fbpx

Category: 潮玩新聞

星期日悠閒靚早餐    網站過百食譜DIY

星期日悠閒靚早餐 網站過百食譜DIY

星期日悠悠閒,你會選擇啪個出前一丁,定係喺廚房起個壇整個靚早餐?外國網站little nummies入面有大量靚到唔捨得放入肚嘅食物,全部擺到好似一幅畫咁精緻,因為靚媽Kellie Strickland有三個女,每日淨係諗煮乜嘢氹佢哋開心都諗到頭痕,於是開埋網站將作品公諸同好,有埋整法等大家跟住學,不過靚還靚,睇落應該唔多飽肚,唔知佢三個囡囡有無同感?

Read more ›

揚威網絡 強國強發明 「尿不歪」射擊修正器

揚威網絡 強國強發明 「尿不歪」射擊修正器

話說9月1日,深圳城管實行「公廁尿歪罰款100元」嘅規定,呢個條例本身好勁,我喺度諗,點實行呢?阿城管人員係咪跟埋我入廁所望住我睇吓我嘅射程範圍去到邊?算喇,大陸嘅嘢我哋唔明o架喇。不過有商人就好快咁諗到新產品,就係簡單一個漏斗再加條管,變成「尿不歪」,條片睇到兩名婦人喺廁所門口兜售,10蚊一個,好過俾人罰100蚊喎,仲有人親身試用……我嘅問題又嚟喇,用完之後我點帶喺身呢?唔通佢哋有寄存服務?不過點都好,呢個發明已經吸引到日本網站介紹,好威呀!作為香港人,與有榮焉。

Read more ›
面對現實 日本奇異麵包 挑戰角色底線

面對現實 日本奇異麵包 挑戰角色底線

日本出過好多動漫人物造型嘅食物,曾經出過事嘅都好多,例如之前嘅初音肉包,又有之前分享過嘅比卡超麵包……日本網站就集合咗網民分享遇到最奇異嘅麵包造型,當中有多啦A夢、Hello Kitty、麵包超人等,仲有船橋市嘅吉祥物Funasshi……其實我唔肯定我自己有冇認錯。

Read more ›
網民驚豔    內地「美女鬼教官」揚威日本

網民驚豔 內地「美女鬼教官」揚威日本

中日關係一直緊張,尤其牽汲到軍事問題,不過靚女又唔同講法,內地最近出現一位靚絕軍界嘅女教官,有人將一位女軍官喺街頭演練嘅相片貼上內地嘅貓撲(tt.mop)網站,引起網民大肆討論,大家都話「今屆學弟真幸福!」,幾個日本主要嘅新聞網今日有大篇幅報導,仲形容佢為「美人鬼教官」!老實,我覺得佢真係幾靚,起碼外貌似係純天然,我講「似」,因為內地嘅嘢,我唔敢寫包單。

Read more ›
為兩餐乜都肯制 MK驚現第八銅人

為兩餐乜都肯制 MK驚現第八銅人

香港地,有手有腳一定唔會餓死,只要唔怕俾人話騎呢,就保證你搵到兩餐晏仔。有點子夠Guts的話,連郁唔使郁,企定定做人肉布景板,就自自然然財源滾滾來。不過我見到呢個十八銅人,淨係諗起「方丈份人好小器架」!

Read more ›
Hello Kitty 再乘牛奶妹    三宗罪:有口伸脷戴假髮!

Hello Kitty 再乘牛奶妹 三宗罪:有口伸脷戴假髮!

Hello Kitty,我一直原諒你有啲隨便,好鍾意同人聯乘,但係今次你真係玩大咗,你睇你自己,紮孖辮都算喇仲多咗個口,仲學人伸脷O忝!你唔好見牛奶妹伸脷你就學人,上次聯乘你都無伸脷o格,你要認真考慮吓啱唔啱自己,fans接唔接受倒嘛。好啦,雖然我鬧完你,但係睇多兩眼我覺得你個樣又好似幾無辜,隻貓耳又好似幾古惑,好啦,我買排試吓啦,有兩款禮盒裝嘛,10月8日出嘛,跟糖送貼紙嘛,但係你下次真係唔好再咁樣嚇我喇,知無?

Read more ›

有片   日本爆笑廣告     打火機Jii攬女食煙爆紅

有片 日本爆笑廣告 打火機Jii攬女食煙爆紅

瘋狂搞笑嘅日本廣告,好耐無睇過咁瘋狂搞笑嘅日本廣告,所以雖然已經係一年前,都忍唔住要分享吓。影片主角係一隻叫Jii(讀音: G)嘅打火機,佢唔單止係打火機,打開隻腳之後仲係USB,不過係用嚟叉電,等個火機長著長有。影片好睇在阿Jii演出奔放,又攬女食煙又坐海賊船揚帆出海,而且首主題曲勁洗腦,「A B C D E F Jii」,雖然有啲爛,但無宜家傢俬首廣告rap歌咁抽水,睇完我心情好舒暢,難怪影片有過百萬views,有品味!

