潮玩新聞

喵斗蓬冬天暖笠笠  夠唔夠膽揹出街?
by / on 05/01/2013 at 8:29 am

喵斗蓬冬天暖笠笠 夠唔夠膽揹出街?

又係喵?無辦法,冬天啲貓特別得意,又暖笠笠,所以喵新聞特別多。好似呢件喵斗蓬,成個書包咁,揹上身好似成隻喵爬咗喺你背脊咁舒服,仲唔會伸爪爪你O忝!又唔會甩毛喎!諗起都開心。暫時有白色同啡色任揀,港幣$240左右,大膽啲未過20歲仲可以揹出街‥‥‥呀!

Read more ›

新片4連環 「箱根駅伝」馬拉松 神龍現身 3隻菲利最搶鏡
by / on 04/01/2013 at 8:48 pm

新片4連環 「箱根駅伝」馬拉松 神龍現身 3隻菲利最搶鏡

介紹吓先,日本新年(1月2日、3日)舉行嘅「箱根駅伝(Hakone Ekiden)」,係超過200公里嘅馬拉松,20間嚟自關東地區嘅大學都會派出選手接力參賽。今年第89回「箱根駅伝」當中,最搶鏡唔係咩冠軍選手,而係呢3隻幫「日体大」打氣嘅菲利,佢哋相當奔放同鬼馬,完全視貼身白色衫帶嚟嘅激凸效果如無物,又踢腳又舉起條神龍亂咁舞!日本就有大量觀眾拍咗現場片擺上網,星期五晚入嚟笑吓都抵!另外我都終於明白,點解前幾日COSPA公佈最暢銷Cosplay服結果,菲利仲可以排到第7……不過,佢哋呢件係自製嘅,近睇仲有筆痕,笑點更高。

Read more ›
喵專用facebook  馬來西亞Meowbook開網
by / on 04/01/2013 at 8:36 pm

喵專用facebook 馬來西亞Meowbook開網

貓痴喜訊!係囉,每次你開著部電腦上facebook,你屋企隻喵總係喺個芒前面痴嚟痴去,點解?因為佢都想玩facebook囉!馬來西亞有人接收到喵呢個訊息,開咗一個叫Catmoji嘅meowbook – 專比喵玩嘅facebook,每隻喵可以有自己嘅account add喵友,仲可以好似你哋咁,將自己食嘢、瞓覺嘅靚相放上網share比喵friend等喵like同comment。同facebook開網時一樣,要有invite先可以加入o架!不過暫時未見有fans page,如果唔係尖東忌廉哥又可以開戶口收兵嘞!

Read more ›
兔耳黑絲好身材 迪士尼女角大變身
by / on 04/01/2013 at 2:01 pm

兔耳黑絲好身材 迪士尼女角大變身

我去迪士尼,最鍾意就係睇巡遊,因為啲西人公主、女角遠觀都幾靚女,佢哋仲同我飛吻添。咁有冇諗過如果現實中出現呢班女角會係點呢?如果佢哋好好身材又著得鬼咁性感又點算好呢?我可以肯定嘅係,如果佢哋個個都變成法國插畫家Virginie Siveton筆下咁款,白雪公主同花木蘭加埋愛麗斯都咁開放,我去迪士尼會冇咁苦口苦面。

Read more ›
新片速報 遙控超人飛上天
by / on 04/01/2013 at 10:47 am

新片速報 遙控超人飛上天

厲害,我開頭以為佢做咩呢?呢隻成個人咁高嘅超人唔通係風箏?果然,佢迎風而起,咦?有啲唔妥,飛到好遠喎!更奇怪嘅事係佢仲識飛返番嚟……呢段由名叫Triathlonky放上Youtube嘅片段,拍攝地點係加洲,拍片人話呢隻嘢係佢哋自製嘅,冇得賣,得個睇。

Read more ›
《聖☆哥傳》動畫宣傳片 惡搞《EVA》《One Piece》
by / on 03/01/2013 at 7:30 pm

《聖☆哥傳》動畫宣傳片 惡搞《EVA》《One Piece》

下年5月就上映嘅《聖☆哥傳》動畫,貫徹惡搞風格,之前就出咗兩條預告片。大膽在佢走去惡搞兩套仲喺日本上映緊嘅超大作,包括《Evangelion新劇場版:Q》同埋《One Piece Film Z》!搞到全個畫面都係EVA字但寫住「南無阿彌陀佛」,再嚟就係玩海賊嘅熱血、友情,正!

