有養貓嘅就知佢哋有幾鍾意打擾人類工作，日本有網民喺Twitter放咗段片，好努力做緊功課嘅佢俾隻貓纏住，瞓喺啲功課上面不特止，仲要人摸佢，又撞嚟撞去，好搞笑，入嚟有片睇。

羊咩「茶茶丸」喺《動物森友會》入面持續高人氣，最近有網民就有幸聽到佢嘅歌聲，睇片見樓主喺廣場度放咗直立咪同樂器，之後小動物就陸續出現一齊合奏，好可愛！入嚟有片睇。

覺唔覺得《動物森友會/ 動物之森》首主題曲好洗腦？日本動物之森官方Twitter最新出咗段主題曲嘅演奏影片，由多種樂器混合而成，其中色士風真係好好聽，而且仲係各自遙距再結合！片尾有埋音樂家嘅credit，放上Twitter只係14小時已經有280萬瀏覽，快啲上去睇吓啦。

喵星人好鍾意隨地瞓，有日本網民分享咗相同片，隻喵以為啲農作物係草地，乜都唔理撻咗上去瞓晏覺，好寫意又好好笑。之後樓主嘗試嗌醒佢，但佢望兩望之後又撻返低瞓覺，入嚟有片睇。

仲有無玩緊《動物之森/動物森友會》？好多玩家都鍾意改造自己個島，不過有時設計特別得濟，啲NPC就未必識行。有日本玩家分享咗段片，其中咁啱嚟賣魚嘅NPC竟然卡住咗喺個草地位郁唔倒，睇片仲會見到佢震震吓超搞笑，cap圖表達唔到，入嚟有片睇。樓主忍唔住開相機同佢影低呢個難忘一刻，快啲救人啦！

有試過在家工作嘅貓奴就知，啲喵會不斷騷擾你，喺你電腦前行嚟行去周圍坐，日本有貓奴就諗到個好方法，就係買個文件收納箱俾佢瞓，睇片見個箱寫住「ねこ」(貓)，而隻貓亦好快就塞爆咗個盒，好可愛！有需要嘅貓奴可以試吓。

係玩命嘅嘗試呀，《動物森友會/動物之森》入面啲 蜜蜂好煩，不過有玩家發現可以咁玩，就係撥扇嘞。原來咁做嘅時候啲蜜蜂就螫唔到你，佢仲話今日個島好平和，不過一收埋把扇就‥‥‥

今年因為疫情關係，大家都無得去日本賞櫻，又無得探奈良嘅鹿仔。日本有網民整理咗段片俾大家止吓癮。睇片見到奈良公園櫻花全開超靚，而啲鹿仔就好悠閒咁喺地上坐吓抖吓，無咗遊客嘅奈良公園特別清幽，片尾仲有鹿仔食餅片俾大家回味吓，入嚟有得睇。

又係《動物森友會/動物之森》呢隻羊咩茶茶丸(ちゃちゃまる)，佢最近喺日本大人氣，有日本網民仲整蠱佢，將佢重重圍困，睇佢喺屋企唔知點算好真係好想救佢呀，入嚟有片睇。

《動物森友會》有好多女玩家，所以出現粉紅色主題嘅城堡都好合理，有玩家放咗段片上Twitter，全個島由地板至所有花以至攤檔都係粉紅色，好誇張！有玩家就話睇到眼痛，不過真係好有心思好靚，入嚟有片睇。

《動物森友會》隻羊咩「茶茶丸」(ちゃちゃまる)大家都好鍾意，除咗係表情王之外，原來佢跳舞都好有個人風格。最近有日本網民放咗段片出嚟，睇佢搖搖吓超可愛，之後仲露出咗個超自滿表情，入嚟有片睇。

日本女摔跤手世志琥 （yoshiko）都係《動物之森/動物森友會》嘅fans，唔駛出賽嘅時候，佢選擇喺屋企整《動物之森》嘅曲奇餅，圖案有奸商狸克、鈴錢袋同Nook標記，完成品好高質，喺Twitter好快已經過咗百萬瀏覽，有網民仲分享咗佢嘅失敗作品，入嚟有回帶。

講起AR應用好少會聯想到藝術，不過啱啱喺日本Twitter熱傳就有呢段AR藝術展覽片。睇片見到好多藝術作品加咗AR效果之後，變得好立體好有創意，仲好有娛樂性令人好想睇落去，唔知會唔會係未來嘅趨勢？入嚟有片睇，推介。

放假留喺屋企嘅日本人做咩好？打機應該係好多人嘅選擇。日本有網民就玩Monster Hunter: World，而佢屋企隻貓都好想玩，當佢一邊屠龍，隻貓就一邊出貓貓拳抓部電視，好肉緊，入嚟有片睇。

實在太可愛嘞！日本有網民分享咗呢間烏冬屋，原來係俾狗狗瞓嘅屋仔，配埋個蓋好搞笑，隻柴犬仲親身示範瞓上去，呎吋剛剛好，仲可以將個頭放喺杯邊，入嚟有埋片睇，可愛到癲。呢款烏冬屋總共有4種顏色，貓狗都啱用，入嚟有amazon link可以訂返個，每個4700円，唔貴喎！