Category: 偶像資訊

幪面超人出動!保護上野樹里!?

可能我仍然叫上野樹里做野田妹,又可能我閒時仲會扮幪面超人變身,兼會同屋企隻Medicom V3轉姿勢。所以,我覺得呢段片堅係正!日本廣告不時都有佳作,最新就有呢個「D-room」住宅廣告……上野樹里約齊一眾拉打出嚟嘆茶,原來就係因為佢屋企附近治安唔好,想佢哋保護佢,一號就話要保護地球唔得閒……點知野田妹一句:「啱喇,一號,浴室就拜托你喇!」噢噢噢噢……(記得開中文字幕功能)

Read more ›

《Evangelion新劇場版: Q》新搞作三連擊 箱根溫泉聯動!新產品上市!日本刀展開始!

《Evangelion新劇場版: Q》自從宣佈咗會喺11月17日上映之後,新搞作更加多,之前已經報導過超巨型綾波麗滑梯,而由今日開始,仲會同箱根溫泉店合作推出新產品,有茶杯、布簾同folder、電話繩!當然唔少得綾波麗浴衣造型!估唔到係初號機都要浸溫泉!另外,喺岡山縣亦有個日本刀展又關EVA事,場裏面有2米高初號機展出外,亦有EVA世界內嘅刀狀武器展出;同期東京本部專門店亦有新產品推出,呢幾個月,去日本應該度度都係EVA!最後,官方網站換咗主題相,好似係鋼琴嚟,唔知咩意思呢?

Read more ›

有片有相 今日開幕 庵野秀明 特撮博物館

由今日開始至10月8日喺東京都現代美術館開展嘅「特撮博物館」,噚日就請嚟館長庵野秀明、樋口真嗣同鈴木敏夫作開幕儀式。除有今次博物館主題巨神兵之外,仲有得睇吓館內展況、巨神兵短編影片嘅宣傳片,有特撮實景陣仲有大量鹹超展品,9月去東京遊戲展就一定要去埋!

Read more ›

Paul McCartney為《Halo》製作音樂?

其實之前1月時,披頭四成員之一、現為著名音樂製作人嘅Paul McCartney已經漏口風話幫緊一隻遊戲製作音樂,不過就並未開名。而佢最近就喺Facebook放咗一張相,仲寫咗句:「I’m really excited to be working on writing music with Bungie, the studio that made Halo.」咁即係?

Read more ›

宇宙超人?陳柏霖係台灣拉打?

大家見到嘅,係2013年上映嘅電影!Yeah!新幪面超人出場喇!仲搵台灣演員陳柏霖做主角,華人之光呀……咪住,宇宙超人?Fly?Fly咩呀?烏蠅?唔係草蜢嚟咩?原來呢套叫《宇宙超人Fly》,係台灣「原創」特撮片,唔係啩?連台灣都咁?放心,佢哋已經俾人告緊喇,正義嘅朋友,加油呀!咦?

Read more ›

新片速報 《浪客劍心》型爆預告片

  《浪客劍心》今年復活!除咗有新連載之外,真人電影版都將會喺8月25日喺日本上映!由佐藤健做拔刀齋緋村劍心,女主角神谷薰就係武井咲,斬馬刀相樂左之助就係青木崇高,不過我自己覺得最型最神似就係由江口洋介做嘅勁Cool齊藤一!片段中基本角色全線登場,仲有唔少動作場面睇到,加埋首主題曲,唔錯喎!

Read more ›

10月2日香港演唱會!初音未來虛擬到港!

二次元偶像初音未來一向喺中日港台都勁紅,而呢位巨星更加會首次嚟香港開演唱會!5pb.宣布名為「初音未來香港&台灣首次演唱會 “MIKUPA♪”」,將會喺10月2日喺香港九展Star Hall舉行,今次真係好威威,因為台灣都要10月6日先有得睇,快人一步……7月12日開始訂票!唔知初音佢係咪搭飛機嚟呢?喂!我駛唔駛去舉牌接機呀咁?

