剝雞蛋殼有好多技巧，最近日本Twitter熱傳呢段短片，睇落好方便，一次過可以好快剝晒大量雞蛋殼。秘技就係煲嘅時候加片檸檬，原來檸檬釋放嘅檸檬酸可以軟化雞蛋殼，之後就會超容易剝殼，下次試吓先！

柴仔個樣好醒，不過原來實際未必係嘅‥‥‥有日本網民同隻柴仔玩估零食，將粒零食放喺兩隻手是但一邊，不過柴仔估極都錯，個樣勁無癮，好彩最終佢終於估中，但過程超好笑，入嚟有片睇。

貓同狗可以好好朋友，好似最近喺Imgur熱傳嘅呢段片，有隻狗狗好認真咁望緊入屋，不過隻貓就好痴纏，不斷抓佢刷佢，狗狗忍唔住要出手撳底佢，好man！不過最終都係失敗，唯有坐低同佢玩，超可愛，入嚟有片睇。

小朋友好簡單，小小嘢都可以玩一餐玩得好開心，好似日本呢個小朋友坐田園都市線，就利用一張忍者透明膠片玩奔跑，效果好得意！

又係呢個日本愛知縣江南市嘅名物 – 戴黑超嘅大佛。唔少網民都介紹過佢，好多人都鍾意喺呢個位置拍攝大佛，前面有兩支交通燈睇落好有超現實嘅感覺，樓主仲拍埋片，左右單眼效果好正，入嚟有片睇。

唔少人都可能幻想過跳過月台間嘅路軌，呢位住喺奈良嘅日本男子就藝高人膽大親身挑戰吓！睇佢助晒跑似乎好有信心，可惜臨門跣腳差少少，睇片都覺得好痛！入嚟有片睇。

喵星人出名又曳又蠢又淆底，最近日本網民分享咗段片，貓奴睇完會笑到流眼水。片中幾隻喵圍住塊超像真嘅貓咕臣好認真咁聞聞聞，點知唔覺意叉錯腳撳底咗隻貓，成班喵星人即時嚇到四散！超搞笑，入嚟有片睇。

點樣可以整到一個心型蛋糕？原來切兩刀就變心型，無想像中咁難，不過要整到好似片中呢個粉紅色心型藤籃咁樣，仲要打開見到入面有鮮果陪襯就唔容易，睇片都覺得好精彩，入嚟有得慢慢睇，情人節有無興趣挑戰吓？

香港人好鍾意去日本買電飯煲，唔知呢個「4合1 電飯煲」會唔會成為新目標？日本有網民分享咗呢個新產品，聲稱可以同時煮4樣嘢，例如一邊煲飯一邊煮咖喱，上面仲可以煮吓菜同肉丸，每邊可以調校時間同溫度，每個24800円，好似幾方便，入嚟有片有Link。

喵星人嘅舉動真係好搞笑，最近呢隻喵喺日本Twitter好紅，段短片超過2百萬瀏覽。睇片見佢行去張貓床度瞓，不過佢唔係選擇跳入去，而係先撳底冚住個頭再碌過去，超搞笑！旁邊啲貓都睇到呆咗。以為佢咁啱得咁蹺？另一條片另一角度睇到佢用同一方法上貓床，好明顯已經成為佢嘅獨門絕技！

想睇吓日本10年間漫畫銷量嘅走勢？日本有網民分享咗段片，睇到由09年至19年間日本最暢銷嘅頭10部作品，多年嚟都係《ONE PIECE》遙遙領先，直至19年，《鬼滅の刃》終於追上《ONE PIECE》，成為年度最暢銷漫畫！呢套作品由日本漫畫家吾峠呼世晴創作，16年11期開始喺《週刊少年Jump》連載，截至19年12月銷量已經突破2500萬冊！2019年改編成動畫，電影預計今年首映。不過近年漫畫喺國內銷量下降，對比返2012年《ONE PIECE》嘅銷量同埋大比數拋離手嘅情況，就知當年《ONE PIECE》真係好強。入嚟有得睇返10年間走勢影片，有無邊套係你嘅青春回憶？

喵星人有時啲行為真係幾似大叔，日本有網民一朝早起身就見到呢個情景：隻喵反肚大字型攤咗喺書枱上面瞓覺，當佢走埋去拍隻喵個肚時，隻喵嘅反應都好正，入嚟有片睇。

牧童笛大家吹得多，用鼻吹真係第一次見。日本有網民分享咗段片上Twitter，見到個女仔用鼻孔呼氣吹奏牧童笛，仲要一邊鼻孔吹一支，好高難度！入嚟有片睇。不過吹完記住清潔返‥‥‥

有班咁玩得嘅屋企人真係好開心。有網民喺Twitter分享咗段片，話說兩個孫仔著晒恐龍裝去接嫲嫲，諗住俾個驚喜佢，點知嫲嫲出嚟時候，竟然都係著住恐龍裝！之後幾隻恐龍攬埋一嚿，超搞笑，段片喺Twitter已經超過咗1千萬瀏覽，入嚟有片睇。

喵星人可以做便當？日本有貓奴見隻喵坐咗喺塊便當布上面，就試吓幫佢包裝啦，點知隻喵真係郁都唔郁，仲好似幾鍾意呢件新衫，好啦，可以帶返學帶返工嘞，出發！