程,我都一早講咗,到畢業,我哋就正式實行,因為我哋都同對方有承諾。」嗚!青春呀!汗水呀!唔得,我立刻熄咗個冷氣打開個窗大嗌先!咦?我間房冇窗o架喎。

Read more ›
築地劏魚的藝術 「山和 解体フィギュア・黒マグロ」真人示範有片睇
by / on 18/05/2013 at 3:02 pm

築地劏魚的藝術 「山和 解体フィギュア・黒マグロ」真人示範有片睇

去東京旅行,總會有一兩個朋友話要去築地魚生,新鮮嘛。咁築地漁市場除咗啲魚新鮮外,當然仲有劏魚嘅高手,呢個擺設就係搵嚟築地嘅劏魚專家教路,再製作出一條金槍魚模型,模型仲包埋把刀兼可以拆開,而拆開嘅唔同部份都係當現實專劏魚時一樣嘅。唔信入嚟睇吓條築地劏魚真人片,再對比番件模型啦!連個包裝盒都扮足海鮮一樣!不過,我想話呢條膠魚都唔平,要29,400円……

Read more ›
新片速報《攻殻機動隊Arise border:1 Ghost Pain》預告 上映日PSN配信
by / on 18/05/2013 at 1:46 pm

新片速報《攻殻機動隊Arise border:1 Ghost Pain》預告 上映日PSN配信

日本PSN有個Video頻道,好多動畫可以俾錢睇到,例如呢套喺5月24日上映嘅《攻殻機動隊Arise border:1 Ghost Pain》,喺戲院上映當日就會有得睇。《攻殻機動隊Arise》係1989年士郎正宗嘅漫畫作品,而呢套就係第4部作嘅第1話,香港攻殼迷就唯有睇住預告先喇。

Read more ›
新片速報《Street Fighter》呼拉圈版 狂轉133個出超必
by / on 18/05/2013 at 12:59 pm

新片速報《Street Fighter》呼拉圈版 狂轉133個出超必

除咗瘋癲之外,我真係諗唔到其他形容詞去形容呢條片。片中呢個發晒狂嘅女人,名為Marawa,原來係呼拉圈高高手,最勁可以同時間轉133個呼拉圈,而佢同時又好鍾意玩街霸,於是,就製作咗呢條片……片中佢不停做出奇情嘅動作,打爆飛埋佢身邊嘅水果……最後仲出必招—133個呼拉圈狂轉!K.O.對手。OK,You Win。

Read more ›

日本學生再玩嘢 扮完巨人扮甲蟲
by / on 18/05/2013 at 10:12 am

日本學生再玩嘢 扮完巨人扮甲蟲

繼扮出波爆氣、《進擊之巨人》嘅攝影法之後,呢兩日喺日本Twitter就出現呢組相片,呢幾條高中生趴喺地下,放個結他喺背脊,係,就係扮日本甲蟲獨角仙……呢張相喺Twitter被瘋狂轉載,之後就有其他人加入扮甲蟲嘅行列,而留言嘅日本網民就讚多過彈,多數都係讚佢哋有創意,仲有人話佢哋好聰明……計我話,簡直係天才。

Read more ›
有相有片!Yahoo!熱門關鍵字第一  台灣「天氣女郎」長腿攻陷日本
by / on 17/05/2013 at 8:50 pm

有相有片!Yahoo!熱門關鍵字第一 台灣「天氣女郎」長腿攻陷日本

有留意台灣或者日本藝能界嘅,都應該知道台灣有7個長腿正妹之前因為喺電視台報導天氣而紅咗,仲組成「天氣女孩(ウェザーガールズ)」去咗日本發展。佢哋經過日語訓練之後,已經出過細碟,而早前上過日本電視節目《SUKKIRI!!》之後,更加成為日本Yahoo!關鍵字第一名。如果你未睇過佢哋嘅表演或者靚相,入嚟有相有片可以慢慢睇腳;最後講講佢哋嘅近況,除咗嚟緊7月3日會喺日本推出佢哋嘅大碟!仲有就係下年1月佢哋將會參加1994年開始舉辦嘅「National Weather Forecaster Exam」,主要考佢哋嘅天文知識,而舉行咁多年嚟,只有8,843人合格通過,合格率只有5%!

