fbpx

Category: 動漫資訊

陳科琳+麥天傑獻畫 《Caillou石子》地攤有獎抽

陳科琳+麥天傑獻畫 《Caillou石子》地攤有獎抽

呢條News都仲係關《Caillou石子》地攤事,話說除咗有嘢買有得捉住戇男And十五少影相留念外,同場仲有原畫展覽兼抽獎活動,獻畫者有陳科琳同麥天傑,屆時或者會用抽籤形式送出,一切留待戇男決定。真跡呀喂,好有收藏價值架喂。

Read more ›

Steven Chui手辦《I killed a little bird》 戇男地攤有辦睇

Steven Chui手辦《I killed a little bird》 戇男地攤有辦睇

作為港漫迷,斷估你都會撐戇男同十五少搞嘅《Caillou石子》地攤啩,買心水精品之餘,亦忽忘留意吓Steven Chui嘅手辦作品《I killed a little bird》,雕模、複製、打磨、修正、上色加包裝,全部一手一腳一人之力完成,誠嘔心瀝血心機之作也。Steven喺面書咁話:「多謝戇男老師給予寶貴嘅意見!今次合作自由度好高!」得戇男加持,唔知會唔會大賣呢?展覽有辦睇,睇啱可以搵佢落訂呀喂。

Read more ›
戇男+十五少擺《Caillou石子》地攤 必買啤牌+魚蝦蟹

戇男+十五少擺《Caillou石子》地攤 必買啤牌+魚蝦蟹

「嘩啦轟隆賀新歲,萬事俱備請君來」,呢兩句唔係我作的,係戇男喺面書為宣傳《Caillou石子》地攤咁寫的。擺攤喎,無得唔撐喇,隨咗要捉住扯頭纜嘅戇男同十五少影相外,現場仲有展畫睇,當然記得要撳定錢去買各類精品喇,貨品都幾多瓣數吓,應該總有一款合你心水,包括轟隆紅色福袋$688、嘩啦綠色福袋$688、啤牌$138、Caillou 2022版畫卡套裝$238、榕叔聲字透明貼紙$48、盒裝秋色骰寶+轟隆嘩啦魚蝦蟹+轟隆嘩啦門神一對$168、粉紙印刷門神一對$68、揮春+利是封$88同大頭靜2022月曆$68等等。戇男有Post相出來,暫時我睇中啤牌同魚蝦蟹套裝,必買Item是也。新農曆新年快到,好應份使錢振興香港經濟兼哄吓自己開心,係咪咁講先?

Read more ›
邱福龍《山海逆戰》賀歲孖寶版$50 送補原貼紙+利是封

邱福龍《山海逆戰》賀歲孖寶版$50 送補原貼紙+利是封

邱福龍係抵讚嘅,抵我咁捧佢場,出錯咯,咪送番啲嘢甜吓真金白銀買書嘅讀者囉,之前有一格想交代勾徹臂骨盡碎但畫錯咗,佢決定送番張貼紙仔聊表心意喎。1月26日推出嘅《山海逆戰》賀歲孖寶版無加價,Total兩期內容售$50,無話屈多你十蚊八蚊,咁特別版當然有喇,不過就要喺「收藏家港漫專區」購買,又送補原貼紙又送雷射環保利是封又送福龍週記Postcard又盛,好難唔撐。

Read more ›
黃玉郎《天妖玄奇》賀年雙號刊 送姬發/問天利是封

黃玉郎《天妖玄奇》賀年雙號刊 送姬發/問天利是封

一年又就快過去了,黃玉郎事先張揚話虎年會推出三本新作,有新公仔書睇嘛,絕對係開心事喇,不過睇情況佢嫰人家已經遺忘咗《龍虎五世三世仇》了,第二部斷估會推出無期。Anyway,講乜都好,撐咗《天妖玄奇》賀年孖寶版先,年年買開我唔買唔安樂,1月27日出版,除普及版外,今年仲有金裝版同銀裝版,前者隨書附送姬發神是封,後者送問天利是封,各售$68。作為死忠,我應該會買晒兩個版本。

Read more ›
網圖分享:捉鬼敢死隊

網圖分享:捉鬼敢死隊

GhostBusters!細個睇過第一集,至今對幾個經典畫面仲留有深刻印象,家陣第三集《捉鬼敢死隊:魅來世界》上映,無得唔睇喇。

Read more ›

網圖分享:陳笑洛的龍虎三皇

網圖分享:陳笑洛的龍虎三皇

不嬲都有追開面書朋友仔陳笑洛面書,佢出圖好密,寫字好有個人風格,好難唔畀讚的。呢期,佢愛上畫《龍虎門》人物,先有三皇後有火雲邪神,四幅畫都用色好靚,我好想擁有,如果佢送畀我就好了。

Read more ›
林祥焜x甘小文Crossover!有幾離譜?

林祥焜x甘小文Crossover!有幾離譜?