Read more ›

大陸天津3D畫展 立體自由行
by / on 03/01/2013 at 6:02 pm

大陸天津3D畫展 立體自由行

我睇日本網外國網,報導親中國都冇乜好嘢,不過都總有例外嘅,好似之前嗰個國產Iron Man面罩啦,仲有今次呢個天津嘅立體畫展。話說呢個畫展係上年12月喺一個天津嘅商場入面舉行,雖然冇講畫家係邊位,不過都畫得真係幾立體,同埋你睇啲自由行玩得幾開心……黐線!人哋喺自己地方又唔係落嚟香港,自咩由行?係喎,一時叫慣咗,sorry。

Read more ›
獵奇Coser Comiket 83集結
by / on 03/01/2013 at 4:35 pm

獵奇Coser Comiket 83集結

日本同人活動Comiket 83啱啱完咗幾日,係時候上網搵吓有咩好嘢Cosplay喇。好嘢大把,不過我哋不落俗套、劍走偏鋒,今次分享嘅係獵奇多於一切,連《進擊的巨人》都有!仲有《Hunter X Hunter》個大岡添呀!當然唔少得初音、高達、三國……

Read more ›
新片速報 5呎LEGO手掣 玩到孖寶兄弟
by / on 03/01/2013 at 3:47 pm

新片速報 5呎LEGO手掣 玩到孖寶兄弟

外國有好多神級LEGO玩家,佢哋咩都可以用LEGO砌出嚟,包括呢個任天堂灰機(美版紅白機)手掣,而且仲係加大碼5呎長,而且仲可以真係駁機玩到!入面有手掣嘅製作相片同埋製作Baron von Brunk親身用呢個手掣試玩Mario嘅片段,以咁大個手掣嚟講,算係玩得幾好喇。

Read more ›
新片速報 Sideshow出超細緻《Uncharted》Drake Figure
by / on 03/01/2013 at 2:50 pm

新片速報 Sideshow出超細緻《Uncharted》Drake Figure

呢隻Sideshow出嘅Figure超靚仔,雖然一向覺得Naughty Dogs隻PS《Uncharted》遊戲入面嘅Nathan Drake稱唔上有型……不過,由面相到皮帶到子彈同衣服、圍巾都好細緻,而且動作仲係佢嘅招牌跳跳跳,入嚟有片睇全相。不過,官方話隻Figure都仲製作緊,似乎都唔會咁快出到,價錢方面,應該都係千零蚊啩?

Read more ›
捐血送AQUAPLUS海報 網上賣到27,500円
by / on 03/01/2013 at 1:56 pm

捐血送AQUAPLUS海報 網上賣到27,500円

日本紅十字會一向都好明白,用啲咩先最容易令到班動漫迷噴血。之前TGS都見識過門口擺檔捐血送AKB48海報,而喺啱啱舉行完嘅Comiket83又有捐血活動搞,就係捐400ml血,就可以得到由AQUAPLUS、即係《ToHeart2》、《Tears to Tiara》間嘢設計嘅多款海報其中一張(唔駛出血,入嚟有得睇)。限量3,000張,會場限定。最後,有幾個以血作盟誓嘅友仔喺網上放呢張海報,仲賣到27,500円。即係,400ml血,賣兩千幾銀港紙,抵。

Read more ›

新片速報 《He-Man》請骷髏頭堡賜我8bit力量
by / on 03/01/2013 at 1:20 pm

新片速報 《He-Man》請骷髏頭堡賜我8bit力量

如果你同我差唔多年紀,你都應該睇過《He-Man》,冇計o格,嗰陣冇得上網冇咁多動畫睇,無記播咩咪唯有睇咩囉,你估我想睇西人卡通o架?不過睇開有感情又係真嘅,嗰句:「請骷髏頭堡賜我無窮力量!」又的確好有情懷!加拿大動畫製作人Caleb Hystad就整咗條《He-Man》變身8 bit版,好有風味,仲有無膽貓添。

Read more ›
2012日本COSPA服裝排名 校服大集合《龍珠》菲利入10大!?
by / on 03/01/2013 at 12:26 pm

2012日本COSPA服裝排名 校服大集合《龍珠》菲利入10大!?

日本分店遍佈全國嘅COSPA,專賣動漫精品同Cosplay服裝產品,無論係自製服裝嘅用料或者現成cosplay服都有。咁啱啱佢就出咗2012官方排行榜,初音、浪客劍心、K-ON!、EVA綾波麗呢啲keep住有新嘢,扮極都有人扮,好正路,但係,當中就發現到亮點,雖然今年《龍珠Z》會有新劇場版出,但冇你份喎,菲利!點解你會排第7?仲高過綾波波?到底點解咁多日本人鍾意扮佢呢?唔通貪佢套衫夠貼身?

Read more ›
初音賽車  GOODSMILE RACING官網新造型曝光
by / on 03/01/2013 at 12:09 pm

初音賽車 GOODSMILE RACING官網新造型曝光

作為初音粉絲,就算唔識賽車都應該聽過GOODSMILE RACING車隊,由2009年開始申請使用初音未來痛車作為出戰賽車,最吸引係會同期出埋初音figure,記性好嘅應該記得2011年嘅橙色衫初音,拎住支油槍嘅特別造型。嚟到2013年,官方網站啱啱公佈最新初音造型,暫時只得背面,但已經令人超期待。下面仲有舊造型回顧止渴。

Read more ›
新片速報 2012 Freddie Wong影片Remix
by / on 03/01/2013 at 10:54 am

新片速報 2012 Freddie Wong影片Remix

機迷應該實睇過外國Youtuber Freddie Wong嘅影片,未睇過?今次可以一次過。因為佢啱啱就出咗一條集合晒佢2012拍過嘅片嘅Remix影片,當中有嗰套講打機嘅網劇啦,又有最新嘅靚女林克劈罐啦,好鬼熱鬧又冇冷場,抵睇o架。

Read more ›