近日配信，不過唔只係IOS、Android，仲有Switch都有得玩，呢隻Puzzle game《ポケモン カフェミックス》似乎中毒性都好高喎！

下載咗呢個嘅「SLAM DUNK Talkin’ to the Rim」應用程式未？作為入樽迷，呢$15真係要俾，可以睇到櫻木喺球場練波，仲可以玩AR將球場帶到現實！呢位日本網民就示範將球場帶去東京秋葉原站，見到櫻木練波，好正！

之前iPhone 11 Pro一出網上都熱傳過呢個手機殼，就係阿諾舒華辛力加喺Commando手托火箭炮嘅經典造型，估唔到最近佢本人去到日本《Terminator：Dark Fate》嘅首映時，會俾人發現佢用緊呢個惡搞手機殼！補充一句，其實佢早前去韓國首映已經用緊呢個手機殼，今次照辦煮碗，不過日本網民依然好受，喺Twitter好多人熱傳緊，睇嚟72歲嘅佢都幾有潮流觸覺。

有無出到iPhone 11 Pro？有日本網民買咗，仲試用佢嘅夜間拍攝模式，發現效果好出色，睇相都感受到，夜間都可以清晰拍攝到，會唔會吸引到你入手？

近年每次有新iPhone出，Hikakin都會嚟料，就係將部機掉落水睇吓仲掂唔掂？iPhone 11全機種合共14部機，掉落地睇過，開箱又睇過，今次睇吓點……

好正！今日介紹嘅呢位攝影師叫RK，係一個住喺日本嘅台灣人，除咗係攝影師仲同時係DJ，喺佢鏡頭下嘅日本超靚，入嚟有回帶。佢仲好出名用iPhone影靚相，曾經做過iPhone相片攝影展，而家就主要用DSLR影商業用途嘅相，鍾意嘅記住follow埋佢IG，入嚟有得睇埋佢之前嘅訪問片。

日本呢個食物系列電話殼一向都好像真，今次呢個「食品サンプルカバー 薬味皿」會有iPhone XS/X、iPhone8/7/6s/6兩款，3,800円，建議去日本餐廳食飯時唔好放喺枱面，否則……

小朋友煩起上嚟真係唔簡單，好似日本網民最近發現電器舖嘅iPhone手機counter俾呢班小朋友進佔咗，佢哋一人一張自拍相做wallpaper，一睇就知佢哋玩得好開心，而且個鏡頭都幾清，仲顯示到有美顏效果。之後有網民分享咗呢一段經典自拍片，入嚟有回帶，未睇過一定要回帶。

呢位網民好勁，佢話唔鍾意用機套，咁點？將部iPhone背面磨到變鏡面！佢話先用越嚟越幼(即號碼越嚟越大)嘅沙紙打磨，再嚟就係打磨膏，最後仲因為驚有指模，所以上咗一浸車用嘅coating！原來仲唔只佢咁玩！有冇人想跟住整？

噚日(26日)就係日本iPhone XR開賣之時，喺渋谷嘅Apple就8點開舖，好多好興奮嘅職員倒晒數咁，而據講排隊嘅人數亦都去到700人以上。不過，真係好激動……

近年都好多呢類線套，等Lightning線頭冇咁易爛。而呢系列就好正喇，首先有扮D-Sub插頭嘅，之後仲有AV線，又有電插蘇……

覆whatsapp攰？講電話仲攰呀！日本「SoftBank SELECTION」設立10周年記念，首先會推出正常啲嘅「うんこ漢字ドリル うんこ先生ケース for iPhone X」電話殼，2,952円，買咗之後可以抽唔太正常、重1.3kg嘅「ビッグうんこ先生ケース for iPhone X」。仲係覺得太正常？仲有限量10個、重10kg嘅「10kg ウルトラスーパーマッチョケース for iPhone X」，賣18,000円。

有冇人有用Vita嚟Remote Play《Monster Hunter: World》？我都係坐定定喺屋企玩，冇試過。咁如果iPhone用家想Remote Play可以點？之前有個應用程式R-Play，日本有機迷試咗拍埋片。

《Evangelion新劇場版》最後一集《シン・エヴァンゲリオン劇場版：||》「Evangelion: 3.0+1.0 」，到底今年會唔會有得睇？睇番個時序先，TV版係1995年，舊劇場版係1997年，新劇場版序係2007年，破2009年，Q 2012年，今年已經2018年喇。官方出咗新年賀圖，講啲嘢都係冇乜特別，多謝上年支持呀，希望下年繼續支持呀咁，有網民就話自2012年Q之後已經支持咗5年幾6年，係，就快支持唔住喇。仲有，今年係狗年，所以明日香都攬住隻柴犬，又所以官方都有新年產品推出，另外電路板電話殼都有新款喇，亦都有iPhone X用嘅，唔駛電識著燈，17,280円。

iPhone X嘅面部辨識系統越嚟越多人發現問題，之前有小朋友成功解鎖呀媽部機，最近日本著名嘅孖仔藝人ザ・たっち又成功解鎖嘞。號稱可以分辨到雙胞胎，不過睇段片就見到佢哋兩個成功用同一部iPhone X解鎖。咁話時話，佢兩個又真係好似一樣樣咁嘅。