之前俄羅斯有人喺高速行駛中嘅車頂「滑浪」，大家都讚嘆戰鬥民族嘅強悍。今次仲勁，由Business Insider報道出嚟，片中見到俄國軍方嘅超巨型氣墊艦剷上沙灘，而且今次仲唔係演習或表演，而係突發事件！官方未交代出咗咩問題要急泊沙灘，但好彩嘅係速度唔算快，而且離遠已經有警報，冇人受傷。真係好誇張！

外國真係好多Minecraft fans，嚟緊11月出嘅《Assassin’s Creed IV》出咗好多預告，有外國機迷Nacker11就改咗條Minecraft版出嚟，場景同角度都跟到足，但係就起晒角……

強國即係強國，之前睇咗國際版嘅廣告啦，中國竟然有獨佔版！？網上流出呢條廣告片，延續Robert Downey Jr.點樣宣傳HTC，今次佢講普通話，火腿腸、核桃村、好體操……都係HTC。

日劇《半澤直樹》喺日本真係好紅，除咗成為今季No.1 收視嘅日劇，仲有一系列周邊產品搶住出籠。之前介紹過有加倍奉還饅頭，轉頭就見倒呢套即將喺9月推出嘅文具系列，有齊打工仔必備嘅原子筆、筆記簿、File同埋Memo紙，仲印埋「東京中央銀行」字樣，搞到我都好想買返套擺喺公司振聲威。只不過，如果老闆咁啱有睇呢套日劇，會唔會覺得我想作反而針對我？我唔想日日返工為報復呀！

每日睇倒唔開心嘅新聞，黑暗腐敗嘅政府，心情真係會有啲低落，如果你同我一樣，可以睇吓可口可樂呢個充滿正能量嘅新廣告，主題係「Happiness is movement, movement is hapaniess」，用上簡潔動畫，表達我哋開心時會紥紥跳，而倒轉頭郁動多啲人都會開心啲，首歌好好聽，睇完心情都靚晒，最後話晒係廣告，當然要提醒你，開支可樂就最快樂。

呢位叫鉄拳嘅日本人，唔關三島家族事，佢之前喺電視節目自創咗動畫片段，放上YouTube有300萬個views之後，再嚟一套足本《振り子》，都有180萬個Views，動畫片全部自製，冇對白，但就超感動人心！啱啱佢又有新作《約束》，6分鐘同樣係冇對白，用咗超過1,200張圖製作，日本網民激讚超感動，放咗兩日有90幾萬個Views。

《Gundam Online》唔太關我哋事，但呢兩條廣告片，就有大川藍嘅連邦女做亮點。廣告搵嚟髙田延彦同大川藍演出，兩條「演説篇」廣告分別針對關東同關西名古屋玩家，但正如我先前所講，大川藍個連邦女造型真係好得。

Gamescon仲有兩日先開始，但係外國各大傳媒都已經去緊準備。GameoverHK都想去，不過德國太遠，希望在下年啦。呢條片名為「Destination: Gamescom」，係遊戲網站Gamespot出發去德國嘅記錄，由美國去英國再去德國，呢條片真係拍得幾好睇，睇見都戥佢哋開心。

  錯過咗第1彈白金之星，飲恨。第2彈有第5部布差拉迪，即訂。係早一個星期前終於到貨，呢件Tee最好玩之處就係只要喺手機裝個Bandai嘅「Nextpets」App，之後對住件Tee就會有AR實景動畫出現！今次就係布差拉迪嘅Sticky Fingers，可惜只係拉開拉鏈出一出場……另外兩個隨機出現嘅就係布差拉迪出場講：「Arrivederci！」即係意大利文嘅再見；同埋替身出嚟嗌番句。講真，第1彈有白金之星飛出嚟：「啊啦啊啦啊啦！」正好多，好喇，飲恨嘅我喺度諗，有冇方法呢？原來有！我上網搵番件Tee個樣，用鏡頭對住個Mon，一樣啟動到呀！即係就算你冇買Tee，一樣可以玩呢個App！有片有真相！

其實我都幾反對人買貴耳筒, 真心識聽出分別嘅人唔多、真心識開耳筒嘅人亦唔多, 好多時都係浪費! 其實講到尾大家都係要型啫吓嘩? TDK嚟緊出呢隻就啱「玩」喇! 佢叫CLEF-BEAM（TH-BEC200）! 兩邊耳仔鴛鴦色, 已經玩得好寸吓! 不過更過癮係耳機線表面仲有特別塗層, 所以喺暗黑環境, 仲會發出隱隱若若嘅磷光(可維持5小時

係，我自細已經同肯德基建立深厚嘅感情，唔知點解，總係覺得上校個造型靠得住過麥叔叔，冇咁奸。講少少歷史先，KFC喺1930年於美國由Harland David Sanders上校(1890年9月9日－1980年12月16日)創辦，而啱啱就喺外國網站見到77歲嘅佢喺1967年嘅廣告現身，呢個廣告有班師奶捉咗佢，想威逼佢講出製雞方法，成個廣告好黑暗，嚇死小朋友！另外因為咁發現咗有個「KFC Videos #1頻道」，裏頭有勁多記錄片同廣告，當中仲有1991年NBA球星Magic Johnson拍嘅一個，係，佢出名鍾意食雞嘅……仲噴火。

咩話？咩話？話說可能我成日戴住耳筒打機睇碟，所以阿媽叫我洗碗、啲朋友問我借錢、老闆叫我開會，我都成日聽唔到，有怪莫怪。但今日總編輯就捉咗我睇條片，問我呢個頻率聽唔聽到，之後呢之後呢？老實講我只係聽到12,0000Hz，再高真係唔覺有聲喎？會唔會係你哋平時叫我做嘢時，講嘢太高頻呀？  

咩叫羊群效應？我諗呢條片可以解釋到，一隻咩隻隻咩。呢位紐西蘭人John Owen佢拍咗條片，就係同群羊講嘢，問咩佢哋都會一齊答你，不過答案都係得個咩字。咁多羊群喺度叫囂，有冇人驅散佢哋？有冇人拉佢哋話佢哋行為不檢呀？

HTC搵《Iron Man》Robert Downey Jr.拍廣告，雖然我對呢個品牌嘅好感度冇乜特別加減，不過都會好奇睇吓。令次呢條係幕後花絮片，見到拍攝過程中直昇機場某部份係CG，洗車嘅潮怪反而有人扮，仲有隻貓都係真嘅……都係嗰句，無論佢係咪Iron Man，我都支持Robert Downey Jr.。

見到個名，都知係抽《衝上雲霄》水，今次Bomba嘅Kibi加埋薑檸樂拍咗條片，就係為PlayStation HK宣傳嚟緊8月23日至26日嘅電腦節。今次勁呀，唔只配一個囡，係配兩個囡囡，一個係「熊仔頭」嘅女朋友杜小喬，另一個係Diva，佢哋喺片入面扮咗唔同遊戲角色，不過我最鍾意一幕，係薑檸樂嘅「JoJo立」，雖然佢條腰好硬……不如Kibi嚟多次啦！