潮玩新聞

日本落畫《Evangelion新劇場版:Q》票房總收52億
by / on 30/04/2013 at 1:01 pm

日本落畫《Evangelion新劇場版:Q》票房總收52億

香港啱啱上星期上映,上映日就係日版DVD、Blu ray推出之時,所以喺日本,套戲都正式全線落畫。埋單計數,由上年11月17日上映開始至落畫,全共有3,826,472人次入場,總收入係52億67,373,350円!o依家我哋可以做嘅,就係等結局上映,會唔會出現奇蹟,下年有得睇呀?

Read more ›

新片速報 AKB48最新單曲〈さよならクロール〉水著片段曝光
by / on 30/04/2013 at 12:49 pm

新片速報 AKB48最新單曲〈さよならクロール〉水著片段曝光

AKB48新作,出道以嚟第31首單曲作品〈さよならクロール〉,繼封面曝光之後,亦都有片段喺日本電視台播出。3月喺沖繩拍攝,梗係有水著、陽光加海灘,由渡辺麻友、島崎遥香、大島優子、板野友美當Center,蜷川実花拍攝,夏天呀夏天呀!5月22日發售喇!

Read more ›
新片速報《Pacific Rim》新預告 貨櫃碼頭打怪獸
by / on 30/04/2013 at 11:58 am

新片速報《Pacific Rim》新預告 貨櫃碼頭打怪獸

香港7月18日上映嘅《Pacific Rim(悍戰太平洋)》,之前已經講咗中國都有專屬機械人,而且仲係鎮守香港維港!咁即係會有香港場景?唔肯定,不過睇呢條新預告片就見到擬似香港出現,而最後一段,仲喺貨櫃碼頭肉摶!望落有啲似葵涌嗰個,咁吊機工人會唔會加入打怪戰線?打敗呢隻以大欺小嘅霸權怪獸?係,我忍唔住抽咗水。

Read more ›
瞓唔眼閉   驚嚇紋身眼長開
by / on 30/04/2013 at 11:21 am

瞓唔眼閉 驚嚇紋身眼長開

先生,你對眼大就幾大,但好似無乜神,係咪噚晚瞓得唔好?原來佢對眼係合!埋!緊!嘅!呢個外國紋身師傅好大膽走去紋眼,以後合埋眼都好似張開眼咁。先唔講眼皮咁薄,紋時一定超級痛,最重要係我相信佢好難搵枕邊人,大佬,有邊個想瞓覺時對方長期眼定定咁望住自己?

Read more ›
有片   Barbie忽然大肚   生仔生女無得揀
by / on 30/04/2013 at 8:08 am

有片 Barbie忽然大肚 生仔生女無得揀

今次真係玩大咗,點解Barbie會變咗大肚媽咪?無睇錯,的而且確係我哋熟口熟面嘅Barbie,但係除咗件衫之後,肚位多咗個殼,個肚居然仲可以打開,打開後會見到內藏嘅bb,好驚嚇!廠方仲懶風趣,盒上寫明生仔生女係隨機分配,多謝晒!仲有,攞走個肚同埋bb後,底芯會彈返個扁平肚出嚟,變返平時嘅fit爆barbie,救命呀!

Read more ›
珍寶珠玩具    變大自轉好玩到極
by / on 30/04/2013 at 8:08 am

珍寶珠玩具 變大自轉好玩到極

正,今個夏天小朋友又有新嘢玩!由Takara Tomy推出嘅珍寶珠攪攪糖果機,有得食又有得玩,日本有傳媒買咗返屋企試,原理好簡單,將支珍寶珠放入爆旋陀螺入面,加啲鮮奶或者你鍾意嘅飲品,攪呀攪,之後放入雪櫃,雪硬咗之後就變咗加大碼珍寶珠,最開心連埋個轉動器一齊用,放支糖上去一邊用手攪一邊自轉,咁咪可以用摩打手狂啜,好小學雞呀,哈哈。

Read more ›

動物崩壞   甩毛貓血腥狗賣萌
by / on 29/04/2013 at 10:39 pm

動物崩壞 甩毛貓血腥狗賣萌

陰功豬!以為邊個無良主人又為一己私慾,糟質自己隻貓剃淨佢頭頂啲毛,原來,呢隻只係一個羊毛冷公仔,表情毛質真嘅一樣,認真到嚇親!由日本Nasoko自製嘅羊毛冷公仔,引起好多網友談論,賣點在於動物極像真,而且場景古靈精怪,有疑似被殺嘅小狗,被剃毛嘅狗仔,好彩仲有啲得意動物撐場,入嚟有大量圖欣賞,希望狗主貓主唔好有樣學樣啦。

Read more ›
奇型生活態度 日本/中國Starbucks品味咖啡
by / on 29/04/2013 at 4:16 pm

奇型生活態度 日本/中國Starbucks品味咖啡

飲咖啡中唔中產我唔知,我淨係知飲青島就係真男人!喺香港,差唔多全部Starbucks一式一樣,而且我從來未見過一間星巴克係有空位嘅。咁日本呢?型咯,啲Starbucks各有特式,而且好多喺公園入面,真係好有悠閒氣氛;至於中國呢?我冇咗回鄉卡好耐,唔知原來有好多好有中國特式嘅星巴克,你睇,坐喺門口嗰啲人都係,一睇就知,中國人。

