之前都有好多成人串流平台都推出免費服務，支援大家留家抗疫嘛。啱啱就輪到日本最大嘅「FANZA」（前DMM.R18），佢哋就唔係玩免費，而係象徵式收每套10円。呢個「在宅応援！ストレス発散10円セール」第一彈由即日開始，當中有三上悠亜作品，每套10円，即係7毫子！平過張紙巾。

日本喜劇演員志村健，即係《志村動物園》嘅園長，早前因為武漢肺炎離世，享年70歲，被稱為「日本喜劇王」嘅佢，帶俾好多日本人歡笑，最近有網民就拍咗段片懷念佢，用咗朱古力醬繪畫出佢不同時期嘅笑臉，好厲害，入嚟有片睇。

嚟緊4月12日會有呢套《美食偵探 明智五郎》漫畫改編嘅真人版日劇播放，而且啱啱仲話主題曲會係宇多田ヒカル主唱。講起宇多田光，其實嚟緊6月Evangelion新劇場版結局《シン・エヴァンゲリオン劇場版:||》主題曲會唔會有佢嘅新歌？

最近少咗人外出，動物園嘅動物都可以樂得清閒嘞。日本Twitter最近熱傳呢段片，上野動物園封閉咗，無人探嘅熊貓無無聊悶得滯玩攀爬樹木，又倒吊又碌地，好可愛，去唔到公園都可以睇網上影片。之後法新社AFP又拍到另一段片，一樣係動物園嘅熊貓，見到啲熊貓飽得滯攤晒喺地瞓覺超搞笑，入嚟有得睇。

平日玩《動物之森/動物森友會》，通常一開機都係狂撳「A」掣入game啦，不過有日本網民就好用心咁睇片頭，仲發現準備去釣魚嘅呢隻NPC動物好有腦，識得喺迷宮入面避開掘頭路‥‥‥入嚟有片回帶。

有無發覺玩Switch嘅《動物之森/動物森友會》，用丫叉射氣球吊住嘅禮物都幾難？有玩家喺Reddit分享秘技，原來起嚿草地之後爬梯上去，再用網就可以撲爆個氣球，係就係多工序咗啲，但容易一擊即中喎，下次可以試吓。

抗疫期間大家都留喺屋企，有養貓嘅生活又多啲樂趣，對多咗自然又拍多咗片。日本呢隻喵しじみ喺Twitter好高人氣，之前give me five段片好多人睇過，入嚟有回帶。最近佢又有新片，睇住主人喵喵叫，叫叫吓仲忍唔住打咗個喊露，超可愛，段片超多瀏覽，打個喊露都有250萬瀏覽，好強，入嚟有片回帶。

日本全民抗疫，男團「Arashi嵐」啱啱都出咗段片教大家洗手，片長兩分鐘，4小時已經接近100萬瀏覽，首歌仲好洗腦，入嚟有得睇。

愛懷舊嘅老鬼們，又多樣嘢睇喇。円谷為咗慶祝《ウルトラマン80》放送開始40周年，由今日開始會喺YouTube無料配信，香港地區都睇到，每星期1話，每話就放兩星期。呢套円谷プロ制作嘅特撮，當年1980年4月喺TBS開播，合共50話。

日本政府終於出手嘞，講緊係首相安倍晋三最近宣佈日本將會每戶發送兩個布口罩，呢個消息令好多日本市民不滿，今朝Twitter出現大量改圖，感受到民聚嘅憤怒同埋幽默感，係囉，一家人得兩個口罩真係好難分配。入嚟有多啲圖睇。

「大踏步神情確威武」，真係出賣年齡。1974年至1977年播放嘅特撮片《ロボコン》，啱啱宣佈會有新作電影喺7月31日公開。石田秀範監督，浦沢義雄劇本，而且製作單位強調，雖然發佈日係今日4月1日，但「全て事実です」，話全部都係真嘅。

東京呢兩日落雪，好多人影咗雪櫻嘅相放上Twitter，至於無去賞櫻嘅呢隻喵就選擇咗玩雪。睇片見佢喺露台用手撥吓撥吓玩雪，之後仲放咗入口！可能凍到麻痺，佢露出咗個好搞笑嘅表情，入嚟有片回帶。

好可愛！呢段片一定要開聲睇。段片喺Twitter一日已經有接近300萬瀏覽，片中嘅鸚鵡仔拎起面前嘅玩具，放近嘴邊叫，可能發現啲聲會放大，佢試完又再試，好似小朋友第一次發現好玩嘅玩具咁，超可愛，入嚟有片睇。

放假留喺屋企都有好多娛樂，好似日本好多網民就繼續玩《動物之森/動物森友會》嘞。嚟到呢個階段，大家都開始惡搞，有人喺奸商狸貓演說時幫佢加咗套三點式水著、有網民夜深4人聚會時拍打籃球製造噪音，仲有搶人搖搖椅坐嘅惡行，入嚟有片睇。

在家工作好多引誘，網上見過好多貓奴分享，原來狗主都有同樣煩惱。好似呢位日本網民，佢隻柴犬好嗲，經常跳上佢個身，又要人摸，最嚴重係同一時間屋企仲有個小朋友‥‥‥真係災難級，不過都幾幸福嘅。樓主仲分享咗小柴犬嘅相，原來一向都好癡人。