潮玩新聞

咕嚕/史麥戈10吋figure 忠奸兩款任揀
by / on 30/12/2012 at 5:45 pm

咕嚕/史麥戈10吋figure 忠奸兩款任揀

我認我重口味,《魔戒》入面我最鐘意嘅角色係咕嚕!呢隻10吋figure真係啱晒fans口味,頭頂幾條毛毛唔多唔少啱啱好,手指都係梱黑邊嘅,而且皮膚做得好細緻,連皺紋同埋偏藍嘅血管位都做埋,仲有25個骨折位比你任扭擺甫。最正係有齊史麥戈同埋咕嚕兩款,一個一臉無辜一個奸到出汁,每隻開價美金$50,兩款都好得意,真係好難揀呀!

Read more ›

日本2012 10大單集日劇收視 大河劇冇份 晨早最多人
by / on 30/12/2012 at 5:11 pm

日本2012 10大單集日劇收視 大河劇冇份 晨早最多人

聽日返一日半日又放一日,呢排咁多假期,我真係好驚返番工之後唔習慣。到年尾好多乜榜物榜出爐,日本就公佈咗今年最佳單集劇集嘅收視10大,最特別係今年大河劇一集都冇,第二就係頭兩名都係NHK朝早時段嘅連續劇,即係一百幾廿集走唔甩、笑聲笑聲滿載溫馨嗰啲,排第1嘅就係尾野真千子主演嘅《糸子的洋裝店》第97集,第2就係堀北真希嘅《小梅醫生》第114集,木村套《Priceless》都係第7位咋……

Read more ›
山寨變形啷啷 廣州燈飾展轟立大地
by / on 30/12/2012 at 4:28 pm

山寨變形啷啷 廣州燈飾展轟立大地

山寨Gundam同比卡超,令我明白山寨貨抄到唔似抄嘅威力!竟然可以將好好哋、得意可愛人人鍾意嘅動慢人物,妖魔化到差啲連佢老母都認唔到嘅程度;廣州嗰邊最近又做嘢喇,今次係官方辦嘅2012廣州國際燈光節,喺裡面竟然發現疑似大黃公、痾柏文同麥+燈嘅物體,老點係「廣州市花城廣場以北、黃埔大道以南」,大家如果上開去,可以去睇睇評吓理,佢哋叫呢啲公仔做【环艺光雕】,真係雕佢個老味!入面有佢哋嘅自我簡介,不過係簡體字,我為咗原汁原味,我唔改佢做繁體喇,睇完再雕多次。

Read more ›
發光水母燈  屋企變身水族館
by / on 30/12/2012 at 3:08 pm

發光水母燈 屋企變身水族館

實不相暪,其實我好鐘意水母,每次去水族館都會搵水母睇,所以見倒呢5款水母燈即時share比大家。由外國公司Roxy Russel Design設計,用一種叫Mylar嘅環保物料做出呢種輕飄飄嘅光管效果,價錢係貴少少,大槪港幣$3000,不過著咗燈屋企好似變咗水族館咁,而且部份收益仲會撥捐海洋機構,五款之中我最鐘意右二嗰款,你呢?

Read more ›
獵奇影片 零下41度倒滾水落街
by / on 30/12/2012 at 1:37 pm

獵奇影片 零下41度倒滾水落街

係呀,唔關打機唔關動漫唔關日本韓國潮流事,不過呢個俄羅斯西人煲咗煲滾水喺攝氏零下41度嘅天氣,行出露台倒水落街,我又好想知會發生咩事……我淨係知,香港今日10度,我如果倒啲滾水落街,應該會俾警察拉。

Read more ›
SoftBank白戶狗 出機送紅豆飯 + Smap 2分鐘新廣告
by / on 30/12/2012 at 12:50 pm

SoftBank白戶狗 出機送紅豆飯 + Smap 2分鐘新廣告

去日本旅行,一定會見到呢隻白戶狗狗或者佢嘅家族賣廣告,可以話已經成為日本SoftBank代表嘅白戶家狗狗最近又趁新年出動,新優惠計劃「おめで父さん!キャンペーン」,只要係名25萬個出新機,就可以得到「おめで父さん!赤飯」紅豆飯同埋「お父さんおみくじカード」卡,超可愛!另外,Smap亦都幫SoftBank拍咗個新廣告「Color meets Gala」,之前就發佈咗兩分鐘版本,都幾好睇。

Read more ›

官方R2-D2外套  收埋個頭有氣抖
by / on 30/12/2012 at 8:08 am

官方R2-D2外套 收埋個頭有氣抖

前嗰排先買咗件刺客教條套,著出街個個朋友話正。進入2013年,我要轉新形像繼續比驚喜大家,呢件R2-D2外套,攞咗官方認證,等你著起變身R2-D2 ─ 只得上半身嘅R2-D2,但計埋高度又啱數喎。不過件褸最正嘅地方,係當你將條拉鍊拉到最上時,可以將成個頭收埋,唔怕露餡。而且有埋透氣孔同埋透視位置,睇倒嘢又透倒氣。開價美金$67.99。

Read more ›
有片 Evangelion NERV本部加濕器 開箱始動!
by / on 29/12/2012 at 7:36 pm

有片 Evangelion NERV本部加濕器 開箱始動!