Read more ›
進擊的網頁遊戲 諫山創原稿畫質
by / on 17/05/2013 at 8:45 pm

進擊的網頁遊戲 諫山創原稿畫質

  有睇我Blog的話, 應該知我係遲來的《進擊的巨人》粉絲, 最近俾我0係網上發現非常忠於原著0既網頁小遊戲, 你睇佢0的畫功, 真係媲美諫山創原稿, 真係睇見個遊戲畫面, 我都已未出發先興奮! 遊戲好簡單, 你要用個Mouse控制立體機動裝置, 飛簷走壁、避開巨人, 不過左上角有個氣壓計, 用晒就冇得飛, 等巨人食……

Read more ›
製作影片公開 日本咖啡神 動漫咖啡加顏色
by / on 17/05/2013 at 8:31 pm

製作影片公開 日本咖啡神 動漫咖啡加顏色

利用Latte上面o既泡沫o黎整動漫人物,之前都報導過,不過只係得泡沫o既白色同埋咖啡o既啡色,似乎單調o左少少。於是,呢個日本沖咖啡專家Nowtoo Sugi,就利用可食用、有顏色o既糖漿加入咖啡泡沫上面,製作出彩色o既動漫人物咖啡!加咗色之後,Iron Man個感覺返晒o黎,仲有高達、渣古、多啦A夢、魔童叔叔,連《進擊之巨人》都有!入嚟仲可以睇到佢製作咖啡o既片段,呢門手藝確係幾勁。

Read more ›
巴西DOMINO新食法 DVD機煲Pizza
by / on 17/05/2013 at 8:15 pm

巴西DOMINO新食法 DVD機煲Pizza

放假唔想出街, 最好就係煲碟叫Pizza! 0個種感覺簡直係糜爛到極點, 咁先至似放假0麻! 巴西人好似同我0地諗法差唔多, 而且當地0既DOMINO PIZZA仲同當地10間DVD租碟店攪0左個DOMINO’S PIZZA DISC US的廣告活動; 當你羅隻黑夜之神、Argo、007返屋企時, 你會發現佢係黑碟一隻, 但當你煲完套戲、羅佢返出0黎時, 你會發現佢會變成一個熱辣辣Pizza, 仲要係有香味0架! Player當焗爐、Yummy!

Read more ›

回帶影片 百裂腿春麗Gif 回顧Cosplay好腳法
by / on 17/05/2013 at 3:58 pm

回帶影片 百裂腿春麗Gif 回顧Cosplay好腳法

近日喺網上見到有張輕腳輕腳輕腳百裂腿嘅春麗Cosplay Gif,有外國網站就起底,原來係2011年一個法國Cosplayer嚟。而順便,佢哋仲搵埋2010年英國演員Chloe Bruce Cos春麗顯腳法嘅影片,當時街霸製作人小野義德都在場,睇到拍晒手。

Read more ›
第二報《Evangelion 3.33》 X 《Puzzle & Dragons》覺醒初號機/使徒現身!
by / on 17/05/2013 at 1:51 pm

第二報《Evangelion 3.33》 X 《Puzzle & Dragons》覺醒初號機/使徒現身!

轉珠迷,如果你同時都係《Evangelion》迷,10日後5月27日就係大日子!因為《Evangelion 3.33》 X 《Puzzle & Dragons》計劃將會始動!啱啱官方網站就有新料第二報發佈,見到晒4位主角機體外,仲有《破》中嘅覺醒版初號機同埋第4、第6使徒!我還定卡數等你呀!

Read more ›
幻術之眼 驚嚇隱形眼鏡 敢戴嗎?
by / on 17/05/2013 at 12:55 pm

幻術之眼 驚嚇隱形眼鏡 敢戴嗎?

諗起如果視力有咩問題,動漫睇唔到、機打唔到,真係心都寒埋,所以各位小朋友,我哋要好好保護自己對眼睛呀。戴隱形眼鏡戴得多都唔好,但係為求方便有時真係冇辦法,至於呢啲有色嘅隱形眼鏡呢?嘩頂,有Hello Kitty、米奇老鼠、寫輪眼,仲有好多好驚嚇嘅,我就真係唔敢試。

Read more ›
夠鐘啦!起身啦!
by / on 17/05/2013 at 10:00 am

網圖分享:起身喇小寶寶!

一次過上載廿八張相,Upload到我手都軟埋,正所謂無功勞都有苦勞,當畀面,呢條News一定要睇呀。呢組圖非常有趣,用Total廿八張插圖串成一個簡單故事,故事講媽媽點樣湊頑皮小寶寶,由小寶寶賴床開始,到揭開被竇換衫,到強制性換片,到澡涼洗頭,到刷牙洗面,到著番乾淨衫,到飲奶飲湯,到抹面戴多朵小黃菊,到最後同媽媽親嘴,全程由萌到爆o既插畫加兩隻手指表達,零對白,畫面簡單但畀到人好Warm好溫馨o既感覺,單係呢份心機同心思,已經值得表揚,我畀Like。

Read more ›