潮玩新聞

「The spirit collection」推出《Slam Dunk》 作客球衣櫻木花道
by / on 05/02/2013 at 10:11 am

「The spirit collection」推出《Slam Dunk》 作客球衣櫻木花道

繼宮城良田同紅衫櫻木再版之後,由井上雄彥監修、鈴木剛做原型製作嘅「The spirit collection of Inoue Takehiko」第4彈會係流川楓,呢個消息之前都宣佈咗啦。但喺流川推出之前,啱啱竟然發佈咗一款限量版白衫櫻木!造型動作全部一樣,但就換上白色湘北波衫!仲要限量1,000個!發售日未定,售價就同普通版一樣係6,600円,咦?咁之後宮城、流川……咪有兩隊?

Read more ›

終極葡萄!「雪初音」慶典  北海道今日開催
by / on 05/02/2013 at 7:02 am

終極葡萄!「雪初音」慶典 北海道今日開催

如果你係初音fans,又唔準備去北海道,我建議你千祈唔好睇落去。由今日開始,為期七日,名為「Snow Miku」雪初音慶典正式喺北海道展開。今年嘅雪初音,老實,可愛造型真係靚到不得了。北海道全線51間Family Mart仲會推出大量初音食品及精品。當然仲有雪初音痛電車、演唱會同埋展覽。另外,喺機場、郵局及會場,亦有電話繩、杯、明信片、筷紙、年曆等大大大大量精品等你入手。如果你咁好彩有朋友去開北海道,送多個喼比佢幫你掃貨啦!入嚟官網仲有好多嘢睇,我用咗一小時睇,葡萄咗一小時,好想搭飛機去北海道過新年呀呀呀呀!

Read more ›
by / on 05/02/2013 at 7:00 am

地板上的3D畫

嚇死朕!數一數,藍、綠、啡、灰、白、橙、黑、紅,只須要唔夠十隻顏色嘅粉筆,就可以喺地板畫到呢首非常有立體感嘅畫,當真神乎其技。

Read more ›
新片速報 《Iron Man 3》飛機爆破 勇救空姐
by / on 04/02/2013 at 5:14 pm

新片速報 《Iron Man 3》飛機爆破 勇救空姐

每年美國超級碗舉行期間都會有勁多強勁廣告播出,今年其中一條就係《Iron Man 3》嘅新預告片。唔好睇見有啲場面熟口熟面,其實去到中後段係未曝光過嘅片段!一架飛機空中爆炸,Iron Man及時著住一套爛爛哋嘅甲飛出嚟逐個夠!喂點解救個空姐先?個空姐仲要咁嘅樣?Iron Man你變咗喇。

Read more ›
狗狗著時裝 Chok樣做Model
by / on 04/02/2013 at 4:53 pm

狗狗著時裝 Chok樣做Model

呢隻嚟自美國紐約嘅柴犬,多得佢個平面設計師主人David Fung同佢個時裝設計師女朋友Yena Kim,令佢變成時裝模特兒。佢著嘅衫唔係狗仔衫,而係人著嘅男裝衫,喺呢個「Menswear Dog」仲有詳細配搭品牌介紹……講番佢個名,叫Bodhi,啲Chok樣實在好有潮模風範。

Read more ›
影到出煙 鏡頭噴濕器
by / on 04/02/2013 at 2:12 pm

影到出煙 鏡頭噴濕器

可能日本、外國興用暖氣,所以成日都有噴濕器推出,而且仲要係用USB攞電咁至方便,可以喺公司用嘛。呢個新出嘅相機鏡頭噴濕器就好搞笑,$25美元。放喺度個鏡頭識噴煙咁,加埋你嗰個喺旺角買嘅鏡頭水杯,咪成個攝影大師咁囉。

Read more ›

獵奇影片   Hello Kitty太空探險  零下39度無走樣
by / on 04/02/2013 at 12:16 pm

獵奇影片 Hello Kitty太空探險 零下39度無走樣

今次Hello Kitty威威,學人飛上太空探險!說話外國有班7th grade學生做科學堂project,測試升空後海拔氣壓、空氣之類。幾個學生當中可能有Kitty迷,忽發奇想,將Kitty放埋入自製嘅升空火箭內一齊登天。入面有片睇,佢哋用咗GoPro Hero2 camera拍攝,可以睇倒Kitty空中多角度美態,Kitty喺海拔萬四米、零下39度都無走樣。另外大家放心,最終Hello Kitty成功返到地球,安全著陸,不過嚇到唔識笑。

Read more ›
「CP+2013」展場 Pentax Q10 X 《Evangelion》真機現身!
by / on 04/02/2013 at 12:08 pm

「CP+2013」展場 Pentax Q10 X 《Evangelion》真機現身!

