めーちっさい作品，呢張相本身係一隻白貓恰著咗，之後再被放咗支樹枝變貓仙人……Figure化之後，會唔會更有《龍珠》貓仙人嘅感覺？

呢段片好好睇，唔知點解釋，總之就係會想不停翻睇。拍攝者係東京酒吧｢Bar Pálinka」店主，段片喺Twitter已經有近百萬views。1分鐘嘅短片睇到師傅不停切冰，每一刀切出嚟嘅橫切面都好靚好晶瑩剔透，好似寶石切割嘅感覺，把刀仲好鋒利，條片好治癒。嫌唔夠喉仲可以睇埋YouTube嗰段1小時嘅切冰片，入嚟有link。BTW 呢間店入面嘅同名cocktail 「Pálinka」好出名，有機會去日本可以試吓，可惜暫時日本緊急狀態，希望佢哋快啲可以重開啦。

喵星人啲行為成日都令人發笑，好似日本有網民分享咗呢兩張圖，就咁睇以為係一嚿石，睇真啲，原來有隻灰色嘅喵星人瞓咗喺上面，係100%嘅保護色，好似石化咗嘅喵一樣！

日本人嘅創意好澎湃，最近Twitter熱傳有呢個杯麵蓋，模仿返平時合味道杯麵嘅蓋紙，不過就加多咗啲湧出嚟嘅麵條，令人好心急想打開嚟睇吓發生咩事，連屋企隻黑貓都俾佢呃到，好想佢量產可以買返個。

今日天氣幾好，有無諗住出去郊遊吓？日本攝影師tomosaki影咗呢輯藍天白雲靚相，加啲想像力同埋道具，就變成雪糕、白米飯同牙膏，好可愛！佢強調相片無經過合成，純天然呀！

呢位花咲来夢，鍾意Cosplay，又會出寫真，嚟緊5月20日會出DVD。咁早兩日佢就喺Twitter放咗兩張tag咗《勇者鬥惡龍III》嘅戰士Cosplay相，都幾多人討論，有網民仲出埋其他職業嘅圖嚟回應。

有日本網民諗起《HUNTER×HUNTER》「ゼノ＝ゾルディック」嘅「龍星群」，又有人覺得似《遊戯王》魔法卡「光の護封剣」，仲有人覺得係《Evangelion》使徒爆炸光柱……噚晚(6日)喺日本福井縣就出現呢啲「光柱」，好多人都影到……其實之前都介紹過呢啲叫「漁火光柱」，據講係漁夫為咗喺夜晚吸引啲魚游近而喺漁船度裝燈，咁當溫度去到一個點，漁船上面又有冰嘅結晶喺空氣度凝聚，就會反映出呢個「漁火光柱」景像。

今次えなこ唔只上《月刊少年チャンピオン》上封面，係連表紙、裏表紙、巻頭都係佢。今次係記念《バキ外伝 烈海王は異世界転生しても一向にかまわんッッ》單行本1卷發售而拍攝嘅，佢仲話如果想睇全身嘅相，就要大家買書喎。

今次唔係電影或電視劇，而係舞台劇，而且因為係由「宝塚歌劇団」舞台化、雪組公演《CITY HUNTER Fire Fever!》，所以角色都係女性嚟……睇睇冴羽獠、海坊主……唔，有冇興趣？

喺香港日日趕頭趕命返工嘅我哋，依家旅行都冇得去吓……就算喺香港搞餐廳都唔可以用輕鬆嚟形容吖？不過如果換轉係北海道鄉郊，就好似進入咗另一個世界咁。呢間喺北海道鄉郊提供菓子、茶嘅小店，就有呢隻瞓到咁樣曬太陽嘅貓，而且佢合共係有9隻貓嘅，可以follow吓佢Twitter，趁星期五治癒吓自己心靈吖。

其實都唔係第一次見，不過啱啱出咗RQ2021 Promotion Clip，五位EVA嘅RQ又再出場，入嚟有佢哋Twitter可以跟進番。不過，其實我突然好懷念RQ「綾波麗」水谷望愛嘅造型，不過上Twitter見佢原來都好耐冇更新，近年好似冇咗消息？

用LEGO砌見過啦？今次呢位日本高手就用Dia Block，而且最強之處係砌完之後係可以活動嘅！而且製作者仲分享咗製作過程，結構都實在係唔簡單……

假又放完，日本黃金周噚日完咗，今日返工。不過又因為部份地區緊急宣言，所以列車班次減少，再不過又再因為雖然緊急宣言但公司冇話唔駛你返工，於是……

唔睇又諗唔起，睇到又覺得身型同啲動靜真係幾似，講緊係《Evangelion》嘅初號機同《拳王》嘅「八神庵」。有日本網民就趁黃金周假期最後一日，分享佢喺假期改造嘅成果……話時話，「八神庵」啲火好似都係紫色嘅。

6月9日發售，終於嚟到最後一期34卷。張畫係小朋友版嘅主角們，而且係「進擊」首次表紙、背表紙、裏表紙都係一幅過。另外，5月9日發售嘅《別冊少年マガジン》亦會有作者諌山創訪問同《進撃の巨人》特別企画。