潮玩新聞

有片有歌聽! 初音香港演唱會舞台續報!
by / on 03/10/2012 at 11:54 am

有片有歌聽! 初音香港演唱會舞台續報!

噚晚出咗現場實況,今朝終於收到舞台相片同影片!日晚兩場演唱會吸引咗超過五千名歌迷同超過五千支熒光棒入場,唔得閒或者屋企人唔俾去嘅,係咪覺得周身痕?以下有一條現場影片,原曲〈みくみくにしてあげる〉兩分幾鐘,聽歌之餘仲可以感受到現場熱烈氣氛,有去嘅都要回味吓啦!

Read more ›

藍蟹Perfect Taste火鍋專用豆腐
by / on 03/10/2012 at 10:00 am

藍蟹Perfect Taste火鍋專用豆腐

  我講你聽!我呢生人最憎就係打邊爐!你試過大熱天、晚晚出街食飯都要打老邊未?Gameover幾位老總就係咁自私又唔理員工死活嘅一個機構,好彩呢排天口涼,都無咁慘;不過如果有咗呢隻「火鍋專用」藍魔蟹,我諗會打得開心啲!

Read more ›
實況率先睇 初音香港首次演唱會
by / on 02/10/2012 at 11:42 pm

實況率先睇 初音香港首次演唱會

今日(2日)初音未來第一次嚟香港開演唱會,開晏晝同夜晚兩場,近飛企位,遠飛坐位,計我話就梗係企就開心啲啦!場內唔俾影相,舞台相片要等官方發放,應該聽日有喇!留意續報啦!好,講番今晚花絮先,未入場已經見到綠色閃燈,因為有好多叔嬸拎住熒光棒兜售,喂!乜咁醒多數都係賣綠色嘅?仲有個啲熒光棒上面寫住初音未來o架!PS Vita喺門口擺咗個試玩攤位,仲有Tiffie又扮初音……

Read more ›
新片速報  AKB輪住咀無限loop  今晚唔駛瞓
by / on 02/10/2012 at 6:17 pm

新片速報 AKB輪住咀無限loop 今晚唔駛瞓

呢條片真係要無限loop呀!《AKB1/149 恋愛総選挙》仲有2個幾月先出,但官方又有最新廣告片提醒大家儲錢買game嘞。基於廣告只得短短15秒,點樣喺最短時間內施展吸睛大法?就係將多位女主角嘅KISS告白場景一次過剪埋落條廣告片比大家睇嘞,我都忍唔住loop咗5次,你呢?呢隻PSP/PS Vita模擬戀愛遊戲,將於12月20日推出,等大家有女朋友陪你過聖誕呀!

Read more ›
《Evangelion新劇場版:Q》綾波麗請你食飯計劃
by / on 02/10/2012 at 11:23 am

《Evangelion新劇場版:Q》綾波麗請你食飯計劃

其實我想講,就算《Evangelion新劇場版:Q》完全冇宣傳,完全冇crossover,我都係會乖乖地買飛入場睇。不過下集都唔知幾時上,唔趁今集掠到你盡咩?嗱,今次就唔係出啲產品引你俾錢,而係有著數俾番你,由今日開始至11月30日喺日本1950間食店,包括笑笑、白木屋等居酒屋消費,只要你同動畫中主要角色同名或同姓或同名同姓,咁就會有折頭,最勁半價!咦?唔知如果我叫黃日香、陳波麗、趙真希、凌波波咁,有冇得平?

Read more ›
打手機必備 iControlPad 2咩都連到
by / on 01/10/2012 at 7:40 pm

打手機必備 iControlPad 2咩都連到

上年Product 3 LLC都推出過iControlPad,而新一代就會喺今個月推出,又係喺KickStarter網站集資。今次iControlPad 2多到有成55個掣,除咗兩個Analogue之外,仲有埋L、R掣,加埋鍵盤,我諗我直情可以用手機嚟寫稿呀!除咗對應iPhone同Android手機外,Tablet都用到,仲有屋企部PC、Mac機有藍芽都可以用到!爆電可以玩12至14粒鐘,仲聲稱唔需要任何特定支援,係game都可以map到!最平$69買到,賣到10月13日,有買趁手!網站入面有示範影片link,可以睇吓。

Read more ›

獵奇新片 水底開槍會係點?
by / on 01/10/2012 at 6:33 pm

獵奇新片 水底開槍會係點?

