近排成日開Switch玩，有冇發覺部機都幾熱？其實冇……唔緊要，咁成日拎住部電話打機睇片，又有冇覺得部機都幾熱？如果都冇，咁就算啦。不過日本嚟緊21日就會有呢個「ゲーマーズモバイルクーラー」產品推出，聲稱可以降低裝置溫度達13度，3,960円。

好想去戲院睇戲，不過實在太高危嘞。日本網民@suamochi都係咁諗，為咗止癮，佢整咗呢個「特製電影院」，放部智能電話入去，再透過佢睇電影，就有置身電影院嘅感覺。唔少網民讚佢係天才，有人仲建議佢量產化。

拎住部電話燒幾粒鐘真係好容易，不過係有時拎到攰啫，攤又唔係瞓又唔係坐又唔係……不過如果有咗呢個「∀クッション」，用咩姿勢都好似舒服啲喎。5,980円。

電話用嘅紅外線熱能感應鏡頭有咩用？原來好有用，而且係日常都用到。有日本網民去超市買即食炸薯餅，就用咗呢個鏡頭睇吓邊件係新鮮熱辣，果然俾佢發現其中兩件係比較熱嘅……

好多人會喺手機背裝個鐵環，方便睇片時可以企起部手機。今次日本扭蛋公司Qualia直情加對腳俾佢，仲要係動物腳，超可愛！呢個動物造型嘅手機架一式五款，長度大約70mm，對應直立或者橫向，動物方面有鴨仔、狗仔、豬仔、貓仔同恐龍5款，今年4月推出，記住留意返！

  到底同呢隻杯有幾親密嘅關係，先會連出街都想帶埋佢？如果你真係當佢係女朋友，咁呢個「TENGA iPhone CASE」手機殼就啱你喇，3,800円，下個月派貨。

如果你電話不離手，會唔會有時覺得攰呀？呢個裝置可能幫到你。有日本工具人製作咗呢個裝置可以幫輕吓，而且仲幫佢改咗名，叫「孫指」。

Mega Drive之後輪到呢兩部？好合理吖，不過今次其實唔係Mini遊戲機，而係無線充電器，有齊三部「メガドライブ」、「セガサターン」、「ドリームキャスト」主機，用上Qi規格，iPhone、Android機都用到，Quick Charge3.0快速充電。2020年2月中發售，價錢4,950円。

叉電器嚟講呢個都算極盡浮誇。有日本網民喺海外買咗呢款天使手機充電器，將個電話放上去充電，底座就會著燈，旁邊仲會有對天使翼打開，配埋張對應嘅wallpaper幾好玩。之後有網民分享，原來有另一款可以配高達，都幾夾，睇落仲有啲似淘寶貨，有網民分享咗日本Amazon嘅link，入嚟有得睇。

之前iPhone 11 Pro一出網上都熱傳過呢個手機殼，就係阿諾舒華辛力加喺Commando手托火箭炮嘅經典造型，估唔到最近佢本人去到日本《Terminator：Dark Fate》嘅首映時，會俾人發現佢用緊呢個惡搞手機殼！補充一句，其實佢早前去韓國首映已經用緊呢個手機殼，今次照辦煮碗，不過日本網民依然好受，喺Twitter好多人熱傳緊，睇嚟72歲嘅佢都幾有潮流觸覺。

之前其他型號電話都推出過，今次就輪到係iPhoneX對應嘅「ポケモン図鑑」電話殼「ポケモン図鑑風スマホケース」。聽朝開始日本官網收訂，2020年3月出貨，3,980円。

手機線嘅保護套之前都出唔少，不過最近日本扭蛋公司Qualia呢款就幾吸引，扮懷舊電線插頭，其中三色頭同埋VGA頭都好有親切感，一式七款，今個月推出，見到可以扭返個。

好恐怖！最近喺日本Twitter熱傳呢個散紙包，仿照人臉下半部製作，打開口可以放啲錢入去，網民睇完都好驚，話如果拎出嚟俾錢應該會嚇親店員，不過亦有人留言話想買，可惜暫時唔會量產，製作嘅人係CreativeDrugStore嘅DJ加Producer，除咗呢個人肉散紙包，仲製作過人肉音樂控制面板、人肉iPhone殼及叉座同埋手指印章，全部都好像真好恐怖，入嚟有片睇。

之前介紹過呢隻手手電話殼啦，啱啱Twitter又熱傳iPhone X版本，仲有新圖。日本嘅「ユニーク雑貨」專出古怪產品，呢款戀上我右手嘅電話殼大大隻立體假手，傾電話時就好似十指緊扣一樣好warm。聲稱觸感良好，袋喺褲袋突隻手出嚟仲好有型，網民話勁似《JOJO的奇妙冒險》嘅吉良吉影，入嚟有回帶。

最近日本Twtiter熱傳《Pokemon Go》嘅「穿山鼠」同「阿羅拉穿山鼠」過馬路嘅短片，睇佢哋笨手笨腳超可愛。其實佢哋最近做咗日本鳥取縣嘅觀光大使，鳥取縣最出名係「鳥取砂丘」，最適合穿山鼠出沒嘞。今次合作除咗「穿山鼠」會定期出現喺鳥取街頭之外，亦有一系列精品同食物推出，去到鳥取縣玩《Pokemon Go》仲會多咗穿山鼠出沒！另外如果天氣好嘅話，官方會用砂堆隻巨型「穿山鼠」出嚟做展覽，當地嘅咖啡店仲有聯乘活動，去開鳥取嘅Pokemon迷記住留意返嘞。活動由即日起至1月14日，入嚟官網有多啲資料。