Read more ›

開眼界 《多啦A夢:大雄與奇跡之島》國語配音 福山雅治主題曲

有時真係有啲羡慕台灣,除咗有五月天、蘇打綠之外,仲有大量又快又新嘅日本電影、動畫劇場版會喺戲院上。嚟緊就係香港冇影、日本票房連續五周冠軍嘅《多啦A夢:大雄與奇跡之島》,睇吓預告之餘,香港廣東話版配音就聽得多,不如見識吓國語版啦!同場仲有福山雅治唱嗰首主題曲〈活過每一天〉。喂!幾熱血幾好聽喎!

Read more ›

新片速報 「Z女戰爭」跳Pokemon舞

比卡超有幾可愛大家都知,日本妹又有幾可愛?相信大家仲清楚。呢隊日本女子組合「Z女戰爭」最新就推出一個「寵物小精靈」MV,片中佢哋扮比卡超等寵物小精靈,仲跳跳紮……而呢首〈Mite Mite☆Kotchitchi〉,就係Pokemon新動畫嘅片尾曲。

Read more ›

漫畫版前田敦子 同柯南做偵探

前田敦子有幾紅?紅到無處不在囉!最近AKB48又再入侵漫畫界,最新作品以前田敦子為主角,仲搵嚟《名偵探柯南》作者青山剛昌擔任原作,由新晉漫畫家梧桐柾木作畫,作品名為《AKB48 殺人事件》,將於7月4日開始喺《週刊少年Sunday》第31號中開始連載。柯南喎,梗係查案啦,你睇前田醬個漫畫樣!我真係好想幫手偵破佢呀!

Read more ›

玩牌學文化 Steve Jobs 蒼井空出啤牌!?

中國地大物博,中國人有創意之餘又視版權為無物,所以真係估佢唔到o架!呢個叫「皇城根文化撲克網」嘅網站,就有一系列名為「圖說世界文化系列」嘅啤牌,當中有以故名人Steve Jobs、AV女優蒼井空、小澤瑪麗亞、歌手Lady Gaga,就連殺人狂魔卡達菲、拉登都有……睇真啲,仲有NBA系列、動畫系列……邊出火箭邊出炸彈邊欣賞蒼井空美態或者了解Steve Jobs生平事跡……好嘢呀你!

Read more ›

T-ara成員推出型格漫畫個人T恤

  T-ara成員推出型格漫畫個人T恤   T-ara的官方網站公佈,將會推出以成員樣子作為漫畫圖案的T恤,而這七款T恤將在6月4日韓國時間早上10時在 Core Contents Media 的網上商店和G-Market 的 T-ara 明星店發售。

Read more ›

傳酒井法子刑滿復出搭檔李連杰

  傳酒井法子刑滿復出搭檔李連杰    據日本八卦報《東京SPORT》報導,酒井法子因吸毒被判緩刑將在今年11月期滿,所以會在之後密謀復出。而最近酒井恩人富永保雄病逝,5月23日她出席喪禮時亦透露復出意願,而且市場更指向中國。

Read more ›

幪面超人FOURZE主角出寫真

        幪面超人FOURZE主角出寫真   我認為係史上最樣衰,似《天地雙龍》多過幪面超人的《幪面超人FOURZE》,飾演男主角如月弦太朗的福士蒼汰,5月30日剛過19歲生日,最近推出一本處男寫真集《After Chicken Rice Go To Merlion》,直譯係「食完雞飯去搵魚尾獅」,作為20歲成人前的紀念,基本上同FOURZE一樣騎呢!

Read more ›

山口智子放完長假出關拍劇

    山口智子放完長假出關拍劇   好多人今日迷上日本偶像,跟經典日劇《悠長假期》唔多唔少都有些關係,而當年女星山口智子,自1996年主演這部經典以來,已16年沒再演日本連續劇,對上一次演出單元劇,也是04年的《向田幫子之戀文》,今次突然宣佈接拍10月播出的富士劇,令不少舊Fans都相當興奮。

Read more ›