近排成日開Switch玩，有冇發覺部機都幾熱？其實冇……唔緊要，咁成日拎住部電話打機睇片，又有冇覺得部機都幾熱？如果都冇，咁就算啦。不過日本嚟緊21日就會有呢個「ゲーマーズモバイルクーラー」產品推出，聲稱可以降低裝置溫度達13度，3,960円。

呢排最人氣一定係網上漫畫《100日後に死ぬワニ》啦，出咗好多商品之餘又會出實體書版，而且仲會遊戲化，除咗電話App之外，係咪會有任天堂Switch版？點解咁講，因為有網民發現隻鱷魚拎住Switch個手掣囉。

外國有好多地區都唔俾市民出街，除非有特別理由。咁可以有咩特別理由？飲酒？食車仔麵？呢位77歲西班牙伯伯嘅理由竟然係玩《Pokémon Go》！雖然聽落幾搞笑，不過伯伯都係乖乖哋留喺屋企，好似呢張網民整嘅「Pokémon Dont Go」圖咁啦，人冇事先做到世界冠軍嘛。

之前已經公開咗，啱啱有片睇喇，首先係PS4嘅《鬼滅の刃 ヒノカミ血風譚》，由CyberConnect2製作，都算穩陣嘅。另一隻就係電話遊戲《鬼滅の刃 血風剣戟ロワイアル》，近月咁多fans，可以留意吓啦。

好想去戲院睇戲，不過實在太高危嘞。日本網民@suamochi都係咁諗，為咗止癮，佢整咗呢個「特製電影院」，放部智能電話入去，再透過佢睇電影，就有置身電影院嘅感覺。唔少網民讚佢係天才，有人仲建議佢量產化。

拎住部電話燒幾粒鐘真係好容易，不過係有時拎到攰啫，攤又唔係瞓又唔係坐又唔係……不過如果有咗呢個「∀クッション」，用咩姿勢都好似舒服啲喎。5,980円。

Samsung部新摺機Galaxy Z Flip今日好多人談論啦，不過大家睇到嘅時候有無覺得熟口熟面？日本有網民就發覺個外形同Game Boy Advance SP好相似，唔講唔覺，一覺就好覺嘞‥‥‥

電話用嘅紅外線熱能感應鏡頭有咩用？原來好有用，而且係日常都用到。有日本網民去超市買即食炸薯餅，就用咗呢個鏡頭睇吓邊件係新鮮熱辣，果然俾佢發現其中兩件係比較熱嘅……

好多人會喺手機背裝個鐵環，方便睇片時可以企起部手機。今次日本扭蛋公司Qualia直情加對腳俾佢，仲要係動物腳，超可愛！呢個動物造型嘅手機架一式五款，長度大約70mm，對應直立或者橫向，動物方面有鴨仔、狗仔、豬仔、貓仔同恐龍5款，今年4月推出，記住留意返！

講起卡片遊戲動畫，梗係諗起《遊戲王》啦，不過下年4月就有多一套新嘅，就係Cygames嘅《Shadowverse（シャドウバース）》改編動畫。啱啱有PV睇，聲優陣有梶原岳人、榎木淳弥、本渡楓、小倉唯、田谷隼、種崎敦美、井口祐一等等。

  到底同呢隻杯有幾親密嘅關係，先會連出街都想帶埋佢？如果你真係當佢係女朋友，咁呢個「TENGA iPhone CASE」手機殼就啱你喇，3,800円，下個月派貨。

如果你電話不離手，會唔會有時覺得攰呀？呢個裝置可能幫到你。有日本工具人製作咗呢個裝置可以幫輕吓，而且仲幫佢改咗名，叫「孫指」。

CAT呢個品牌嘅行山boot好出名，佢哋仲出好多重型軍事機械，近年佢哋仲推出埋電話，有日本網民分享咗，聲稱達到美國軍事標準，例如放入2米嘅水深入面1個鐘都依然可以開返機，手濕甚至戴住4mm厚嘅手套都可以操作，入嚟有多啲資料，好勁吓，又原來，唔少日本網民都有用，仲出圖回應討論，入嚟有回帶。

Mega Drive之後輪到呢兩部？好合理吖，不過今次其實唔係Mini遊戲機，而係無線充電器，有齊三部「メガドライブ」、「セガサターン」、「ドリームキャスト」主機，用上Qi規格，iPhone、Android機都用到，Quick Charge3.0快速充電。2020年2月中發售，價錢4,950円。

叉電器嚟講呢個都算極盡浮誇。有日本網民喺海外買咗呢款天使手機充電器，將個電話放上去充電，底座就會著燈，旁邊仲會有對天使翼打開，配埋張對應嘅wallpaper幾好玩。之後有網民分享，原來有另一款可以配高達，都幾夾，睇落仲有啲似淘寶貨，有網民分享咗日本Amazon嘅link，入嚟有得睇。