Read more ›
Emoji拼圖手機app   表情符號無處不在

Emoji拼圖手機app 表情符號無處不在

有無發覺用Whatsapp時唔用Emoji表情符號,會周身唔自在,感覺詞不達意,表達唔倒自己內心感受?如果答案係肯定嘅,好明顯你同絕大部份人一樣中咗Emoji毒,所以你應該攞8蚊出嚟買埋呢個手機app。名為Emojify嘅手機app,由星加坡公司VoidWorks開發,可以將手機內任何一幅相變成Emoji拼圖,蒙羅麗莎嘅微笑,都唔及Emoji嘅笑臉咁誠懇,咁千變萬化。

Read more ›
將軍漢堡又嚟喇

將軍漢堡又嚟喇

老死宅男甲忽然彈一句:「老麥又出將軍漢堡喇,正!」老麥啲嘢食,我唔太抗拒亦唔會話好鍾意食,發口痕久唔久一餐半餐就幾滋味咁囉。

Read more ›
新片速報 吊起自己 Cosplay《Portal 2》GLaDOS

新片速報 吊起自己 Cosplay《Portal 2》GLaDOS

GLaDOS都可以Cosplay,呢位外國Coser就花咗幾個月時間整作咗呢套衫同埋個機關,佢仲吊起埋自己嚟Cos《Portal 2》入面嘅GLaDOS。但問題嚟喇,佢點樣放番自己落地?

Read more ›
Facebook雪糕有得賣   Mark Zuckerberg仲未知

Facebook雪糕有得賣 Mark Zuckerberg仲未知

作為Facebook嘅死忠fans,除咗塗facebook指甲油之外,梗係要食埋Facebook雪糕啦!呢杯藍色嘅Facebook雪糕喺克羅地亞有得賣,話說賣雪糕嘅媽咪Admir Adili見15歲嘅囡囡好鐘意上Facebook,於是決定整杯facebook雪糕氹吓佢,好簡單,喺雲呢拿雪糕內混入藍色糖漿,再加多個Facebook Logo就大功告成,佢仲將呢杯雪糕喺店舖賣,點知大受遊客歡迎,成為Murter Island今年夏天嘅熱賣雪糕!當然Facebook主腦Mark Zuckerberg仲未知,但係媽咪無有怕,仲話:「如果佢搵我,我會問佢o架! 」

Read more ›

日本新設計雙扣Bra 食飽飯要解扣

日本新設計雙扣Bra 食飽飯要解扣

有冇試過食得太飽,要將皮帶鬆一格?女仔未必有皮帶,但都總有嘢箍住自己,無錯喇,係個Bra。呢個日本Une Nana Cool出品嘅新設計Bra就叫做「one more dish」,簡單嚟講,就係前面會加多咗個扣,如果食得太飽,就可以解開呢個扣鬆一鬆,原理係點可以入嚟睇,以免必要時解錯。BTW,乜食得太飽個胸會大o架咩?

Read more ›
新片速報 98米高塔投籃 荷蘭男破世界紀錄

新片速報 98米高塔投籃 荷蘭男破世界紀錄

勁喎!雖然彩數都店好重要地位,但呢位荷蘭人都實在係勁!佢喺98米高嘅Euromast頂部射波,掉落去地面嘅籃球架!跌落去都講緊要幾秒時間!之後應聲入籃,一陣歡呼聲!就係咁破咗世界紀錄!呢條影片可以由多角度睇到投籃過程,恭喜晒。

Read more ›
新片速報 劇場版《魔法少女まどかマギカ 叛逆の物語》最新預告影像

新片速報 劇場版《魔法少女まどかマギカ 叛逆の物語》最新預告影像

10月26日喺日本上映嘅劇場版《魔法少女まどかマギカ 叛逆の物語》,啱啱喺日本電視節目公發佈咗新片段,呢條片好睇之處除咗有動畫預告外,就係聲優悠木碧現身……

Read more ›
新片速報 巨人化教學影片 超誇張化妝表現

新片速報 巨人化教學影片 超誇張化妝表現

近幾個動漫活動,無論係外國、日本或者香港,都有人Cos《進擊之巨人》嘅巨人,當中有60米巨人,又有艾倫版巨人,又有鎧之巨人。呢條片嘅主角,先前就教過大定化60米巨人妝,而今次就係艾倫,睇佢化妝都其次,過份誇張嘅演繹手法先至令人有啲頂唔順……其實,唔係咬自己隻手就可以巨人化o架咩?

Read more ›