我諗咗好耐,到底呢段片關GameoverHK咩事?有喇,射擊遊戲你哋個個都會開槍嘛,仲少不免會喺水入面開槍,咁到底喺水底開槍嘅效果應該會點呢?呢段真實片段就睇到。係,係有啲無聊,但我又的確好奇想睇吓喎。

Read more ›
Donkey Kong 浮誇DIY書架
by / on 29/09/2012 at 7:06 pm

Donkey Kong 浮誇DIY書架

  唔知你對Donkey Kong有乜感覺,喺我記憶……係5毫子喺村口士多排隊玩一舖,睇見呢個DIY書架,真係好有感覺,起初睇見啲色咁浮誇,仲以為係CG,原來係一個玻璃架,真係好鬼8-Bit風味!不過個人覺得,唔可以放任何嘢上去,除咗係大木桶,擺咗嘢,會完全破壞晒風味!有架似無架,好鬼古龍喎!

Read more ›
$2,200
by / on 28/09/2012 at 7:04 pm

福利模型 28/9新貨目錄

  Macross Frontier可以話最有Macross味嘅後續!係Fans無可能唔撐!不過佢隻模型真係零零碎碎,砌出嚟始終唔太靚,好彩有DX超合金版,今次係出VF-25G,即係藍色「麥斯」嘅Sniper Mode,呢支槍真係相當靚仔,就算唔係主角機都無問題,而且可變身三個型態,機械人Mode時可見擺Pose都完全無問題,$2,200!其實幾抵畀吓!

Read more ›
新片速報《009 RE:CYBORG》預告片曝光
by / on 28/09/2012 at 3:17 pm

新片速報《009 RE:CYBORG》預告片曝光

原作石ノ森章太郎、腳本及監督神山健治,全新製作人造人009動畫劇場版《009 RE:CYBORG》,將會喺10月27日喺日本上映。之前見到佢哋嘅造型已經勁期待,睇埋呢段最新預告片,真係必睇。仲有,官網都值得一去,因為可以睇到今次作品同各單位嘅合作產品,當中同銀器飾物潮牌Jam Home Made嘅就夠晒有型,仲有[email protected]、百事等等!最後,Medicom都會幫佢出RAH系列呀!

Read more ›
SEIKO X STAR WARS 極限量10BAR防水錶
by / on 27/09/2012 at 6:20 pm

SEIKO X STAR WARS 極限量10BAR防水錶

  SEIKO X STAR WARS!10月12號出新錶搵真銀!咁多隻裏面最特別係R2-D2!其他全部行指針錶面,係佢玩電子顯示,真係貼晒題,另外黑武士同赤武神係錶面玩刻度,霸氣好多!

Read more ›

新片速報 Neo Geo X實機測試
by / on 27/09/2012 at 2:40 pm

新片速報 Neo Geo X實機測試

唔係我哋咁神通廣大班到呢部12月出嘅手提機,只係有日本網站已經有機到手可以測試到啫。呢部內置20隻Neo Geo經典遊戲嘅手提遊戲機將於12月6日推出,售19,900日元,之後仲可以下載不斷推出嘅唔同遊戲……睇片就睇到個畫面幾靚,啲掣又幾好按咁……對唔住,好廢話,但我盡咗力。報導內有遊戲陣容同主機規格。

Read more ›
新片 任天堂都出薄機! 竟然係N64!?
by / on 27/09/2012 at 2:08 pm

新片 任天堂都出薄機! 竟然係N64!?

PS3出薄機?唓,又唔係平過人,又唔係有咩新功能……都係任天堂好嘢!不過呢部並唔係官方出嘅,而係有網友自製嘅。係,你講冇錯,有啲西人生活真係太悠閒,悶悶哋又要整多兩味,拎部牛龜大機N64出嚟拆開佢,再放入一個細殼度……講真,係幾靚仔,我仲記得N64有隻機戰好鬼好玩!講起都掛住佢!

Read more ›
超型海報登場《LUMINE MENS × EVANGELION TYPE BLUE》
by / on 26/09/2012 at 6:20 pm

超型海報登場《LUMINE MENS × EVANGELION TYPE BLUE》

《Evangelion 新劇場版:Q》11月17日上,我仍然期望香港可以同步上……因為你知啦,今年12月21日隨時係第一次衝擊嘛……可惜因為中日關係,北京國際動漫博覽會個日本館將會延期登場,即係入面嘅EVA都唔會去中國住,不過日本本土就梗係繼續宣傳啦!最新係喺10月間喺東京LUMINE EST新宿同埋LUMINE MAN澀谷消費滿一定金額,就可以得到河村康輔設計嘅海報、file、貼紙等產品,新宿係綾波零,澀谷係初號機!嘩嘩嘩嘩!又係咁!我啱啱返嚟咋頂!

Read more ›
$2,020
by / on 26/09/2012 at 2:07 pm

福利模型 26/9新貨目錄

 

Read more ›