先前已經事先張揚話會喺「CP+ CAMERA & PHOTO IMAGING SHOW 2013」現身,Pentax Q10 X 《Evangelion》可換鏡頭相機已經有日本傳媒拎過上手玩。比較失望嘅係展場中冇model,只有綾波麗同明日香嘅1:1公仔孭住部相機仔企喺度。相機會喺4月發售,限量1500部,賣59,800円。最後,加埋相機展入面嘅Show Girls出場,冇咁齋。

Read more ›
Hello Kitty有嘴識笑?官方聯乘系列今夏推出
by / on 04/02/2013 at 11:37 am

Hello Kitty有嘴識笑?官方聯乘系列今夏推出

有無見過Hello Kitty有嘴識笑?我幻想過,但見到實物唔知點解有啲驚。呢個全新設計嘅Hello Kitty系列,由西班牙設計師Javier Mariscal設計,目的係紀念日本同西班牙交流400年。設計師之前為巴塞隆拿奧運設計吉祥物Cobi,屬國寶級設計師,佢話,呢個唔係Kitty個嘴,係設計嘅一部份。不過我唔信。呢一系列產品今年夏天日本有得賣,將會有服裝、文具等推出,Kitty粉絲係時候儲定錢嘞。

Read more ›
圖輯  巨型Pentax 6×7戴上頭   阿婆武士齊惡搞
by / on 04/02/2013 at 11:19 am

圖輯 巨型Pentax 6×7戴上頭 阿婆武士齊惡搞

台灣有仆街少女,因為拍攝瞓街相成為網絡紅人;日本呢?最近有位日本Flickr用戶Klyoshimachine,拍攝咗一系列頭戴巨型Pentax 6×7相機框相片而備受注目。攝影師戴住呢個惡搞味濃嘅大頭相機四圍走,婆婆、靚女、日本武士人人玩埋一份。估計佢應該總共整咗三個巨型相機,因為佢試過三個叠高影相。輯相資素唔錯,值得一睇。至於點解係Pentax 6×7?唔係賣廣告啩?

Read more ›
獵奇新片   東京動物園   員工cosplay班馬災難演習
by / on 04/02/2013 at 7:58 am

獵奇新片 東京動物園 員工cosplay班馬災難演習

呢隻班馬,一睇就知係人扮,不過佢唔係為興趣cosplay,而係工作需要。話說日本經常地震,位於東京嘅Tama Zoo為演習地震後動物逃亡應變措施,搵咗其中一個員工扮班馬,入面有片睇,雖然出動晒獵槍、全體員工,但隻班馬真係好挑皮,撞跌工作人員之後又扮死,堅好笑。我懷疑佢平日工作壓力大,成日比啲班馬恰,所以扮起上嚟over晒,發晒脾氣,肯定有私心。

Read more ›

新片速報 暴殄天物系列 紅白機變紅白車
by / on 03/02/2013 at 7:30 pm

新片速報 暴殄天物系列 紅白機變紅白車

其實有部任天堂紅白機喺屋企,真係可以話係資深機迷嘅象徵,而且要有一部運作正常仲玩得嘅就更加難得。偏偏,呢個叫友樹小堀嘅日本人就將一部紅白機改裝成為遙控車,第一次試驗,係無線嘅;之後仲勁,有線,但就係用番紅白機個控制器嚟控掣。最後,炒咗落地……

Read more ›
服務枱靚姐姐失業了! 後投式數碼詢問處
by / on 03/02/2013 at 3:18 pm

服務枱靚姐姐失業了! 後投式數碼詢問處

人同人之間, 好多0野都真係幾難以啟齒, 0係呢個時候……就要靠機械人! CASIO新開發0左一個叫Signage 0既小東東, 簡單理解, 佢係一個背投式投影機, 將影像打落一個不規則, 可以係漢堡包、天使、魔鬼或真人圖形上面。

Read more ›
特別版Play Arts 小島秀夫變雷電?
by / on 03/02/2013 at 3:17 pm

特別版Play Arts 小島秀夫變雷電?

講起《Metal Gear》,機迷一定係諗起小島神小島秀夫啦。雖然嚟緊2月嗰隻《Metal Gear Rising》唔係小島工作室開發,但佢監修嘅功勞都功不可沒。Square Enix嚟緊會為遊戲主角雷電推出黑甲版Play Arts,而遊戲特別版就有白甲版,咁呢隻呢?呢隻係Square Enix送俾小島秀夫嘅特別版,用咗佢個樣做頭像。而阿小島佢收到呢份禮物之後,仲第一時間將個頭放咗落佢隻Snake Play Arts度,變身小島蛇!

Read more ›
惡搞玩具攝影 超人英雄的少女情懷
by / on 03/02/2013 at 1:54 pm

惡搞玩具攝影 超人英雄的少女情懷

你屋企啲超人Figure、Iron Man 12吋、Medicom幪面超人,梗係擺得有咁有型得咁有型啦。但呢個外國Blogger BakAnki嘅口味就有啲特別,佢帶自己嘅玩具出去玩外拍,但就唔係擺啲咩戰鬥緊叫出緊絕招嘅pose,而係將佢哋少女化,擺出一個又一個萌味濃郁嘅動作……佢話:「It’s actually harder to do a girly pose and make it look good and natural.」其實,你已經成功咗。

Read more ›