Read more ›
最強家居武器現身 日本寒冰噴霧 瞬間冰封殺蟲
by / on 29/04/2013 at 3:01 pm

最強家居武器現身 日本寒冰噴霧 瞬間冰封殺蟲

夏天嚟到,打機睇波到深夜,最驚係咩?我最驚係突然聽到拍翼聲,或者見到地下有黑影躝過……噴殺蟲水,就算隻曱甴真係死,佢死前都會加速亂走,而且臭嘛,我試過殺曱甴太忘形,之後見頭暈。拖鞋?拍完啲腸咇晒出嚟,真係好核突……咁呢個日本推出嘅冷凍噴劑就啱喇,佢可以噴出冷凍氣體,低達-75℃,咁被噴中嘅曱甴就會即時凍到唔郁得,咁我哋就安全喇!

Read more ›
17歲青年自製Iron Man   $500美金搞掂
by / on 29/04/2013 at 11:57 am

17歲青年自製Iron Man $500美金搞掂

又嚟Iron Man!今次講做人道理。有錢人可以豪花幾十萬買隻Iron Man 1:1 figure喺屋企擺,後生仔無乜錢但有嘅係時間同熱血,怕咩?梗係自己整啦!英國一個17歲高中生Archie Whitehead,用咗4個月時間,花費美金$500,製作咗呢件Iron Man服出嚟,個人認為非常之見得人。方法好原始,喺網上下載3D圖再黏黏貼貼,呢啲咪心機同埋青春囉。

Read more ›
《Puzzle & Dragons》X《Evangelion:3.33》今次大鑊鳥!
by / on 29/04/2013 at 11:35 am

《Puzzle & Dragons》X《Evangelion:3.33》今次大鑊鳥!

老實講,就算身邊人個個都玩《P&D》,但我都忍到手,因為我知我會忍唔住課金,越踩越深。但係,o依家俾我喺官網見到啲咁嘅嘢,你叫我可以點?可以點!除官網呢個預告畫面外,仲有就係網絡流傳呢兩張圖,真嗣加初號機、明日香加……咦?冇獨眼o架喎!詳情雖然未公佈,但,唉!5月27日前,我要做好準備……還清卡數先。

Read more ›

無臭新發明   恤衫連著100日唔駛洗
by / on 29/04/2013 at 11:21 am

無臭新發明 恤衫連著100日唔駛洗

如果你咁好彩日日要著恤衫返工,恭喜你,你可以唔駛再洗衫熨衫連續100日,因為Wool&Prince呢間外國公司,用咗6個月時間研製咗一款叫「Cotton-Soft」嘅特殊物料,聲稱可以防皺、防味,連續著足100日都無問題,$98美金一件,kickstarter集資已經火速完成,網站有詳細解釋,睇落似層層,不過夏天成身汗,唔換衫100日,你敢唔敢?

Read more ›
超像真Coser 《Metal Gear Solid》Naked Snake後生爸爸
by / on 29/04/2013 at 11:07 am

超像真Coser 《Metal Gear Solid》Naked Snake後生爸爸

Snake嘅Cosplay都好多,但呢個扮第3集Naked Snake嘅就真係幾有神髓,我講緊嘅外型上,無論衣著、頭巾、髮型同輪廓都好似,係爭少少神髓,因為呢個叫Rick Boer嘅好後生,只得25歲,始終冇嗰份歷練。講開呢個外國Cosplayer,佢咁後生已經結咗婚,而且仲有個女,佢仲係一個教師嚟!

Read more ›
完美爆樽    玻璃切割器Kickstarter集資
by / on 29/04/2013 at 7:54 am

完美爆樽 玻璃切割器Kickstarter集資

啤酒樽唔一定要用嚟爆嘅,今次呢個名為Kinkajou玻璃瓶切割器,仲喺kickstarter集資緊,不過我覺得好實用,切開嘅玻璃樽可以當酒杯甚至花樽用,又環保又慳錢,而且個切割器好慳位,想睇佢點運作,可以用嚟睇片,原來切玻璃好容易。

Read more ›
日本傳媒單車測試 麥當勞免提薯條座
by / on 28/04/2013 at 5:33 pm

日本傳媒單車測試 麥當勞免提薯條座

之前都報導咗,日本麥當勞喺4月24日開始出咗個薯條架,俾大家喺車度用,放包薯條上去邊駕車邊食熱氣嘢,浪漫囉,起碼好過香港啲麥頭飯。咁到底呢個座實唔實用呢?有日本傳媒就換咗個做實試,不過佢唔用車,用單車,一邊踩車一邊食薯條,雖然冇得點茄汁,而且應該好快凍,但嗰份情懷,真係唔知去邊度搵到。  

Read more ›