暫時唔知乜嘢葫蘆賣乜嘢藥,但單單一幅宣傳圖,已經令我相當期待,左Q版長棍同右真實版甘員外互睥,再補多句「可能係林祥焜同甘小文最離譜嘅一次crossover」,怎不叫人期待?12月先知道係乜東東,好心急想知有乜聯乘Event呀?

Read more ›
迪嘉五周年展 再見See You

迪嘉五周年展 再見See You

我好Like嘅多媒體藝術家迪嘉離開咗香港,原因我諗大家都估到的了,所以聽到個展覽名叫《Tik Ka From East五周年展——再見See You》,即時Feel到好似有啲嘢想講咁,唔知我有無會錯意呢?睇展覽簡介,迪嘉超過40件作品將帶出呢兩個主題:「分開容易,告別很難」、「無論日後我們身在何方,我們一定會『再見』」。明就明,唔明就……自己親身入場感受吓囉。

Read more ›
過百幅作品 謝志榮推出作品集《水墨清音》

過百幅作品 謝志榮推出作品集《水墨清音》

謝志榮很努力苦練水墨畫,將作品輯錄成作品集《水墨清音》,亦很努力地「想用電子書所得的收益印實體書,再以實體書的收益去辦畫展。」大家有無興趣完成佢心願?作品集收錄2017年LO藝廊《水墨清音》同2019年龍華雅舍《水墨清音》兩次畫展嘅過百幅大作作,家陣有一星期免費下載睇住先,一星期後正式收費喇。請多多支持,努力,加油!

Read more ›
袁家寶《新著中華英雄》下期送A2海報 特約漫畫店限定

袁家寶《新著中華英雄》下期送A2海報 特約漫畫店限定

袁家寶《新著中華英雄》出到第四期了,節奏好明快,水神有戲做,四害有對白,連錢無義同羅漢都相繼出場了,仲見到生奴背影添,睇得著實過癮,美好回憶返晒來也。而為谷行個勢,下期會送多張A2海報,不過只限喺「尋回‧漫畫檔」、「至Goal Club」同「先達漫畫店」訂購普通版加特別版先有得送,港九一般報紙檔無份。呢個安排真係有點兒……嗯……無計喇,我真心想要張海報,呢個禮拜惟有出旺角行一轉囉。

Read more ›

牛輝《王小龍傳貳》結局後 緊接推出《一代宗師》

牛輝《王小龍傳貳》結局後 緊接推出《一代宗師》

故事已經進入終極群揪打大Boss帝皇階段,《王小龍傳貳》仲有兩期大結局,今期「常公子專欄」透露新書進度:「……經過一番周詳考慮,大家都決定編寫一個全新作品,去試一試市場反應。」即係唔翻畫舊著又唔會推出啲乜傳物傳,有此雄心絕對好事來的,我舉腳贊成。至於新書種類,從書名都估到係打書,常公子話:「好!現在隆重宣佈,牛輝和我的新作品,暫名叫《一代宗師》!」並謂詳細內容會喺下周繼續披露。一代宗師……嗯,關唔關葉問事?希望唔關,我希望睇新嘢呀喂。

Read more ›
麥天傑《非常道零》卷貳開訂

麥天傑《非常道零》卷貳開訂

有無買卷一先?麥天傑《非常道零》卷貳「六道輪迴」開始預購了,詳細資料如下:A5黑白精裝本,內文224頁,彩圖14頁,送兩張A6彩卡,售$120,早鳥優惠凡預購送A4彩色打印畫。想有首頁手繪,連書價$300,預計12月下旬出版,報告完畢。

Read more ›
嘩啦!轟隆!戇男一月搞地攤!

嘩啦!轟隆!戇男一月搞地攤!

瀏覽戇男同伍永新面書,發覺正積極宣傳緊甚麼「戇男一月地攤」。地攤有乜餡?二人聯合展覽?合作出書?推出個人畫集?定話係普普通通食餐飯嘅讀者聚會?好難估喎。望望啲宣傳圖,又「嘩啦」又「轟隆」又盛,呢對左右門神究竟係乜東東來的?跟住又見蝦又見雞,咁似農曆年玩嘅魚蝦蟹嘅?乜都好喇,戇男有搞作,到時一定去捧場,我話嘅。

Read more ›
倫裕國漫畫版《城寨鏢局》新連載

倫裕國漫畫版《城寨鏢局》新連載

倫裕國漫畫版《城寨鏢局》開始連載了,改編自黃洋達同名小說。故事簡介有這麼的以下一段:「蔣萍是城寨五刀之一『斷水秋刀』蔣翻江之女。為完成父親遺願,委託『城寨鏢局』送貨進城寨深處。蔣萍所帶的『貨物』,居然是一招刀招?」簡簡單單一幅宣傳圖,望到倫裕國畫嘅相頭,親切感油然而生,唔知大家有無興趣捧吓場?

Read more ›