有睇開GameoverHK嘅讀者都知我對EVA嘅愛猶如滔滔江水連綿不絕……見到Rinko Yu咁有心俾篇One Piece手機開箱文我哋出,星期六懶懶閒嘅我要暴走拆禮物。VERTEX electroys系列之前出過絕對領域USB風扇已經入咗手,咁呢個「NERV本部加濕器」又點能夠冇?喺日本Amazon訂咗,前幾日終於收到貨,成個本部有燈著仲有LED射燈,就係重現《Evangelion新劇場版:破》真治發脾四揸住初號機上NERV本部揼地一幕!實際功能係噴濕霧出嚟,加兩滴香薰油仲可以當香薰機,最抵死就係俾初號機踩爛個頂好似噴煙咁……8,400円,抵!抵到極限!

Read more ›
星戰座地燈  R2-D2硬嵌C-3PO
by / on 29/12/2012 at 6:15 pm

星戰座地燈 R2-D2硬嵌C-3PO

成屋都係Star Wars玩具,日日比屋企人哦到拆天,但真係對Star Wars有愛點算好?呢個外國設計師Gordon Tarpley,就將R2-D2嘅頭同C-3PO隻腳嵌埋成為一盞座地燈,有創意之餘又實用,屋企人都讚好呀!不過Gordon喺facebook話仲未決定會唔會量產或者賣幾錢,有興趣嘅入去留言支持吓佢啦!

Read more ›
Batman掛牆架  唔實用但我想買呀!
by / on 29/12/2012 at 4:15 pm

Batman掛牆架 唔實用但我想買呀!

成屋都係Blu-ray亂七八糟?我都係呀!所以呢個Batman掛牆架我真係有啲衝動想買。好老實,實用度就唔算高,比盡都係放倒50隻Blu-ray左右,但係掛喺牆真係幾型!至於第51-200隻Blu-ray放喺邊?咪繼續放返喺枱底、床下底同地下囉。Batman賣港幣$2200左右,未包運費o架!

Read more ›
新片速報 Subaru自動停車系統 裝埋落模型車
by / on 29/12/2012 at 3:13 pm

新片速報 Subaru自動停車系統 裝埋落模型車

遇到障礙物就會自動停車,呢啲減低交通意外發生嘅系統,歐洲好多新車都有喇。之但係,日本咪就係強在宣傳方面囉!Subaru即係掃把佬就新推咗「EyeSight」系統加裝嘅新車度,而佢嘅宣傳策略呢,就係推出3款模型車仔Legacy、Forester、Impreza,8月已經有第一條片,就係影啲裝咗呢個系統嘅車仔喺街度玩;第二段片啱啱出,仲勁,幾十架車仔識得隔住幾厘米停低,之後第一架車開動,又全部開始行,好大場面,好史詩式。至於有冇得賣?日本試車有得送,但就唔知你拎個國際牌去有冇得試。

Read more ›

廿四孝爸爸  碌架床底自製太空船
by / on 29/12/2012 at 1:56 pm

廿四孝爸爸 碌架床底自製太空船

睇呢張相你以為小朋友遊美國太空總署?太天真喇!其實呢座設施係收埋喺小朋友嘅碌架床下層嘅玩具。呢位5歲小朋友Finn認真幸福,有個廿四孝爸爸喺當地電視台執咗啲好大台,有好多粒掣嗰啲Video switcher呢,再重製成一個仿太空船嘅裝置比佢玩,上面仲畫埋美國太空總署NASA嘅標誌,下面有多啲圖睇!Finn仔得閒可以嗌班同學仔返屋企上太空船玩,幾威威呀!

Read more ›
自製《BioShock》《Metroid》 LEGO Big Daddy真嘅一樣
by / on 29/12/2012 at 1:53 pm

自製《BioShock》《Metroid》 LEGO Big Daddy真嘅一樣

LEGO點解出咗咁耐都仲咁受歡迎?因為只要有創意,你就可以用一嚿嚿嘅積木自製好多唔同嘅人、物。外國LEGO人Pate-keetongu就自製咗《BioShock》同《Metroid》嘅人物,隻Big Daddy超似超有型,而銀河戰士呢,仲有極佳嘅活動能力。冇得買,但可以埋嚟睇吓。

Read more ›
瑪利奧皮帶  最後大佬由頭打到尾
by / on 29/12/2012 at 1:41 pm

瑪利奧皮帶 最後大佬由頭打到尾

阿爸阿媽細佬阿哥幾時生日你仲記唔記得?外國一個女皮匠Julia認真有屋企人心,親手整咗一條瑪利奧皮帶送比細佬做生日禮物,皮帶扣大大隻瑪利奧,皮帶就刻咗孖寶兄弟最後一關,無錯,係由一開始跳吓水管花,到最尾打龜大佬都完整呈現。雖然美感麻麻,但好有heart噃。不過最搞笑係Julia話原來佢仲有另一個細佬,而呢個細佬最鍾意嘅就係薩爾達‥‥‥咁阿爸阿媽呢?表哥表弟姪仔呢?Julia你有排忙嘞!

Read more ›
手提超級任天堂 喼神懷舊價$900美元
by / on 29/12/2012 at 12:36 pm

手提超級任天堂 喼神懷舊價$900美元

大家都鍾意懷舊,外國就有玩家改裝咗一部美版超級任天堂做手提版喼神!打開個黃色喼,就係超任加個屏幕,仲有位放遊戲帶,幾鬼方便,不過佢就冇提到點樣攞電呢個問題。製作者話佢上年已經整好,不過o依家先放上網,仲諗住開價$900蚊美元賣咗佢,如果佢係日版機,相信香港玩家興趣會大啲。

Read more ›